• HOME
  • »
  • NEWS
  • »
  • film
  • »
  • Sreenath Bhasi | 'നമുക്ക് കോടതിയിൽ കാണാം'; നായകനായി ശ്രീനാഥ് ഭാസി

Sreenath Bhasi | 'നമുക്ക് കോടതിയിൽ കാണാം'; നായകനായി ശ്രീനാഥ് ഭാസി

നടൻ ശ്രീനാഥ് ഭാസി നായകനാവുന്ന പുതിയ ചിത്രം പ്രഖ്യാപിച്ചു

ശ്രീനാഥ് ഭാസി

ശ്രീനാഥ് ഭാസി

  • Last Updated :
  • Share this:
    ശ്രീനാഥ് ഭാസിയെ (Sreenath Bhasi) നായകനാക്കി സഞ്ജിത്ത് ചന്ദ്രസേനന്‍ സംവിധാനം ചെയ്ത 'നമുക്ക് കോടതിയിൽ കാണാം' (Namukku Kodathiyil Kaanam) എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ചട്ടമ്പി എന്ന സിനിമയുടെ വിവാദങ്ങൾ നിലനിൽക്കുന്ന സാഹചര്യത്തിനിടയിലാണ് പുതിയ ചിത്രത്തിന്റെ പോസ്റ്റർ പുറത്തിറങ്ങിയത്. ചിത്രത്തിന്റെ ടൈറ്റിൽ അതുകൊണ്ടുതന്നെ ശ്രദ്ധേയമായിരിക്കുകയാണ്. എം.ജി.സി. പ്രൈവറ്റ് ലിമിറ്റഡും ഹസീബ്സ് ഫിലിംസും ചേർന്നൊരുക്കുന്ന ചിത്രത്തിന്റെ കഥ, തിരക്കഥ, സംഭാഷണം എന്നിവ ആഷിക്ക് അക്ബര്‍ അലിയുടേതാണ്.

    മിശ്ര വിവാഹം കഴിച്ച ദമ്പതികൾക്ക് കുഞ്ഞ് ഉണ്ടായ ശേഷം അവരുടെ കുടുംബങ്ങൾക്കിടയിൽ ഉണ്ടാകുന്ന രസകരമായ സംഭവങ്ങളിലൂടെ പോകുന്ന കഥ യാണ് 'നമുക്ക് കോടതിയിൽ കാണാം'. കാലിക പ്രസക്തിയുള്ള വിഷയമാണ് സിനിമയിൽ രസകരമായി പറയുന്നത്.

    ശ്രീനാഥ് ഭാസിയെ കൂടാതെ രൺജി പണിക്കർ, ലാലു അലക്സ്, നിരഞ്ജ് രാജു, ജോണി ആന്റണി, ഹരീഷ് കണാരൻ, അലൻസിയർ, ജയരാജ് വാര്യർ, സിജോയ് വർഗീസ്, നിതിൻ രഞ്ജി പണിക്കർ, ധനേഷ് ആനന്ദ്, അഭിരാം രാധാകൃഷ്ണൻ, മൃണാളിനി ഗന്ധി, സരയു മോഹൻ, കവിത നായർ,
    ആൽഫി പഞ്ഞിക്കാരൻ, രശ്മി ബോബൻ തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നു.

    ചായാഗ്രഹണം- മാത്യൂ പ്രസാദ് കെ., ചിത്രസംയോജനം- സാഗര്‍ ദാസ്,
    സംഗീതം- രാഹുല്‍ സുബ്രഹ്മണ്യന്‍, ലൈന്‍ പ്രോഡ്യുസര്‍- സജിത്ത് കൃഷ്ണ, കലാ സംവിധാനം- സഹസ് ബാല, വസ്ത്രാലങ്കാരം- സ്റ്റെഫി സേവ്യർ, ചമയം- ജിതേഷ് പൊയ്യ, പ്രൊഡക്ഷന്‍ കണ്‍ട്രോളര്‍- നിജില്‍ ദിവാകരന്‍, ചീഫ് അസ്സോസിയേറ്റ് ഡയറക്ടർ- രതീഷ്‌ പാലോട്, അസ്സോസിയേറ്റ് ഡയറക്ടർ- വിവേക് വിനോദ്, അസിസ്റ്റന്റ്‌ ഡയറക്ടേഴ്സ്- സംഗീത് വി.എസ്., സുജിത്ത് സുരേന്ദ്രന്‍, അനൂപ്‌ ജേക്കബ്, ഐസക്ക് വാവച്ചൻ; സ്റ്റില്‍സ്- ശ്രീജിത്ത് ചെട്ടിപ്പടി, പ്രൊഡക്ഷന്‍ മാനേജര്‍- ഗോകില്‍ ജി നാഥ്. പി.ആര്‍.ഓ -മഞ്ജു ഗോപിനാഥ്, വാഴൂര്‍ ജോസ്. ഡിസൈന്‍ - യെല്ലോടൂത്ത്, ഫിനാന്‍സ് കണ്‍ട്രോളര്‍ - എം.കെ. ദിലീപ് കുമാര്‍.



    'ചട്ടമ്പി' എന്ന സിനിമയാണ് ശ്രീനാഥ് ഭാസിയുടേതായി ഏറ്റവും ഒടുവിൽ പുറത്തിറങ്ങിയത്. ഈ സിനിമയുടെ പ്രചരണാർത്ഥം നൽകിയ അഭിമുഖത്തിൽ, അവതാരകയോട് മോശമായി സംസാരിച്ചതിന്റെ പേരിൽ നടനെതിരെ കേസ് ഉണ്ടായിരുന്നു. ശേഷം അവതാരക കേസുമായി മുന്നോട്ടുപോകാൻ താൽപ്പര്യമില്ല എന്ന് അറിയിച്ചതോടെ കേസ് പിൻവലിക്കുകയായിരുന്നു.

    Summary: Namukku Kodathiyil Kaanam movie starring Sreenath Bhasi announced. The movie tells the story of an inter-faith couple who seek legal recourse after the birth of their first child. The movie is touted to be so much related to the present day society
    Published by:user_57
    First published: