• HOME
  • »
  • NEWS
  • »
  • film
  • »
  • നവാഗതരുടെ ചിത്രങ്ങളുമായി IFFK 2018

നവാഗതരുടെ ചിത്രങ്ങളുമായി IFFK 2018

  • Share this:
    തിരുവനന്തപുരം: കേരള രാജ്യാന്തര ചലച്ചിത്രമേളയില്‍ 30ലധികം നവാഗത പ്രതിഭകളുടെ സംവിധാനത്തിളക്കം. കാന്‍, വെനീസ്, ബെര്‍ലിന്‍, ലൊക്കാര്‍ണോ തുടങ്ങിയ മേളകളില്‍ പ്രേക്ഷക പ്രീതി നേടിയ ചലച്ചിത്രങ്ങളാണ് നവാഗതരുടേതായി ലോകസിനിമാ വിഭാഗത്തില്‍ പ്രദര്‍ശിപ്പിക്കുന്നത്. ഇതില്‍ പകുതിയോളം ചിത്രങ്ങളും ഇന്ത്യയില്‍ ആദ്യമായാണ്.

    ലൊക്കാര്‍ണോ മേളയില്‍ പ്രത്യേക പരാമര്‍ശം നേടിയ റേ ആന്റ് ലിസ്, വെനീസ് മേളയില്‍ മികച്ച നടനുള്ള പുരസ്‌കാരത്തിന് ഖൈസ് നാഷിഫിനെ അര്‍ഹനാക്കിയ ടെല്‍ അവീവ് ഓണ്‍ ഫയര്‍, സാന്‍ സെബാസ്റ്റ്യനില്‍ മൂന്നു പുരസ്‌കാരങ്ങള്‍ നേടിയ റോജോ എന്നിവയും ഈ വിഭാഗത്തില്‍ ഉള്‍പ്പെടുന്നു.

    ചലച്ചിത്ര മേള കണ്ടാസ്വദിക്കാൻ ത്രിദിന പാസ് 

    ബോര്‍ഡര്‍ എന്ന ചിത്രത്തിന്റെ സംവിധായകന്‍ അലി അബ്ബാസി, കെനിയന്‍ സംവിധായിക വനൗരി കഹ്യു, അമേരിക്കന്‍ സംവിധായനായ കെന്റ് ജോണ്‍സ്, വിയറ്റ്‌നാം സംവിധായികയായ ആഷ് മേഫെയര്‍, റുമേനിയന്‍ സംവിധായകന്‍ ഡാനിയേല്‍ സാന്റു എന്നിവരുടേതടക്കമുള്ള നവാഗത ചിത്രങ്ങളും മേളയുടെ ഭാഗമായി പ്രദര്‍ശനത്തിനെത്തും.

    അസ്ഗർ ഫർഹാദിയുടെ ഇവരിബഡി നോസാണ് ഉദ്ഘാടന ചിത്രം. ഡിസംബർ ഏഴു മുതൽ 13 വരെ തിരുവനന്തപുരത്താണ് മേള സംഘടിപ്പിക്കുക. വെള്ളപ്പൊക്ക ദുരിതാശ്വാസത്തിന് സഹായമെത്തിക്കുകയെന്ന ലക്ഷ്യത്തോടെയാവും ഈ വർഷത്തെ നടത്തിപ്പ്.

    First published: