• HOME
  • »
  • NEWS
  • »
  • film
  • »
  • ആഷിക് ഉസ്മാൻ വമ്പൻ പ്രൊജക്ടുമായി; 'തല്ലുമാല'യുടെ സഹസംവിധായകൻ നഹാസ് നാസ സംവിധായകനാവുന്നു

ആഷിക് ഉസ്മാൻ വമ്പൻ പ്രൊജക്ടുമായി; 'തല്ലുമാല'യുടെ സഹസംവിധായകൻ നഹാസ് നാസ സംവിധായകനാവുന്നു

തല്ലുമാലയുടെയും അയൽ വാശിയുടെയേയും സഹ സംവിധായനാണു നഹാസ് നാസർ

  • Share this:

    മലയാള സിനിമയിലേക്ക് ആഷിക് ഉസ്മാൻ പ്രൊഡക്ഷൻസിലൂടെ (Aashiq Usman Productions) മറ്റൊരു സംവിധായകൻ കൂടി എത്തുന്നു. ജനപ്രിയ സിനിമകളുടെ നിർമ്മാതാവായ ആഷിക് ഉസ്മാൻ ഈയിടെ പുറത്തിറങ്ങി മെഗാഹിറ്റ് ആയി മാറി ഖാലിദ് റഹ്മാന്റെ സംവിധാന മികവിൽ ടോവിനോ തോമസ് മുഖ്യ വേഷം ചെയ്ത ‘തല്ലുമാല’ ഇതിനൊരുദാഹരണമാണ്. ‘ആഷിക് ഉസ്മാൻ പ്രൊഡക്ഷൻസ്’ എന്ന ബാനറിലാണ് നിർമാണം. ഇതേ നിർമ്മാണ കമ്പനിയുടെ അടുത്ത ചിത്രത്തിലൂടെ മറ്റൊരു പുതുമുഖ സംവിധയകനെ കൂടി മലയാള സിനിമക്ക് ലഭിക്കുകയാണ്.

    തല്ലുമാലയുടെയും അയൽ വാശിയുടെയേയും സഹ സംവിധായനായ നഹാസ് നാസറാണ് ആഷിക് ഉസ്മാൻ പ്രൊഡക്ഷൻസിന്റെ അടുത്ത ചിത്രം സംവിധാനം ചെയ്യുന്നത്. ‘കെട്ടിയോളാണെന്റെ മാലാഖ’എന്ന സിനിമക്ക് ശേഷം അജി പീറ്റർ തങ്കം തിരക്കഥ ഒരുക്കുന്ന ചിത്രം കൂടിയാണിത്. ഈ സിനിമയുടെ കൂടുതൽ വിവരങ്ങൾ അണിയറ പ്രവർത്തകർ പിന്നാലെ പുറത്തുവിടും.

    കോടി ക്ലബിന്റെ ‘തല്ലുമാല’

    റിലീസ് ചെയ്ത് അഞ്ചു ദിവസം പിന്നിടും മുൻപേ 25 കോടി കളക്ഷൻ നേടിയ ചിത്രങ്ങളുടെ പട്ടികയിൽ ഉൾപ്പെട്ട സിനിമയാണ് ‘തല്ലുമാല’.

    തല്ലിക്കൊണ്ട് കൂട്ടുകൂടുന്ന സുഹൃത്തുക്കളുടെ കഥയാണ് ‘തല്ലുമാല’.

    മണവാളൻ വസീം എന്നാണ് ടൊവിനോ കഥാപാത്രത്തിന്റെ പേര്. ബീപാത്തു എന്ന കഥാപാത്രമായാണ് കല്യാണി പ്രിയദർശൻ എത്തിയത്. ആഷിക്ക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ നിർമ്മിച്ച് ഖാലിദ് റഹമാൻ സംവിധാനം ചെയ്ത ചിത്രമാണ് ‘തല്ലുമാല’. മുഹ്‌സിൻ പരാരിയും, അഷ്‌റഫ് ഹംസയും ചേർന്നാണ് ചിത്രത്തിന്റെ തിരക്കഥ.

    ഷൈൻ ടോം ചാക്കോ, ജോണി ആന്റണി, ബിനു പപ്പു, ലുക്ക്മാൻ അവറാൻ തുടങ്ങി ഒരു നീണ്ട താരനിര തന്നെ ചിത്രത്തിലുണ്ട്. ഇൻസ്റ്റാ റീലുകൾക്കും വീഡിയോകൾക്കും പ്രശസ്തരായ കുറച്ച് യുവാക്കളും ചില അറബ് അഭിനേതാക്കളും സിനിമയുടെ ഭാഗമായി.

    ദുബായ് ഫെസ്റ്റിവൽ സിറ്റിയിൽ തല്ലുമാലയുടെ വർണ്ണാഭമായ ഷോ അരങ്ങേറിയിരുന്നു. ജനസാഗരത്ത സാക്ഷിയാക്കി നടന്ന പരിപാടിയിൽ ടൊവിനോ, കല്യാണി, ഷൈൻ ടോം ചാക്കോ, സംവിധായകൻ ഖാലിദ് റഹ്മാൻ, നിർമ്മാതാവ് ആഷിക്ക് ഉസ്മാൻ, തിരക്കഥാകൃത്ത് മുഹ്‌സിൻ പരാരി എന്നിവർ പങ്കെടുത്തു.

    സംഗീതം – വിഷ്ണു വിജയ് കൊറിയോഗ്രാഫർ – ഷോബി പോൾരാജ്, സംഘട്ടനം – സുപ്രീം സുന്ദർ, കലാ സംവിധാനം – ഗോകുൽ ദാസ്.

    Published by:user_57
    First published: