• HOME
  • »
  • NEWS
  • »
  • film
  • »
  • Higuita | ശശി തരൂർ റിലീസ് ചെയ്ത 'ഹിഗ്വിറ്റ' പോസ്റ്ററിലെ രാഷ്ട്രീയ നേതാവാര്?

Higuita | ശശി തരൂർ റിലീസ് ചെയ്ത 'ഹിഗ്വിറ്റ' പോസ്റ്ററിലെ രാഷ്ട്രീയ നേതാവാര്?

ഇടതുപക്ഷ അനുഭാവിയായ യുവാവിന് സ്പോർട്സ് ക്വാട്ടയിൽ കണ്ണൂരിലെ ഒരു ഇടതു നേതാവിൻ്റെ ഗൺമാനായി നിയമനം ലഭിക്കുന്നതാണ് പ്രമേയം

ഹിഗ്വിറ്റ

ഹിഗ്വിറ്റ

  • Share this:

    ഹേമന്ത് ജി. നായർ തിരക്കഥ രചിച്ച് സംവിധാനം ചെയ്യുന്ന ‘ഹിഗ്വിറ്റ’ (Higuita) എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ശശി തരൂർ എം.പിയുടെ ഒഫീഷ്യൽ ഫേസ്ബുക്ക് (official Facebook page of Shashi Tharoor) പേജിലൂടെയാണ് ഫസ്റ്റ് ലുക്ക് പോസ്റ്റർ പുറത്തിറങ്ങിയത്. സെക്കൻ്റ് ഹാഫ് പ്രൊഡക്ഷൻസ് ഇൻ അസ്സോസ്സിയേഷൻ വിത്ത് മാംഗോസ് എൻ കോക്കനട്ട് സിസിൻ്റെ ബാനറിൽ ബോബി തര്യൻ – സജിത് അമ്മ എന്നിവരാണ് ഈ ചിത്രം നിർമ്മിക്കുന്നത്.

    ആലപ്പുഴയിലെ ഫുട്ബോൾ പ്രേമിയായ ഇടതുപക്ഷ അനുഭാവിയായ യുവാവിന് സ്പോർട്സ് ക്വാട്ടയിൽ കണ്ണൂരിലെ ഒരു ഇടതു നേതാവിൻ്റെ ഗൺമാനായി നിയമനം ലഭിക്കുകയും തുടർന്നുണ്ടാകുന്ന സംഭവങ്ങളുമാണ് തികച്ചും രസാ കരവും ഒപ്പം സമകാലീനമായ സംഭവങ്ങളിലൂടെയും അവതരിപ്പിക്കുന്നത്.

    ധ്യാൻ ശ്രീനിവാസൻ (Dhyan Sreenivasan) ഗൺമാനേയും സുരാജ് വെഞ്ഞാറമൂട് (Suraj venjaramoodu) ഇടതുപക്ഷ നേതാവിനേയും പ്രതിനിധീകരിക്കുന്നു. നമ്മുടെ നാടിൻ്റെ ഇന്നത്തെ പ്രശ്നങ്ങളുടെ ഒരു നേർക്കാഴ്ച്ചയായിരിക്കും ഈ ചിത്രം എന്ന് അണിയറപ്രവർത്തകർ പറയുന്നു.

    മനോജ് കെ. ജയൻ, ഇന്ദ്രൻസ്, ജാഫർ ഇടുക്കി, വിനീത് കുമാർ, മാമുക്കോയ, അബു സലിം, ശിവദാസ് കണ്ണൂർ, ജ്യോതി കണ്ണൂർ, ശിവദാസ് മട്ടന്നൂർ എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.

    വിനായക് ശശികുമാർ, ധന്യാ നിഖിൽ എന്നിവരുടെ വരികൾക്ക് രാഹുൽ രാജ് ഈണം പകർന്നിരിക്കുന്നു. ഫാസിൽ നാസർ ഛായാഗ്രാഹണവും പ്രസീത് നാരായണൻ എഡിറ്റിംഗും നിർവ്വഹിക്കുന്നു.

    കലാസംവിധാനം – സുനിൽ കുമാർ, മേക്കപ്പ് – അമൽ ചന്ദ്രൻ, കോസ്റ്റ്യും – ഡിസൈൻ – നിസ്സാർ റഹ്മത്ത്, ചീഫ് അസ്സോസ്സിയേറ്റ് ഡയറക്ടർ – കുടമാളൂർ രാജാജി, അസ്സോസ്സിയേറ്റ് ഡയറക്ടേർസ് – അരുൺ ഡി. ജോസ്, ആകാശ് രാംകുമാർ, പ്രൊഡക്ഷൻ മാനേജേഴ്സ് – നോബിൾ ജേക്കബ്, എബി കോടിയാട്ട്, പ്രൊഡക്ഷൻ എക്സിക്കുട്ടീവ് – രാജേഷ് മേനോൻ, പ്രൊഡക്ഷൻ കൺട്രോളർ- അലക്സ് ഇ. കുര്യൻ, പി.ആർ.ഒ.- വാഴൂർ ജോസ്.

    Summary: Shashi Tharoor MP released the first-look poster of Malayalam movie Higuita starring Suraj venjaramoodu and Dhyan Sreenivasan in the lead roles. Sharing the poster on his Facebook timeline, Tharoor wrote: ‘Glad to release the first-look poster of the forthcoming Malayalam movie “Higuita”, featuring Suraj Venjarammoodu, Dhyan Sreenivasan amoung others.The movie is produced by Bobby Tharian and Sajith Amma and directed by Hemanth G Nair. It will be coming to your screens soon. Do watch!’

    Published by:user_57
    First published: