R.S. Vimal | 'എന്ന് നിന്റെ മൊയ്‌തീൻ' സംവിധായകൻ ആർ.എസ്. വിമൽ നിർമ്മാതാവാകുന്നു; 'ശശിയും ശകുന്തളയും' ഫസ്റ്റ് ലുക്ക്

‘എന്ന് നിന്റെ മൊയ്‌തീൻ’ എന്ന സൂപ്പർഹിറ്റ് ചിത്രമൊരുക്കിയ ആർ.എസ്. വിമൽ നിർമ്മാതാവാകുന്നു. ‘ശശിയും ശകുന്തളയും’ എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറ പ്രവർത്തകർ പുറത്തുവിട്ടു. ആർ.എസ്. വിമൽ രചന നിർവഹിക്കുന്ന സിനിമ കൂടിയാണ് ശശിയും ശകുന്തളയും. ബിച്ചാൾ മുഹമ്മദാണ് ‘ശശിയും ശകുന്തളയും’ എന്ന ചിത്രത്തിന്റെ സംവിധായകൻ.

Also read: Pakalum Pathiravum | ആദ്യമായി മമ്മൂട്ടിക്കൊപ്പമല്ലാത്ത അജയ് വാസുദേവ് ചിത്രം; ‘പകലും പാതിരാവും’ എന്താണ്?

ചിത്രത്തിൽ ഷഹീൻ സിദ്ദിഖ്, സിദ്ദിഖ്, ആർ.എസ്. വിമൽ, അശ്വിൻ കുമാർ, ബിനോയ്, ബാലാജി, ബിച്ചൽ, നേഹ സലാം, രസ്‌ന പവിത്രൻ, സിന്ധു വർമ എന്നിവരാണ് അഭിനയിക്കുന്നത്. ആമി ഫിലിംസിന്റെ ബാനറിൽ ആർ.എസ്. വിമലും സലാം തനിക്കാട്ടും നേഹ സലാമും ചേർന്നാണ് ചിത്രത്തിന്റെ നിർമാണം. വിഷ്ണുവാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. വിനയൻ എം.ജെ.യാണ് ചിത്രത്തിന്റെ എഡിറ്റർ. കെപിയും പ്രകാശ് അലക്‌സും ചേർന്നാണ് ചിത്രത്തിന് സംഗീതം ഒരുക്കിയിരിക്കുന്നത്. പശ്ചാത്തല സംഗീതം: കെപി. കലാ സംവിധായകൻ- ബസന്ത് പെരിങ്ങോടൻ.