• HOME
  • »
  • NEWS
  • »
  • film
  • »
  • Mei Hoom Moosa | ഓണത്തിരക്കുകളിലേക്കില്ല, സുരേഷ് ഗോപിയുടെ 'മേ ഹൂം മൂസ' സെപ്റ്റംബർ അവസാനം

Mei Hoom Moosa | ഓണത്തിരക്കുകളിലേക്കില്ല, സുരേഷ് ഗോപിയുടെ 'മേ ഹൂം മൂസ' സെപ്റ്റംബർ അവസാനം

സുരേഷ് ഗോപി, പൂനം ബജ്‌വ എന്നിവരെ പ്രധാന കഥാപാത്രങ്ങളാക്കി ജിബു ജേക്കബ് സംവിധാനം ചെയ്യുന്ന ചിത്രമാണ് 'മേ ഹൂം മൂസ'

മേ ഹൂം മൂസ

മേ ഹൂം മൂസ

  • Last Updated :
  • Share this:
    സുരേഷ് ഗോപി (Suresh Gopi) ചിത്രം 'മേ ഹൂം മൂസ'യുടെ (Mei Hoom Moosa) റിലീസ് തിയതി ഔദ്യോഗികമായി പ്രഖ്യാപിച്ചു. സെപ്റ്റംബർ ആദ്യ വാരം ഓണചിത്രങ്ങളായി പുറത്തിറങ്ങുന്ന ഗോൾഡ്, ഒറ്റ്, ഒരു തെക്കൻ തല്ലു കേസ്, പത്തൊൻപതാം നൂറ്റാണ്ട് ചിത്രങ്ങൾക്കൊപ്പം അല്ലെങ്കിലും ഇതേ മാസം അവസാനത്തോടെ റിലീസ് ഉണ്ടാവും. സെപ്റ്റംബർ 30 ആണ് റിലീസ് തിയതി.

    സുരേഷ് ഗോപി, പൂനം ബജ്‌വ എന്നിവരെ പ്രധാന കഥാപാത്രങ്ങളാക്കി ജിബു ജേക്കബ് സംവിധാനം ചെയ്യുന്ന ചിത്രമാണ് 'മേ ഹൂം മൂസ'.

    സൈജു കുറുപ്പ്, ജോണി ആൻ്റണി, സലിം കുമാർ, ഹരീഷ് കണാരൻ, മേജർ രവി, മിഥുൻ രമേഷ്, ശശാങ്കൻ മയ്യനാട്, കണ്ണൻ സാഗർ, ശരൺ, അശ്വനി, ജിജിന, സ്രിന്ദ തുടങ്ങിയവരാണ് മറ്റു പ്രധാന അഭിനേതാക്കൾ.




    കാർഗിൽ, വാഗാ ബോർഡർ, പുഞ്ച്, ഡൽഹി, ജയ്പ്പൂർ, പൊന്നാനി, മലപ്പുറം പ്രദേശങ്ങളിലായിട്ടാണ് ചിത്രീകരണം പൂർത്തിയാക്കിയത്.

    വിശാലമായ ക്യാൻവാസിൽ വലിയ മുതൽമുടക്കോടെ ഒരുക്കുന്ന 'മേ ഹും മൂസ' ഒരു പാൻ ഇന്ത്യൻ സിനിമയാണ്. ആയിരത്തിത്തൊള്ളായിരത്തിൽ തുടങ്ങി, 2019 കാലഘട്ടങ്ങളിലൂടെയാണ് ഈ ചിത്രത്തിൻ്റെ കഥ നടക്കുന്നത്.

    മലപ്പുറത്തുകാരൻ മൂസ എന്ന സുരേഷ് ഗോപി അവതരിപ്പിക്കുന്ന കഥാപാത്രം നാടിൻ്റെ പ്രതീകമാണ് എന്ന് അണിയറക്കാർ അവകാശപ്പെടുന്നു. ഇന്ത്യൻ സമൂഹം ചർച്ച ചെയ്യപ്പെടുന്ന വിഷയങ്ങളിലൂടെ കടന്നുപോകുന്ന 'മേ ഹും മൂസ' ഒരു ക്ലീൻ എൻറർടൈനറായിട്ടാണ് ജിബു ജേക്കബ് അവതരിപ്പിക്കുന്നത്.








    View this post on Instagram






    A post shared by Suressh Gopi (@sureshgopi)






    കോൺഫിഡന്റ് ഗ്രൂപ്പിന്റെ ബാനറിൽ ഡോക്ടർ സി.ജെ. റോയ്, തോമസ് തിരുവല്ല ഫിലിംസിന്റെ ബാനറിൽ തോമസ് തിരുവല്ല, എന്നിവർ ചേർന്ന് നിർമിക്കുന്ന ഈ ചിത്രത്തിന്റെ ഛായാഗ്രഹണം വിഷ്ണു നാരായണൻ നിർവ്വഹിക്കുന്നു.

    തിരക്കഥ- റൂബേഷ് റെയിന്‍, ഗാനരചന- സജ്ജാദ്, റഫീഖ് അഹമ്മദ്, ബി.കെ. ഹരിനാരായണന്‍, സംഗീതം- ശ്രീനാഥ് ശിവശങ്കരന്‍, എഡിറ്റർ-സൂരജ് ഇ.എസ്., പ്രൊഡക്ഷന്‍ കണ്‍ട്രോളർ- സജീവ് ചന്തിരൂര്‍, കല-സജിത്ത് ശിവഗംഗ, വസ്ത്രാലങ്കാരം- നിസാര്‍ റഹ്മത്ത്, മേക്കപ്പ്- പ്രദീപ് രംഗന്‍, ചീഫ് അസോസിയേറ്റ് ഡയറക്ടർ- രാജേഷ് ഭാസ്‌കര്‍, അസോസിയേറ്റ് ഡയറക്ടർ- ഷബില്‍, സിന്റോ, ബോബി, സ്റ്റില്‍സ്- അജിത് വി. ശങ്കര്‍, ഡിസൈനർ- ഏസ്‌തെറ്റിക് കുഞ്ഞമ്മ, പ്രൊഡക്ഷൻ എക്സിക്യൂട്ടീവ്- സഫി ആയൂർ, പ്രൊമോഷൻ കൺസൽട്ടന്റ്- വിപിൻ കുമാർ, മാർക്കറ്റിംഗ്- 10G മീഡിയ, പി.ആർ.ഒ. - എ.എസ്. ദിനേശ്.

    Sumamry: Suresh Gopi movie Mei Hoom Moosa scheduled for release on September 30. The movie has the protagonist playing various age groups in from life of a man
    Published by:user_57
    First published: