മലയാളത്തിൽ ഓൺലൈൻ റിലീസ് വേണോ?; തീരുമാനം ഇന്നറിയാം

കൊച്ചി: ഓൺലൈൻ റിലീസുമായി ബന്ധപ്പെട്ട തർക്കം പരിഹരിക്കാൻ ചലച്ചിത്ര സംഘടനകളുമായി ഫിലിം ചേംബറുടെ ചർച്ച.  നിർമ്മാതാക്കൾ, വിതരണക്കാർ, തീയറ്റർ ഉടമകൾ എന്നിവയുടെ പ്രതിനിധികൾ പങ്കെടുത്തു. കൊച്ചിയിലെ ഫിലിം ചേംബർ ഓഫീസിലാണ് ചർച്ച.

ഇപ്പോഴത്തെ സാഹചര്യത്തിൽ ഒടിടി റിലീസ് വേണോയെന്ന് നിർമ്മാതാക്കൾക്ക് തീരുമാനിക്കാമെന്ന നിലപാടിലാണ് നിർമാതാക്കളുടെ സംഘടന. മലയാള സിമിനയിലെ ഓൺലൈൻ റിലീസുമായി ബന്ധപെട്ട് അനുകൂലിച്ചും പ്രതികൂലിച്ചും വ്യത്യസ്ത നിലപാടായിരുന്നു വിവിധ ചലച്ചിത്ര സംഘടനകൾ സ്വീകരിച്ചിരുന്നത്.

ഓൺലൈൻ റിലീസിനെ പിന്തുണയ്ക്കുന്ന നിലപാടായിരുന്നു  പ്രൊഡ്യൂസേഴ്സ് അസോസിയേഷന്റേത്. ഇപ്പോഴത്തെ സാഹചര്യത്തിൽ ഒ.ടി.ടി. റിലീസ് വേണോയെന്ന് നിർമ്മാതാക്കൾക്ക് തീരുമാനിക്കാം. എന്നാൽ ഒ.ടി.ടി. റിലീസിനെ പൂർണ്ണമായി എതിർത്ത തിയേറ്റർ ഉടമകളുടെ സംഘടന വിജയ് ബാബുവിന്റെ നിലപാടിനെതിരെ പ്രൊഡ്യൂസേഴ്സ് അസോസിയേഷന് നൽകിയ കത്തിന് മറുപടി കിട്ടിയ ശേഷം മാത്രം തുടർ ചർച്ചകൾ മതിയെന്ന നിലപാടിലായി.
You may also like:Liquor Sale in Kerala | സംസ്ഥാനത്ത് മദ്യവിൽപന നാളെ മുതൽ; Bev Q App പ്ലേ സ്റ്റോറിലും ആപ് സ്റ്റോറിലും [news]ഫോട്ടോഷൂട്ടിനിടയിൽ ചുംബിക്കാൻ ആവശ്യപ്പെട്ട ഫോട്ടോഗ്രാഫറോട് സൽമാൻ ഖാന്റെ മറുപടി; ഭാഗ്യശ്രീ പറയുന്നു [NEWS]'ഇത് നന്ദികേട്; പ്രവാസികളുടെ ക്വറന്റീൻ ചെലവ് സർക്കാർ തന്നെ വഹിക്കണം': വെൽഫെയർ പാർട്ടി [NEWS]
വിവാദങ്ങൾ കനക്കുന്ന സാഹചര്യത്തിലാണ് തർക്കം പരിഹരിക്കാൻ ചലച്ചിത്ര സംഘടനകളെ ചർച്ചയ്ക്ക് വിളിക്കാൻ  ഫിലിം ചേംബർ തീരുമാനമെടുത്തത്. വിജയ് ബാബു നിർമ്മിച്ച ജയസൂര്യ ചിത്രം സൂഫിയും സുജാതയും ഓൺലൈനിൽ റിലീസ് ചെയ്യാൻ തീരുമാനിച്ചതോടെയാണ് വിവാദങ്ങൾക്ക് തുടക്കമായത്.

മറ്റു പല നിർമ്മാതാക്കളും ഈ വഴി ആലോചിച്ചതോടെ ഇതിനെതിരെ തിയേറ്റർ ഉടമകൾ രംഗത്തു വരികയായിരുന്നു. റിലീസ് ചെയ്തവരുടെ ചിത്രങ്ങൾക്ക് പിന്നീട് തിയേറ്റർ നൽകില്ലെന്നാണ് തിയറ്റർ ഉടമകളുടെ തീരുമാനം.