• HOME
  • »
  • NEWS
  • »
  • film
  • »
  • Ponniyin Selvan | 300 കോടി ക്ലബ്ബിന് അരികിൽ; 'പൊന്നിയിൻ സെൽവൻ' ആറാം ദിനം വരെയുള്ള കളക്ഷൻ ഇങ്ങനെ

Ponniyin Selvan | 300 കോടി ക്ലബ്ബിന് അരികിൽ; 'പൊന്നിയിൻ സെൽവൻ' ആറാം ദിനം വരെയുള്ള കളക്ഷൻ ഇങ്ങനെ

വിക്രം, ഐശ്വര്യ റായ് ബച്ചൻ, ജയം രവി, കാർത്തി, തൃഷ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രം കളക്ഷൻ ഇനത്തിൽ 300 കോടിക്ക് അടുത്ത് കുതിക്കുകയാണ്

പൊന്നിയിൻ സെൽവൻ

പൊന്നിയിൻ സെൽവൻ

  • Last Updated :
  • Share this:
    പൊന്നിയിൻ സെൽവൻ (Ponniyin Selvan) ബോക്‌സ് ഓഫീസിൽ വിജയക്കുതിപ്പ് തുടരുന്നു. വിക്രം, ഐശ്വര്യ റായ് ബച്ചൻ, ജയം രവി, കാർത്തി, തൃഷ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രം കളക്ഷൻ ഇനത്തിൽ 300 കോടിക്ക് അടുത്ത് കുതിക്കുകയാണ്. 13 കോടി രൂപ മാത്രമാണ് ചിത്രത്തിന് ഈ നാഴികക്കല്ല് പിന്നിടാൻ വേണ്ടത്.

    ബോക്‌സ് ഓഫീസ് കണക്കുകൾ പങ്കുവെച്ചുകൊണ്ട് ട്രേഡ് വിദഗ്‌ദ്ധനായ മനോബാല വിജയബാലൻ ട്വീറ്റ് ചെയ്തു. പിഎസ് 1 ആറാം ദിവസം ലോകമെമ്പാടുമുള്ള ബോക്‌സ് ഓഫീസിൽ 29.40 കോടി രൂപ കളക്ഷൻ നേടി. ഇത് പൊന്നിയിൻ സെൽവന്റെ ലോകമെമ്പാടുമുള്ള ബോക്‌സ് ഓഫീസ് കളക്ഷൻ 287.85 കോടി രൂപയായി ഉയർത്തി.



    തമിഴ്‌നാട്ടിൽ വിജയദശമി അവധിയുടെ പ്രയോജനം സിനിമയ്ക്കുണ്ടായി. സംസ്ഥാനത്ത് 16.79 കോടി രൂപ കളക്ഷൻ നേടി. ഇത് തമിഴ്‌നാട്ടിൽ മാത്രം പൊന്നിയിൻ സെൽവന്റെ ബോക്‌സ് ഓഫീസ് കളക്ഷൻ 117.53 കോടി രൂപയായി ഉയർത്തി.



    ട്രെൻഡ് പരിശോധിച്ചാൽ, 300 കോടി ബോക്‌സ് ഓഫീസ് കളക്ഷൻ നേടുന്നതിന് പൊന്നിയിൻ സെൽവൻ അധിക സമയം എടുക്കില്ല. അതേസമയം, ചിത്രം ലോകമെമ്പാടുമുള്ള ഒന്നിലധികം ബോക്സ് ഓഫീസ് റെക്കോർഡുകൾ തകർത്തതായി ട്രേഡ് അനലിസ്റ്റ് രമേഷ് ബാല നേരത്തെ വെളിപ്പെടുത്തിയിരുന്നു.

    രജനികാന്തിന്റേതല്ലാത്ത ഒരു ചിത്രം യുഎസിൽ 4 മില്യൺ ഡോളർ ക്ലബ്ബിൽ പ്രവേശിച്ചതായി അദ്ദേഹം കൂട്ടിച്ചേർത്തു.

    പൊന്നിയിൻ സെൽവൻ കൽക്കി കൃഷ്ണമൂർത്തിയുടെ അതേ പേരിലുള്ള പുസ്തകത്തെ അടിസ്ഥാനമാക്കിയുള്ള സിനിമയാണ്. ഏറ്റവും ശക്തനായ രാജാക്കന്മാരിൽ ഒരാളായ, ജയം രവി അവതരിപ്പിച്ച അരുൾമൊഴിവർമ്മന്റെ കഥയാണ് ചിത്രം അവതരിപ്പിക്കുന്നത്. തുടർന്ന് ആദ്ദേഹം മഹാനായ ചോള ചക്രവർത്തിയായ രാജരാജ ചോള ഒന്നാമനായി ഉയർന്നു. ഐശ്വര്യയാണ് പഴുവൂർ റാണി നന്ദിനിയെ അവതരിപ്പിക്കുന്നത്. മണിരത്നത്തിന്റെ പൊന്നിയിൻ സെൽവന്റെ ആദ്യഭാഗം അഞ്ച് ഭാഗങ്ങളുള്ള പുസ്തകത്തിന്റെ ആദ്യ മൂന്ന് ഭാഗങ്ങളിൽ സംഭവിക്കുന്ന സുപ്രധാന സംഭവങ്ങളാണ്.

    Summary: Ponniyin Selvan 1 movie is inching closer to 300 crore club worldwide. Directed by Mani Ratnam, the film has a stellar cast comprising Vikram, Aishywarya Rai, Jayam Ravi, Karthi, Trisha, Prakash Raj, Sarathkumar among others
    Published by:user_57
    First published: