• HOME
  • »
  • NEWS
  • »
  • film
  • »
  • Basil Joseph in KKAK | ഒരു സമ്പൂർണ കോഴിക്കോടൻ ചിത്രം; ബേസിൽ ജോസഫിന്റെ 'കഠിന കഠോരമീ അണ്ഡകടാഹം' ചിത്രീകരണം ആരംഭിച്ചു

Basil Joseph in KKAK | ഒരു സമ്പൂർണ കോഴിക്കോടൻ ചിത്രം; ബേസിൽ ജോസഫിന്റെ 'കഠിന കഠോരമീ അണ്ഡകടാഹം' ചിത്രീകരണം ആരംഭിച്ചു

പൂർണമായും കോഴിക്കോടിന്റെ പശ്ചാത്തലത്തിൽ ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് ഉണ്ട, പുഴു എന്നീ ചിത്രങ്ങളുടെ തിരക്കഥാകൃത്തായ ഹർഷദ്

കഠിന കഠോരമീ അണ്ഡകടാഹം

കഠിന കഠോരമീ അണ്ഡകടാഹം

  • Last Updated :
  • Share this:
    കൗതുകവും രസകരവുമായ പേരുമായി ബേസിൽ ജോസഫ് (Basil Joseph) പ്രധാന വേഷത്തിലെത്തുന്ന പുതിയ ചിത്രം 'കഠിന കഠോരമീ അണ്ഡകടാഹം' (Kadina Kadoramee Andakadaham - KKAK). ചിത്രത്തിൻ്റെ പൂജയും സ്വിച്ചോൺ കർമ്മവും കോഴിക്കോട് നടന്നു. നവാഗതനായ മുഹസിൻ സംവിധാനം ചെയ്യുന്ന ചിത്രത്തിൻ്റെ നിർമ്മാണം നൈസാം സലാം പ്രൊഡക്ഷൻസിൻ്റെ ബാനറിൽ നൈസാം സലാം ആണ്. ബേസിൽ നായകനായി അടുത്തിടെ പുറത്തിറങ്ങിയ 'പാൽതു ജാൻവർ' മികച്ച പ്രേക്ഷക പ്രതികരണം നേടി മുന്നേറുകയാണ്.

    പൂർണമായും കോഴിക്കോടിന്റെ പശ്ചാത്തലത്തിൽ ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് ഉണ്ട, പുഴു എന്നീ ചിത്രങ്ങളുടെ തിരക്കഥാകൃത്തായ ഹർഷദ് ആണ്. ബേസിലിനെ കൂടാതെ ഇന്ദ്രൻസ്, ജോണി ആൻ്റണി, ജാഫർ ഇടുക്കി, ബിനു പപ്പു, സുധീഷ്, നിർമ്മൽ പാലാഴി, സ്വാതി ദാസ് പ്രഭു, അശ്വിൻ, പാർവതി കൃഷ്ണ, ഫറ ഷിബ്‌ല, ശ്രീജ രവി എന്നിവരോടൊപ്പം നിരവധി പുതുമുഖങ്ങളും അണിനിരക്കുന്നു.

    എസ്. മുണ്ടോൾ ആണ് ചിത്രത്തിൻ്റെ ഛായാഗ്രാഹകൻ. Mu.Ri (മുഹ്സിൻ പരാരി), ഷർഫു എന്നിവരുടെ വരികൾക്ക് ഗോവിന്ദ് വസന്ത സംഗീതം നൽകുന്നു. മാർട്ടിൻ ജോർജ് ആറ്റവേലിൽ, ഷിനാസ് അലി എന്നിവരാണ് ചിത്രത്തിൻ്റെ ലൈൻ പ്രൊഡ്യൂസേഴ്സ്. എഡിറ്റർ: സോബിൻ സോമൻ, ആർട്ട്: പ്രദീപ് എം.വി, മേക്കപ്പ്: സുധി സുരേന്ദ്രൻ, കോസ്റ്റ്യൂം: അസീം അഷറഫ്, വിശാഖ് സനൽ കുമാർ, ചീഫ് അസോസിയേറ്റ് ഡയറക്ടർ: അനീഷ് ജോർജ്, അസോസിയേറ്റ് ഡയറക്ടർ: അഫ്നസ് വി., പി.ആർ.ഒ.: പി. ശിവപ്രസാദ്, സ്റ്റിൽസ്: ഷിജിൻ രാജ്.








    View this post on Instagram






    A post shared by Harshad (@harshad_kaka)









    Summary: Basil Joseph has started shooting for his next, a movie that stands out for a funky yet out-of-the-box name. 'Kadina Kadoramee Andakadaham' aka KKAK is projected to be a movie deep-rooted in Kozhikode, where the shooting is currently progressing. The actor has recently added 'Palthu Janwar', a blockbuster to his kitty. Basil plays the role of a young, dreamy animator turned livestock inspector, who finds his actual calling in what was destined for him. His boy-next-door kind of performance received appreciation by viewers and critics alike 
    Published by:user_57
    First published: