ഒരു വാക്ക് പറഞ്ഞ് കൊണ്ടിറങ്ങുന്നു; ഉണ്ണി മുകുന്ദൻ സിനിമാ തിരക്കുകളിലേക്ക്

സമൂഹമാധ്യമങ്ങളില്‍ നിന്ന് താന്‍ താല്‍ക്കാലിക അവധിയെടുക്കുകയാണെന്ന് ഉണ്ണി മുകുന്ദന്‍‌. അഭിനയിക്കാനിരിക്കുന്ന പുതിയ ചിത്രമായ മേപ്പടിയാന്‍റെ പ്രീ പ്രൊഡക്ഷൻ ജോലി തിരക്കുമായി ബന്ധപ്പെട്ടാണ് തീരുമാനമെന്ന് ഫേസ്ബുക്ക് പോസ്റ്റിലൂടെ ഉണ്ണി മുകുന്ദന്‍ അറിയിച്ചു.

'മേപ്പടിയാന്‍' എന്ന ചിത്രത്തിന്‍റെ പോസ്റ്റ് പ്രൊഡക്ഷന്‍ ആരംഭിച്ചെന്നും ഇടവേളയ്ക്കു ശേഷം കാണാമെന്നും ഉണ്ണി മുകുന്ദൻ ഫേസ്ബുക്ക് പോസ്റ്റിൽ കുറിച്ചു.
TRENDING:Covid 19| ഒറ്റദിവസത്തിനിടെ 294 മരണം; 9887 പോസിറ്റീവ് കേസുകൾ; രോഗം മോശമായി ബാധിച്ച രാജ്യങ്ങളിൽ ഇറ്റലിയെ മറികടന്ന് ഇന്ത്യ [NEWS]'സിപിഎമ്മാണ് കോടതിയും പൊലീസും' പരാമർശം; വനിതാ കമ്മീഷന്‍ നിയമ സംവിധാനങ്ങളെ വെല്ലുവിളിക്കുന്നുവെന്ന് കെ. സുരേന്ദ്രന്‍‌‌ [NEWS]Reliance Jio| ഫേസ്ബുക്ക് മുതൽ സിൽവർ ലേക്ക് വരെ; ആറാഴ്ചക്കിടെ ജിയോയിൽ എത്തിയത് 92,202 കോടിയുടെ നിക്ഷേപം
"സുഹൃത്തുക്കളെ, മേപ്പടിയാന്‍റെ പ്രീ പ്രൊഡക്ഷന്‍ ആരംഭിച്ചിരിക്കുന്നതിനാല്‍ എന്‍റെ എല്ലാ സമൂഹമാധ്യമ അക്കൗണ്ടുകളില്‍ നിന്നും അവധിയെടുക്കുകയാണ്. ടീമിലുള്ളവർ എനിക്കുവേണ്ടി എല്ലാ ഹാന്‍ഡിലുകള്‍ കൈകാര്യം ചെയ്യും, പ്രോജക്ടിന്‍റെ വിവരങ്ങള്‍ നിങ്ങളെ അറിയിക്കുകയും ചെയ്യും. ഇനി തീയേറ്ററില്‍ കാണാം! നന്ദി, നിങ്ങളുടെ ഉണ്ണി മുകുന്ദന്‍", എന്നാണ് ഉണ്ണി മുകുന്ദന്‍റെ ഫേസ്ബുക്ക് പോസ്റ്റ്.

സ്വന്തം കൈപ്പടയില്‍ എഴുതിയ പഴയകാല കത്തിന്‍റെ മാതൃകയിലാണ് ഫേസ്ബുക്കിലൂടെ ഉണ്ണി മുകുന്ദൻ വിവരം പങ്കുവെച്ചത്. വിഷ്ണു മോഹന്‍ ആണ് മേപ്പടിയാന്‍റെ സംവിധാനം. രക്ഷാധികാരി ബൈജുവിനു ശേഷം മാഡ് ദി മാറ്റിക്സിന്‍റെ ബാനറില്‍ സതീഷ് മോഹന്‍ ആണ് നിര്‍മ്മാണം. നീല്‍ ഡി കുഞ്ഞയാണ് ഛായാഗ്രഹണം. എഡിറ്റിംഗ് ഷമീര്‍ മുഹമ്മദ്. സംഗീതം രാഹുല്‍ സുബ്രഹ്മണ്യം.