• HOME
  • »
  • NEWS
  • »
  • film
  • »
  • Prathibha Tutorials | വിദ്യാഭ്യാസരംഗത്തെ കൗതുകങ്ങളുടെ ആക്ഷേപഹാസ്യവുമായി 'പ്രതിഭാ ട്യൂട്ടോറിയൽസ്'; ചിത്രീകരണം ആരംഭിക്കുന്നു

Prathibha Tutorials | വിദ്യാഭ്യാസരംഗത്തെ കൗതുകങ്ങളുടെ ആക്ഷേപഹാസ്യവുമായി 'പ്രതിഭാ ട്യൂട്ടോറിയൽസ്'; ചിത്രീകരണം ആരംഭിക്കുന്നു

കോഴിക്കോട്ടെ കോടഞ്ചേരിയിലും പരിസരങ്ങളിലുമായാണ് ചിത്രീകരണം

ജോണി ആന്റണി, സുധീഷ്

ജോണി ആന്റണി, സുധീഷ്

  • Share this:
    വിദ്യാഭ്യാസ രംഗത്ത് കൗതുകകരമായ പ്രഖ്യാപനങ്ങളിലൂടെ കുട്ടികളെ ആകർഷിക്കുന്ന രീതികളുടെ മുഴുനീള ആക്ഷേപഹാസ്യ ചിത്രമാണ് പ്രതിഭാ ട്യൂട്ടോറിയൽസ് (Prathibha Tutorials). സംവിധായകരായ ജി.എസ്. വിജയൻ, നിസ്സാർ തുടങ്ങിയവർക്കൊപ്പം പ്രവർത്തിച്ചു പോന്നിരുന്ന അഭിലാഷ് രാഘവനാണ് ഈ ചിത്രം തിരക്കഥ രചിച്ച് സംവിധാനം ചെയ്യുന്നത്. ഓർമ്മപ്പൂക്കളാണ് ആദ്യ ചിത്രം.

    പ്രമുഖ ബ്രാൻഡുകളുടേതുൾപ്പടെ ആറുപതോളം പരസ്യചിത്രങ്ങൾ അഭിലാഷ് രാഘവൻ സംവിധാനം ചെയ്തിട്ടുണ്ട്. ഗുഡ് ഡേ മൂവീസിന്റെയും അനാമിക മൂവീസ്സിൻ്റെയും ബാനറിൽ എ.എം. ശ്രീലാൽ പ്രകാശനും, ജോയ് അനാമികയും ചേർന്നാണ് ഈ ചിത്രം നിർമ്മിക്കുന്നത്.

    മാർച്ച് ഒമ്പതു മുതൽ കോഴിക്കോട്ടെ കോടഞ്ചേരിയിലും പരിസരങ്ങളിലുമായി സിനിമയുടെ ചിത്രീകരണം ആരംഭിക്കുന്നു. ജോണി ആൻ്റണി, സുധീഷ്, സാജു നവോദയ (പാഷാണം ഷാജി), നിർമ്മൽ പാലാഴി, ശിവജി ഗുരുവായൂർ, ജാഫർ ഇടുക്കി, വിജയകൃഷ്ണൻ (ഹൃദയം ഫെയിം) അൽത്താഫ് സലിം, ജയ കൃഷ്ണൻ, അപ്പുണ്ണി ശശി, സാജു കൊടിയൻ, എൽദോ രാജു (ഓപ്പറേഷൻ ജാവാ ഫെയിം), മണികണ്ഠൻ, അഞ്ജനാ അപ്പുക്കുട്ടൻ, ടീനാ സുനിൽ, പ്രീതി രാജേന്ദ്രൻ, മഹിത കൃഷ്ണ, മനീഷാ മോഹൻ, ജ്യോതികൃഷ്ണ ആലപ്പുഴ എന്നിവർക്കൊപ്പം നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.

    സ്വാതി ത്യാഗി എന്ന ഒരു ഹിന്ദി നടിയും ഈ ചിത്രത്തിൽ മുഖ്യവേഷത്തിൽ എത്തും. പാടാത്ത പൈങ്കിളി എന്ന ജനപ്രിയ പരമ്പരയിലുടെ ശ്രദ്ധേയനായ സൂരജ് സൺ ഈ ചിത്രത്തിലൂടെ ആദ്യമായി ബിഗ് സ്ക്രീനിലെത്തുന്നു
    ഹരി നാരായണൻ, മനു മഞ്ജിത്ത്, ഹരിതാ ബാബു എന്നിവരുടെ വരികൾക്ക് കൈലാസ് മേനോൻ ഈണം പകരുന്നു.

    ഏറ്റവും മികച്ച ഗായികക്കുള്ള സംസ്ഥാന സർക്കാരിൻ്റെ പുരസ്ക്കാരം നേടിയ നിത്യാ മാമ്മൻ ഈ ചിത്രത്തിൽ ഗാനമാലപിക്കുന്നു. മറ്റു പ്രമുഖ ഗായകരും ഈ ചിത്രത്തിനു വേണ്ടി പാടുന്നുണ്ട്. ഗാനങ്ങൾക്ക് ഏറെ പ്രാധാന്യമുള്ള ഒരു ചിത്രം കൂടിയാണിത്.

    രാഹുൽ സി. വിമല ഛായാഗ്രഹണവും റെജിൻ കെ.കെ. എഡിറ്റിംഗും നിർവ്വഹിക്കുന്നു. കലാസംവിധാനം- മുരളി ബേപ്പൂർ, കോസ്റ്റിയൂം ഡിസൈൻ - ചന്ദ്രൻ ചെറുവണ്ണൂർ, മേക്കപ്പ് - രാജൻമാസ്ക്ക്, ചീഫ് അസ്സോസ്സിയേറ്റ് ഡയറക്ടർ - ജയേന്ദ്ര ശർമ്മ, പ്രൊഡക്ഷൻ കൺട്രോളർ- നിജിൽ ദിവാകർ, പി.ആർ.ഒ.- വാഴൂർ ജോസ്.
    Published by:user_57
    First published: