• HOME
  • »
  • NEWS
  • »
  • film
  • »
  • Jo & Jo | ഒരിടത്തൊരിടത്ത് ഒരു ലോക്ക്ഡൗൺ കാലത്ത്; 'ജോ ആൻഡ് ജോ' ട്രെയ്‌ലർ ട്രെൻഡിംഗ്

Jo & Jo | ഒരിടത്തൊരിടത്ത് ഒരു ലോക്ക്ഡൗൺ കാലത്ത്; 'ജോ ആൻഡ് ജോ' ട്രെയ്‌ലർ ട്രെൻഡിംഗ്

Trailer of Jo and Jo movie is trending | ട്രെയ്‌ലർ യൂട്യൂബിൽ മൂന്നാം സ്ഥാനത്ത് ട്രെൻഡിംഗ്

Jo & Jo

Jo & Jo

  • Share this:
    മാത്യു (Mathew Thomas), നസ്‌ലൻ (Naslen Gafoor), നിഖില വിമല്‍ (Nikhila Vimal) എന്നിവരെ പ്രധാന കഥാപാത്രങ്ങളാക്കി നവാഗതനായ അരുണ്‍ ഡി. ജോസ് കഥയെഴുതി സംവിധാനം ചെയ്യുന്ന ചിത്രമാണ് 'ജോ ആന്റ് ജോ' (Jo & Jo) എന്ന ചിത്രത്തിന്റെ ഒഫീഷ്യല്‍ ട്രെയ്‌ലര്‍ റിലീസായി. ഈ ട്രെയ്‌ലർ യൂട്യൂബിൽ മൂന്നാം സ്ഥാനത്ത് ട്രെൻഡിംഗ് ആണ്. ലോക്ക്ഡൗൺ നാളുകളിലെ ഒരു കുടുംബത്തിലെ രസകരമായ സംഭവങ്ങൾ എന്ന് സൂചന നൽകുന്നതാണ് ട്രെയ്‌ലർ.

    ഇമാജിന്‍ സിനിമാസ്, സിഗ്‌നേച്ചര്‍ സ്റ്റുഡിയോസ് എന്നിവയുടെ ബാനറില്‍ നിര്‍മ്മിക്കുന്ന ഈ ചിത്രത്തില്‍ ജോണി ആന്റണി, സ്മിനു സിജോയ് എന്നിവരും ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു.

    അരുണ്‍ ഡി. ജോസ്, രവീഷ് നാഥ് എന്നിവര്‍ ചേര്‍ന്ന് തിരക്കഥയും സംഭാഷണവുമെഴുതുന്ന ഈ ചിത്രത്തിന്റെ ഛായാഗ്രഹണം അൻസർ ഷാ നിര്‍വ്വഹിക്കുന്നു.

    ടിറ്റോ തങ്കച്ചന്‍ എഴുതിയ വരികള്‍ക്ക് ഗോവിന്ദ് വസന്ത സംഗീതം പകരുന്നു.

    പ്രൊഡക്ഷന്‍ കണ്‍ട്രോളര്‍- റിന്നി ദിവാകരന്‍, കല- നിമേഷ്‌ താനൂര്‍, മേക്കപ്പ്- സിനൂപ് രാജ്, വസ്ത്രാലങ്കാരം- സുജിത്ത് സി.എസ്., സ്റ്റില്‍സ്- ഷിജിന്‍ പി. രാജ്, പരസ്യകല- മനു ഡാവന്‍സി, എഡിറ്റര്‍- ചമന്‍ ചാക്കോ, സൗണ്ട് ഡിസൈന്‍- സബീര്‍ അലി, ചീഫ് അസോസിയേറ്റ് ഡയറക്ടര്‍- രവീഷ് നാഥ്, അസോസിയേറ്റ് ഡയറക്ടര്‍- റെജിവാന്‍ അബ്ദുള്‍ ബഷീര്‍.

    മെയ് പതിമൂന്നിന് ഐക്കോണ്‍ സിനിമാസ് 'ജോ ആന്റ് ജോ' തിയെറ്ററുകളിലെത്തിക്കും. പി.ആര്‍.ഒ.- എ.എസ്. ദിനേശ്.



    Also read: നി​ഗൂഢതകളും സംസശയങ്ങളും ജനിപ്പിച്ച് 'ട്വല്‍ത്ത് മാൻ' ടീസർ

    മോഹന്‍ലാല്‍ (Mohanlal) -ജീത്തു ജോസഫ് കൂട്ടുകെട്ടിന്റെ ഏറ്റവും പുതിയ ചിത്രമാണ് ട്വല്‍ത്ത് മാന്‍ (12th Man).  ആരാധകർ ഏറെ പ്രതീക്ഷയോടെ കാത്തിരുന്ന  ചിത്രം കൂടിയാണ് ട്വല്‍ത്ത് മാന്‍. ഇപ്പോഴിതാ ചിത്രത്തിന്റെ ടീസര്‍ പുറത്തുവിട്ടിരിക്കുകയാണ് ഏറെ നിഗൂഢതകളും സംസശയങ്ങളും ജനിപ്പിക്കുന്ന തരത്തിലാണ് ടീസർ ഒരുക്കിയിരിക്കുന്നത്.

    ദൃശ്യം 1, ദൃശ്യം 2, റാം തുടങ്ങിയ സിനിമകള്‍ക്ക് ശേഷം മോഹന്‍ലാല്‍- ജീത്തു ജോസഫ് കൂട്ടുകെട്ടിന്റെ നാലാമത് ചിത്രം കൂടിയാണ് ഇത്.

    ഡയറക്ട് ഒടിടി റിലീസ് ആയാണ് ചിത്രം പ്രേക്ഷകര്‍ക്ക് മുന്നിലെത്തുന്നത്. ഡിസ്‌നി പ്ലസ് ഹോട്സ്റ്റാറിലാണ് ചിത്രം റിലീസ് ചെയ്യുക. എന്നാൽ ചിത്രത്തിന്റെ റിലീസ് തീയതി ഇതുവരെ പ്രഖ്യാപിച്ചിട്ടില്ല.

    ഉണ്ണി മുകുന്ദന്‍, അനുശ്രീ, അദിതി രവി, ലിയോണ ലിഷോയ്, വീണ നന്ദകുമാര്‍, ഷൈന്‍ ടോം ചാക്കോ, സൈജു കുറുപ്പ്, ശാന്തി പ്രിയ, പ്രിയങ്ക നായര്‍, ശിവദ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നു.

    Summary: Trailer of the movie Jo and Jo is now trending on YouTube. The short video features the interesting happenings occured during lockdown days
    Published by:user_57
    First published: