• HOME
  • »
  • NEWS
  • »
  • film
  • »
  • Ayisha | വടക്ക് ദിക്കിലെ ബെടക്ക് ചെക്കന്റെ... ഗാനവുമായി മഞ്ജു വാര്യരുടെ 'ആയിഷ'

Ayisha | വടക്ക് ദിക്കിലെ ബെടക്ക് ചെക്കന്റെ... ഗാനവുമായി മഞ്ജു വാര്യരുടെ 'ആയിഷ'

സുഹെയ്ൽ എം. കോയയുടെ വരികൾക്ക് എം. ജയചന്ദ്രൻ ഈണമിട്ട്, മഞ്ജരി ആലപിച്ചിരിക്കുന്നു

  • Share this:

    മഞ്ജു വാര്യരുടെ (Manju Warrier) ഏറ്റവും പുതിയ ചിത്രം ‘ആയിഷ’യിൽ നിന്നുള്ള പുതിയ ഗാനം പുറത്തിറങ്ങി. സുഹെയ്ൽ എം. കോയയുടെ വരികൾക്ക് എം. ജയചന്ദ്രൻ ഈണമിട്ട്, മഞ്ജരി ആലപിച്ചിരിക്കുന്നു. മഞ്ജു വാര്യര്‍ കേന്ദ്ര കഥാപാത്രത്തെ അവതരിപ്പിച്ച പ്രഭുദേവ (Prabhu Deva) കൊറിയോഗ്രാഫി ചെയ്ത ആദ്യത്തെ ഇൻഡോ-അറബിക് ചിത്രം ആയിഷ 2023 ജനുവരി 20ന് റിലീസ് ചെയ്യും. നവാഗതനായ ആമിര്‍ പള്ളിക്കല്‍ ആണ് സംവിധാനം.

    അറബിക്, മലയാളം ഭാഷകളിൽ ചിത്രീകരിച്ച സിനിമയിലെ എഴുപതു ശതമാനത്തോളം അഭിനേതാക്കളും മറ്റു രാജ്യക്കാരാണ്. ഒരു ലോക സിനിമയുടെ നിലവാരത്തിലാണ് ആയിഷ ചിത്രീകരിച്ചിട്ടുള്ളത്. അറബ് രാജ്യങ്ങളിൽ അറബിക് ഭാഷയിൽ തന്നെയാകും സിനിമ റിലീസ് ആകുന്നത്. ആദ്യമായാണ് ഒരു ഇന്ത്യൻ സിനിമയ്ക്ക് ഇത്തരം ഒരു വേദി സൗദി അറേബിയയിൽ ലഭിക്കുന്നത്. ആഷിഫ് കക്കോടിയാണ് രചന.

    Also read: Ayisha | പ്രഭുദേവ ചിട്ടപ്പെടുത്തി മഞ്ജു വാര്യർ നൃത്തം ചെയ്ത ഗാനം; ‘ആയിഷ’യിലെ കണ്ണില് കണ്ണില്…

    മഞ്ജു വാര്യര്‍ക്ക് പുറമെ രാധിക, സജ്‌ന, പൂര്‍ണിമ, ലത്തീഫ (ടുണീഷ്യ), സലാമ (യു.എ.ഇ.), ജെന്നിഫര്‍ (ഫിലിപ്പൈന്‍സ്), സറഫീന (നൈജീരിയ), സുമയ്യ (യമന്‍), ഇസ്ലാം (സിറിയ) തുടങ്ങിയ വിദേശ താരങ്ങളും അണിനിരക്കുന്നു.’ ക്രോസ് ബോര്‍ഡര്‍ ക്യാമറയുടെ ബാനറില്‍ സക്കറിയ നിര്‍മ്മിക്കുന്നു. ഫെദര്‍ ടച്ച് മൂവി ബോക്‌സ്, ഇമാജിന്‍ സിനിമാസ്, ലാസ്റ്റ് എക്‌സിറ്റ് സിനിമാസ്, മൂവി ബക്കറ്റ് എന്നീ ബാനറുകളില്‍ ശംസുദ്ധീന്‍, സക്കറിയ വാവാട്, ഹാരിസ് ദേശം, അനീഷ് പി.ബി, ബിനീഷ് ചന്ദ്രൻ എന്നിവരാണ് ഈ ചിത്രത്തിന്റെ സഹ നിർമ്മാതാക്കൾ.

    ഛായാഗ്രഹണം വിഷ്ണു ശര്‍മ നിര്‍വ്വഹിക്കുന്നു. എഡിറ്റര്‍- അപ്പു എന്‍. ഭട്ടതിരി, കല- മോഹന്‍ദാസ്, വസ്ത്രാലങ്കാരം- സമീറ സനീഷ്, ചമയം-റോണക്‌സ് സേവ്യര്‍, ചീഫ് അസ്സോസിയേറ്റ്- ബിനു ജി., ശബ്ദ സംവിധാനം- വൈശാഖ്, സ്റ്റില്‍- രോഹിത് കെ. സുരേഷ്, ലൈന്‍ പ്രൊഡ്യൂസര്‍- റഹിം പി.എം.കെ., ഡിജിറ്റൽ മാർക്കറ്റിംഗ്: വിപിൻ കുമാർ, 10g മീഡിയ, പി.ആര്‍.ഒ.- എ.എസ്. ദിനേശ്, ശബരി.

    Summary: A brand-new song from the film Ayisha, which has Manju Warrier as the lead and was choreographed by Prabhu Deva, has been made available online. The song, written by Suhail Koya and sung by Manjari, was composed by M. Jayachandran. The movie is the first Indo-Arabic production by Manju Warrier being produced in both Malayalam and Arabic. The movie is being released in Arabic in Gulf nations

    Published by:user_57
    First published: