അങ്ങനെ ഗംഗയും നകുലനും മുഖാമുഖം; വരനെ ആവശ്യമുണ്ട് സിനിമയിലെ ആദ്യ ഗാനത്തിലൂടെ

Shobana and Suresh Gopi featured in the first song from Varane Avashyamundu movie | 'വരനെ ആവശ്യമുണ്ട്' ചിത്രത്തിലെ ആദ്യ ഗാനം പുറത്തിറങ്ങി

News18 Malayalam | news18-malayalam
Updated: January 15, 2020, 7:52 PM IST
അങ്ങനെ ഗംഗയും നകുലനും മുഖാമുഖം; വരനെ ആവശ്യമുണ്ട് സിനിമയിലെ ആദ്യ ഗാനത്തിലൂടെ
സുരേഷ് ഗോപി, ശോഭന
  • Share this:
വർഷങ്ങളുടെ ഇടവേളയ്ക്ക് ശേഷം ഗംഗയും നകുലനുമായി പ്രേക്ഷകരുടെ മനം കവർന്ന ശോഭനയും സുരേഷ് ഗോപിയും വീണ്ടും മുഖാമുഖം വരുന്ന 'വരനെ ആവശ്യമുണ്ട്' ചിത്രത്തിലെ ആദ്യ ഗാനം പുറത്തിറങ്ങി. ദുൽഖർ, കല്യാണി പ്രിയദർശൻ, ശോഭന, സുരേഷ് ഗോപി എന്നിവർ ഒന്നിച്ചെത്തുന്ന ഗാനരംഗമാണ് പുറത്തിറങ്ങിയിരിക്കുന്നത്.

ദുൽഖർ സൽമാൻ പ്രൊഡക്ഷൻസിന്റെ ബാനറിൽ എം സ്റ്റാർ ഫിലിംസും വേ ഫെറർ ഫിലിംസും നിർമ്മിച്ച് സത്യൻ അന്തിക്കാടിൻ്റെ മകൻ അനൂപ് സത്യൻ ആദ്യമായി സംവിധാനം ചെയ്യുന്ന ചിത്രമാണ് വരനെ ആവശ്യമുണ്ട്.

പ്രിയദര്‍ശൻ്റെയും ലിസിയുടെയും മകളും നടിയുമായ കല്യാണി പ്രിയദര്‍ശനാണ് ചിത്രത്തിലെ നായിക. ഉർവശി, മേജർ രവി, ലാലു അലക്സ്, ജോണി ആൻ്റണി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

കല്യാണി പ്രിയദര്‍ശന്‍ നായികയാകുന്ന ആദ്യത്തെ മലയാള ചിത്രമെന്ന പ്രത്യേകതയോടെയാണ് ചിത്രം അണിയറയിൽ പുരോഗമിക്കുന്നത്. അനൂപ് സത്യന്‍ രചനയും സംവിധാനവും നിർവഹിക്കുന്നു.

ലാല്‍ ജോസിനൊപ്പം സഹസംവിധായകനായി പ്രവര്‍ത്തിച്ചിട്ടുള്ള അനൂപ് സത്യൻ ആദ്യമായി സ്വതന്ത്ര സംവിധായകനാകുന്ന ചിത്രത്തിൽ ചെന്നൈയില്‍ സ്ഥിരതാമസമാക്കിയ രണ്ട് പേരുടെ ജീവിതകഥ ആസ്പദമാക്കിയാണ് കഥ. ഒരു ഫൺ ഫാമിലി എൻ്റർടെയ്നർ ചിത്രമായാണ് ഇതൊരുക്കുന്നത്.

ദുൽഖർ സൽമാൻ്റെ പ്രൊഡക്ഷൻ കമ്പനിയുടെ നേതൃത്വത്തിൽ അണിയറയിൽ മൂന്ന് ചിത്രങ്ങളാണ് പുരോഗമിക്കുന്നത്. അതിൽ ഈ മൂന്നാമതായി പ്രഖ്യാപിച്ച ചിത്രമാണ് ഇത് എങ്കിലും ആദ്യം തീയേറ്ററുകളിലെത്താൻ ഒരുങ്ങുന്നത് അനൂപ് സത്യൻ ഒരുക്കുന്ന ഈ ചിത്രമാണ്. കുറുപ്പ്, മണിയറയിലെ അശോകൻ എന്നീ ചിത്രങ്ങളാണ് ദുൽഖർ സൽമാൻ്റെ പ്രൊഡക്ഷൻ കമ്പനി നിർമ്മിക്കുന്ന മറ്റു രണ്ട് ചിത്രങ്ങൾ.

ഉയരെ, ഞണ്ടുകളുടെ നാട്ടിൽ ഒരിടവേള എന്നീ ചിത്രങ്ങൾക്ക് ക്യാമറ ചലിപ്പിച്ച മുകേഷ് മുരളീധരനാണ് ഈ ചിത്രത്തിൻ്റെ ഛായാഗ്രഹണം നിര്‍വ്വഹിക്കുന്നത്. ചിത്രത്തിലെ ഗാനങ്ങൾക്ക് സംഗീതമൊരുക്കുന്നത് അല്‍ഫോണ്‍സ് ജോസഫ്.

Published by: meera
First published: January 15, 2020, 7:52 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading