• HOME
  • »
  • NEWS
  • »
  • film
  • »
  • സെൻസർ ബോർഡ് ഇടഞ്ഞു, നരേന്ദ്ര മോദി ചിത്രം വൈകും

സെൻസർ ബോർഡ് ഇടഞ്ഞു, നരേന്ദ്ര മോദി ചിത്രം വൈകും

Release of PM Modi Biopic Delayed to April 12 | ആദ്യ ഘട്ട തിരഞ്ഞെടുപ്പിന് ശേഷമാവും റിലീസ് എന്ന് പ്രതീക്ഷിക്കുന്നു

മോദിയുടെ ജീവിത കഥ പറയുന്ന പി.എം. നരേന്ദ്ര മോദിയിലെ നായകൻ വിവേക് ഒബ്‌റോയ് ആണ്

മോദിയുടെ ജീവിത കഥ പറയുന്ന പി.എം. നരേന്ദ്ര മോദിയിലെ നായകൻ വിവേക് ഒബ്‌റോയ് ആണ്

  • Share this:
    പറഞ്ഞത് പോലെ ഏപ്രിൽ 5ന് നരേന്ദ്ര മോദി ചിത്രം പി.എം. നരേന്ദ്ര മോദി തിയേറ്ററുകളിലെത്തില്ല. ലോക്സഭാ തിരഞ്ഞെടുപ്പിന് മുൻപായി റിലീസ് ചെയ്യാൻ ആയിരുന്നു പദ്ധതി എങ്കിലും സെൻസർ ബോർഡിൻറെ ഇടപെടൽ റിലീസ് തിയ്യതിയിൽ മാറ്റം വരുത്തിയിരിക്കുന്നു. ചിത്രം റിലീസ് ചെയ്യാം എന്ന ഇലക്ഷൻ കമ്മിഷൻ നിലപാട് ഉണ്ടായെങ്കിലും, അന്തിമ തീരുമാനം സെൻസർ ബോർഡിന് വിടുകയായിരുന്നു. സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ ആണ് ഇതിൽ തീരുമാനം എടുക്കാനുള്ള അധികാരവും.

    Read: 'പിഎം നരേന്ദ്രമോദി'ക്ക് വിലക്കില്ല; തീരുമാനം സെന്‍സർ ബോർഡിന് വിട്ട് ഇലക്ഷൻ കമ്മീഷൻ

    ആദ്യ ഘട്ട തിരഞ്ഞെടുപ്പിന് ശേഷം ഏപ്രിൽ 12നാവും റിലീസ് എന്ന് പ്രതീക്ഷിക്കുന്നു. തിരഞ്ഞെടുപ്പ് കഴിയും വരെ റിലീസ് വേണ്ടെന്ന ആവശ്യവുമായി പ്രതിപക്ഷം രംഗത്തെത്തിയിരുന്നു. ചിത്രം റിലീസ് ചെയ്യുന്നത് തെരഞ്ഞെടുപ്പ് പെരുമാറ്റ ചട്ടലംഘനമാണെന്ന് പരാതി ഉയർന്ന സാഹചര്യത്തിൽ ചിത്രത്തിന്റെ നിർമ്മാതാക്കൾക്ക് ഇലക്ഷൻ കമ്മീഷൻ നോട്ടീസ് അയക്കുകയും ചെയ്തിരുന്നു. എന്നാൽ റിലീസിന് മേലുള്ള കടന്നു കയറ്റം മൗലികാവകാശ ലംഘനം എന്നാണ് ബി.ജെ.പി.യുടെ പക്ഷം. കൂടാതെ, ചിത്രത്തെയോ, അതിന്റെ അണിയറക്കാരുമായോ പാർട്ടിക്കൊരു ബന്ധവുമില്ലെന്നും ബി.ജെ.പി. പറയുന്നു.

    മേരികോം, സരബ്ജിത്ത് എന്നീ ബയോപിക് ചിത്രങ്ങളിലൂടെ ശ്രദ്ധേയനായ ഒമങ് കുമാർ സംവിധാനം ചെയ്യുന്ന ചിത്രത്തിൽ വിവേക് ഒബ്രോയിയാണ് മോദിയായെത്തുന്നത്.

    First published: