• HOME
  • »
  • NEWS
  • »
  • film
  • »
  • Dear Students | നിവിൻ പോളി വീണ്ടും നിർമ്മാതാവാകുന്നു; പുതിയ ചിത്രം 'ഡിയർ സ്റ്റുഡന്റസ്'

Dear Students | നിവിൻ പോളി വീണ്ടും നിർമ്മാതാവാകുന്നു; പുതിയ ചിത്രം 'ഡിയർ സ്റ്റുഡന്റസ്'

Nivin Pauly to produce the movie Dear Students | 'ഡിയർ സ്റ്റുഡന്റ്സ്' എന്ന് പേരിട്ടിരിക്കുന്ന ചിത്രം പോളി ജൂനിയർ പിക്ചേഴ്സിന്റെ ബാനറിൽ നിവിൻ നിർമ്മിക്കും

ഡിയർ സ്റ്റുഡന്റസ്

ഡിയർ സ്റ്റുഡന്റസ്

  • Share this:
    നടൻ നിവിൻ പോളി (Nivin Pauly) നിർമ്മിക്കുന്ന പുതിയ ചിത്രത്തിന്റെ ടൈറ്റിൽ പോസ്റ്റർ മാർച്ച് 31 ന് പ്രകാശനം ചെയ്തു. 'ഡിയർ സ്റ്റുഡന്റ്സ്' എന്ന് പേരിട്ടിരിക്കുന്ന ചിത്രം പോളി ജൂനിയർ പിക്ചേഴ്സിന്റെ ബാനറിൽ നിവിൻ നിർമ്മിക്കും. നവാഗതരായ സന്ദീപ് കുമാറും ജോർജ്ജ് ഫിലിപ്പ് റോയിയും ചേർന്നാണ് ചിത്രം സംവിധാനം ചെയ്യുന്നത്. സ്‌കൂൾ, കോളേജ് വിദ്യാർത്ഥികളുടെ കഥയെ ആസ്പദമാക്കിയാണ് ചിത്രം ഒരുക്കിയിരിക്കുന്നതെന്നാണ് ടൈറ്റിൽ പോസ്റ്റർ സൂചിപ്പിക്കുന്നത്.

    “സ്നേഹത്തിന്റെയും ചിരിയുടെയും വിനോദത്തിന്റെയും ഊർജ്ജസ്വലമായ ഒരു യാത്രക്ക് തയാറാകൂ," പോസ്റ്റർ പങ്കുവെച്ചുകൊണ്ട് നിവിൻ ഇങ്ങനെ കുറിച്ചു. ചിത്രത്തിൽ നിവിൻ അഭിനയിക്കുമോ എന്ന് അണിയറപ്രവർത്തകർ ഇതുവരെ വെളിപ്പെടുത്തിയിട്ടില്ല.



    തുറമുഖം, പടവെട്ട് തുടങ്ങി ഒട്ടേറെ പ്രൊജക്ടുകളാണ് നിവിന്റെതായി വരാനിരിക്കുന്നത്. തുറമുഖം സിനിമയിൽ മട്ടാഞ്ചേരിയിലെ തുറമുഖ തൊഴിലാളിയായ മൊയ്തു എന്ന കഥാപാത്രമായാണ് നിവിൻ എത്തുന്നത്. സംവിധായകൻ രാജീവ് രവിയാണ് ഇത് സംവിധാനം ചെയ്യുന്നത്. സുകുമാർ തെക്കേപ്പാട്ട് നിർമ്മിക്കുന്നു.

    അഭിനേതാക്കളായ പൂർണ്ണിമ ഇന്ദ്രജിത്ത്, ഇന്ദ്രജിത്ത് സുകുമാരൻ, അർജുൻ അശോകൻ, നിമിഷ സജയൻ, സുദേവ് ​​നായർ, മണികണ്ഠൻ ആർ. ആചാരി, ദർശന രാജേന്ദ്രൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഗോപൻ ചിദംബരത്തിന്റെ തിരക്കഥയും അതേ പേരിലുള്ള നാടകത്തെ അടിസ്ഥാനമാക്കിയുമാണ് ചിത്രം ചെയ്തിട്ടുള്ളത്. ഗോപന്റെ അച്ഛൻ കെ.എൻ. ചിദംബരം ആണ് നാടകകൃത്ത്.

    ഛായാഗ്രാഹകനും സംവിധായകനുമായ രാജീവ് രവി 2013 ലെ മലയാളം സിനിമ അന്നയും റസൂലും എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ചു. തുറമുഖം അദ്ദേഹത്തിന്റെ നാലാമത്തെ സംവിധാന സംരംഭമാണ്.

    ലിജു കൃഷ്ണ സംവിധാനം ചെയ്ത് സണ്ണി വെയ്ൻ നിർമ്മിക്കുന്ന പടവെട്ട്, അദിതി ബാലനും മഞ്ജു വാര്യരും അഭിനയിക്കുന്നു. ലിജുവും സണ്ണിയും മുമ്പ് 'മൊമെന്റ് ജസ്റ്റ് ബിഫോർ ഡെത്ത്' എന്ന നാടകത്തിൽ ഒരുമിച്ച് പ്രവർത്തിച്ചിട്ടുണ്ട്. 'കോൾഡ് കേസ്', 'അരുവി' തുടങ്ങിയ ചിത്രങ്ങളിലൂടെ ശ്രദ്ധേയയായ അദിതി ബാലൻ ഈ ചിത്രത്തിലെ നായികമാരിൽ ഒരാളാണ്.
    പി ആർ ഒ- എ.എസ്. ദിനേശ്.

    Summary: Nivin Pauly to produce the movie Dear Students. Revealing the title poster on social platforms, he wrote: Get ready to go on a vibrant journey of love, laughter, and fun. Presenting #DearStudents directed by debutants @Sandeepkumark1p & @GeorgePhilipRoy. @PaulyPictures @tuneyjohn
    Published by:user_57
    First published: