• HOME
  • »
  • NEWS
  • »
  • film
  • »
  • Ayisha | പ്രഭുദേവ ചിട്ടപ്പെടുത്തി മഞ്ജു വാര്യർ നൃത്തം ചെയ്ത ഗാനം; 'ആയിഷ'യിലെ കണ്ണില് കണ്ണില്...

Ayisha | പ്രഭുദേവ ചിട്ടപ്പെടുത്തി മഞ്ജു വാര്യർ നൃത്തം ചെയ്ത ഗാനം; 'ആയിഷ'യിലെ കണ്ണില് കണ്ണില്...

പ്രഭു- മഞ്ജു കൂട്ടുകെട്ടിലെ ചില നൃത്ത ശകലങ്ങളും ചേർത്താണ് വീഡിയോയുടെ അവതരണം

ആയിഷ

ആയിഷ

  • Last Updated :
  • Share this:
    മഞ്ജു വാര്യരുടെ (Manju Warrier) ജന്മദിനത്തിൽ പുറത്തിറങ്ങിയ ഒരു സോംഗ് ടീസർ ഏവരും കണ്ടിരിക്കും.  പുതിയ ചിത്രം ആയിഷയിൽ (Ayisha) പ്രഭു ദേവ (Prabhu Deva) ചിട്ടപ്പെടുത്തി മഞ്ജു ആടിത്തകർത്ത ഗാനമാണത്. ഈ ഗാനത്തിന്റെ ലിറിക്കൽ വീഡിയോ പുറത്തുവന്നിരിക്കുന്നു. പ്രഭു- മഞ്ജു കൂട്ടുകെട്ടിലെ ചില നൃത്ത ശകലങ്ങളും ചേർത്താണ് വീഡിയോയുടെ അവതരണം. നവാഗതനായ ആമിര്‍ പള്ളിക്കാല്‍ ആണ് സംവിധാനം.

    ബി.കെ. ഹരിനാരായണൻ എഴുതിയ വരികൾക്ക് എം. ജയചന്ദ്രൻ ഈണം പകർന്ന് അഹി അജയൻ ആലപിച്ച 'കണ്ണിലെ കണ്ണിലെ' എന്ന ഗാനമാണിത്.

    അറബിയിലും മലയാളത്തിലുമായി ഒരുപിടി ഗാനങ്ങൾ കൊണ്ട് സമ്പന്നമാണ് ഈ ചിത്രം. അതിൽ രണ്ട് പാട്ടുകൾ പാടിയിരിക്കുന്നത് ശ്രേയാ ഘോഷാൽ ആണ്. എം. ജയചന്ദ്രന്റെ സംഗീത സംവിധാനത്തിൽ അറബിയിലും മലയാളത്തിലുമായുള്ള ഗാനങ്ങൾ ഉടൻ സരിഗമയിലൂടെ റിലീസ് ചെയ്യും.

    പ്രേതം ഭവനം എന്ന് വിശേഷിപ്പിക്കുന്ന അൽ ഖസ് അൽ ഗാഖിദ് എന്ന നാലു നില കൊട്ടാരമാണ് ആയിഷയുടെ പ്രധാന ലോക്കേഷൻ. നീണ്ട ഇടവേളയ്ക്ക് ശേഷമാണ് റാസൽ ഖൈമയിൽ ചിത്രീകരിക്കുന്ന മലയാള സിനിമയാണിത്. മലയാളത്തിലും അറബിയിലും നിർമ്മിക്കുന്ന ഈ ചിത്രത്തിനു വേണ്ടി ടൈറ്റിൽ കഥാപാത്രമായ ആയിഷയ്ക്കു വേണ്ടി മഞ്ജു വാര്യർ അറബി ഭാഷയും പഠിച്ചു.

    മലയാളത്തിന് പുറമെ ഇംഗ്ലീഷിലും അറബിയിലും പുറത്തിങ്ങുന്ന 'ആയിഷ', തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യന്‍ ഭാഷകളിലും അവതരിപ്പിക്കുന്നുണ്ട്. ചിത്രത്തിന്റെ രചന ആഷിഫ് കക്കോടി നിർവ്വഹിക്കുന്നു.

    മഞ്ജു വാര്യര്‍ക്കു പുറമെ 'ക്ലാസ്സ്മേറ്റ്സ് ' ഫെയിം രാധിക, സജ്‌ന, പൂര്‍ണിമ, ലത്തീഫ (ടുണീഷ്യ), സലാമ (യു.എ.ഇ.), ജെന്നിഫര്‍ (ഫിലിപ്പൈന്‍സ്), സറഫീന (നൈജീരിയ), സുമയ്യ (യമന്‍), ഇസ്ലാം (സിറിയ) തുടങ്ങിയ വിദേശ താരങ്ങളും അണിനിരക്കുന്നു.



    ക്രോസ് ബോര്‍ഡര്‍ ക്യാമറയുടെ ബാനറില്‍ സക്കറിയ നിര്‍മ്മിക്കുന്ന ചിത്രമാണ് 'ആയിഷ'. ഫെദര്‍ ടച്ച് മൂവി ബോക്‌സ്, ഇമാജിന്‍ സിനിമാസ്, ലാസ്റ്റ് എക്‌സിറ്റ് സിനിമാസ് എന്നീ ബാനറുകളില്‍ ഷംസുദ്ദീന്‍, സക്കറിയ വാവാട്, ഹാരിസ് ദേശം, അനീഷ് പി.ബി. എന്നിവരാണ് ഈ ചിത്രത്തിന്റെ സഹ നിർമ്മാതാക്കൾ.

    ബി.കെ. ഹരിനാരായണൻ, സുഹൈല്‍ കോയ എന്നിവർ എഴുതിയ വരികൾക്ക് എം. ജയചന്ദ്രന്‍ സംഗീത സംവിധാനം നിർവഹിക്കുന്ന ചിത്രത്തില്‍ പ്രശസ്ത ഇന്ത്യൻ, അറബി പിന്നണി ഗായകര്‍ പാടുന്നു. ഛായാഗ്രഹണം വിഷ്ണു ശര്‍മ നിര്‍വ്വഹിക്കുന്നു.

    എഡിറ്റര്‍- അപ്പു എന്‍. ഭട്ടതിരി, കല- മോഹന്‍ദാസ്, വസ്ത്രാലങ്കാരം- സമീറ സനീഷ്, ചമയം- റോണക്‌സ് സേവ്യര്‍, ചീഫ് അസ്സോസിയേറ്റ്- ബിനു ജി. നായര്‍, ശബ്ദ സംവിധാനം- വൈശാഖ്, സ്റ്റില്‍- രോഹിത് കെ. സുരേഷ്, ലൈന്‍ പ്രൊഡ്യൂസര്‍- റഹിം പി.എം.കെ., ഡിജിറ്റൽ മാർക്കറ്റിംഗ്- വിപിൻ കുമാർ വി., 10g മീഡിയ, പി.ആര്‍.ഒ.- എ.എസ്. ദിനേശ്.
    Published by:user_57
    First published: