• HOME
  • »
  • NEWS
  • »
  • film
  • »
  • Panthradu | മലയാളത്തിന്റെ സ്വന്തം സൂഫി വീണ്ടും; 'പന്ത്രണ്ട്' സിനിമയിലെ ദേവ് മോഹന്റെ ഗാനം പുറത്തിറങ്ങി

Panthradu | മലയാളത്തിന്റെ സ്വന്തം സൂഫി വീണ്ടും; 'പന്ത്രണ്ട്' സിനിമയിലെ ദേവ് മോഹന്റെ ഗാനം പുറത്തിറങ്ങി

New song from Dev Mohan movie Panthrandu is here | 2022 ജൂൺ 10ന് വേൾഡ് വൈഡ് റിലീസിന് ഒരുങ്ങുകയാണ് ചിത്രം

  • Last Updated :
  • Share this:
    ആദ്യ ചിത്രം കൊണ്ടുതന്നെ പ്രേക്ഷകരുടെ മനസ്സിൽ സൂഫിയായി ഇടം നേടിയ ദേവ് മോഹന്റെ (Dev Mohan) അടുത്ത ചിത്രം 'പന്ത്രണ്ടിലെ' (Panthrandu) ഗാനം പുറത്തിറങ്ങി. പ്രണയാതുരമായൊഴുകുന്ന 'മെല്ലെ എൻ പ്രണയം' എന്ന ഗാനം യൂട്യൂബ് ചാനൽ വഴി പ്രേക്ഷകരിലേക്ക് എത്തിക്കഴിഞ്ഞു. ലിയോ തദേവൂസ് തിരക്കഥ എഴുതി സംവിധാനം ചെയ്യുന്ന സിനിമയാണ്.

    അൽഫോൻസ് ജോസഫിന്റെ സംഗീത്തിൽ ഷഹബാസ് അമൻ ആലപിച്ചിരിക്കുന്ന 'മെല്ലെ' എന്ന ഗാനം സോണി മ്യൂസിക്ക് ആണ് പുറത്തിറക്കിയിട്ടുള്ളത്. ബി.കെ. ഹരിനാരായണൻ, ജോ പോൾ എന്നിവർ ചേർന്നാണ് 'പന്ത്രണ്ടിനു' വേണ്ടി ഗാനരചന നിർവഹിച്ചിരിക്കുന്നത്. 2022 ജൂൺ 10ന് വേൾഡ് വൈഡ് റിലീസിന് ഒരുങ്ങുകയാണ് ചിത്രം.



    ദേവ് മോഹൻ കേന്ദ്ര കഥാപാത്രമായെത്തുമ്പോൾ വിനായകന്‍, ലാൽ, ഷൈന്‍ ടോം ചാക്കോ, തുടങ്ങിയവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. ഒപ്പം വിജയകുമാർ, സോഹൻ സീനുലാൽ, പ്രശാന്ത് മുരളി, വെട്ടുകിളി പ്രകാശ്, ജയകൃഷ്ണൻ, വിനീത് തട്ടിൽ, ജെയിംസ് ഏലിയ, ഹരി, സുന്ദര പാണ്ഡ്യൻ, ശ്രിന്ദ, വീണ നായർ, ശ്രീലത നമ്പൂതിരി തുടങ്ങിയവരും മറ്റ് കഥാപാത്രങ്ങളെ അവതരിപ്പിക്കുന്നു. സ്കൈ പാസ് എന്റര്‍ടൈന്‍മെന്റിന്റെ ബാനറില്‍ വിക്ടര്‍ എബ്രഹാം നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം സ്വരൂപ് ശോഭ ശങ്കര്‍ നിർവ്വഹിക്കുന്നു.

    എഡിറ്റർ- നബു ഉസ്മാൻ, ലൈൻ പ്രൊഡ്യൂസർ- ഹാരീസ് ദേശം, പ്രൊഡക്ഷന്‍ കണ്‍ട്രോളർ- ബിനു മുരളി, പ്രൊഡക്ഷന്‍ ഡിസൈനർ- ജോസഫ് നെല്ലിക്കല്‍, വസ്ത്രാലങ്കാരം- ധന്യ ബാലകൃഷ്ണന്‍, മേക്കപ്പ്- അമല്‍ ചന്ദ്രന്‍, സ്റ്റില്‍സ്- റിഷാജ് മുഹമ്മദ്, ഡിസൈൻ- യല്ലോ ടൂത്ത് സൗണ്ട് ഡിസൈനർ- ടോണി ബാബു, ആക്ഷന്‍ - ഫീനിക്‌സ് പ്രഭു, വി.എഫ്.എക്‌സ്. - മാത്യു മോസസ്, ചീഫ് അസോസിയേറ്റ് ഡയറക്ടർ- സുകു ദാമോദർ, അസോസിയേറ്റ് ഡയറക്ടർ- ഹരീഷ് ചന്ദ്ര മോഷൻ പോസ്റ്റർ- ബിനോയ് സി. സൈമൺ- പ്രൊഡക്ഷൻ മാനേജർ- നികേഷ് നാരായൺ, പ്രൊഡക്ഷൻ എക്സിക്യൂട്ടീവ്- വിനോഷ് കൈമൾ. പി.ആർ.ഒ.- ആതിര ദിൽജിത്.

    Summary: New song from the movie Panthrandu featuring Dev Mohan is out on YouTube. The movie is slated for a world-wide release on June 10 
    Published by:user_57
    First published: