• HOME
  • »
  • NEWS
  • »
  • film
  • »
  • Vikram | ആശങ്കകൾക്ക് വിരാമമിട്ട് വിക്രം 'കോബ്ര' മ്യൂസിക് ലോഞ്ച് ചടങ്ങിൽ

Vikram | ആശങ്കകൾക്ക് വിരാമമിട്ട് വിക്രം 'കോബ്ര' മ്യൂസിക് ലോഞ്ച് ചടങ്ങിൽ

തനിക്കു ഹൃദയാഘാതം ഉണ്ടായി എന്ന പ്രചാരണത്തോട് ആദ്യമായി പ്രതികരിച്ച് വിക്രം

വിക്രം

വിക്രം

  • Last Updated :
  • Share this:
    നെഞ്ചുവേദനയെത്തുടർന്ന് ആശുപത്രിയിൽ ചികിത്സ തേടിയ ചിയാൻ വിക്രം (Chiyaan Vikram) ആദ്യമായി പൊതുവേദിയിൽ പ്രത്യക്ഷപ്പെട്ടു. പുതിയ ചിത്രം കോബ്രയുടെ (Cobra) മ്യൂസിക് ലോഞ്ച് വേദിയിലാണ് ആരോഗ്യവാനായ ചിയാൻ പങ്കെടുത്തത്.

    സെവൻ സ്ക്രീൻ സ്റ്റുഡിയോയുടെ ബാനറിൽ എസ്.എസ്. ലളിത് കുമാര്‍ നിർമ്മിച്ച് ആർ. അജയ് ജ്ഞാനമുത്തു സംവിധാനം ചെയ്യുന്ന ചിയാൻ വിക്രം ചിത്രം കോബ്രായുടെ ഓഡിയോ ലോഞ്ച് ചെന്നൈയിൽ വെച്ച് നടന്നു. എ.ആർ. റഹ്മാൻ, ഇർഫാൻ പത്താൻ, ദ്രുവ് വിക്രം, റോഷൻ മാത്യു, ശ്രീനിധി ഷെട്ടി, ഉദയനിധി സ്റ്റാലിൻ, കെ.എസ്. രവികുമാർ, മിയ ജോർജ്, ഡോക്ടർ അജയ് ജ്ഞാനമുത്തു തുടങ്ങി നിരവധി പ്രമുഖ വ്യക്തികൾ ഓഡിയോ ലോഞ്ചിൽ പങ്കെടുത്തു.

    ഇഫാർ മീഡിയായ്ക്ക് വേണ്ടി റാഫി മതിര കേരളത്തിൽ അവതരിപ്പിക്കുന്ന 'കോബ്ര', ഡ്രീം ബിഗ് ഫിലിംസും, ഇ ഫോർ എൻറ്റർടൈൻമെൻറ്റും ചേർന്ന് തിയെറ്ററുകളിൽ എത്തിക്കുന്നു.

    എ.ആർ. റഹ്മാന്‍റെ സംഗീത സംവിധാനത്തില്‍ പുറത്തുവന്ന ചിത്രത്തിലെ ഗാനങ്ങളെല്ലാം ഹിറ്റ് ചാർട്ടിൽ ഇടം നേടിക്കഴിഞ്ഞു. ഇമൈക്ക നൊടികൾ, ഡിമാൻഡി കോളനി എന്നീ സൂപ്പർഹിറ്റ് സിനിമകൾക്ക് ശേഷം അജയ് ജ്ഞാനമുത്തു സംവിധാനം ചെയ്യുന്ന ചിത്രമാണ് 'കോബ്ര'. കെജിഎഫിലൂടെ സുപരിചിതയായ ശ്രീനിധി ഷെട്ടിയാണ് നായിക.

    മുൻ ഇന്ത്യൻ ക്രിക്കറ്റ് താരമായ ഇർഫാൻ പത്താൻ ആദ്യമായി അഭിനയിക്കുന്ന ചിത്രം കൂടിയാണിത്. മലയാളി താരങ്ങളായ റോഷൻ മാത്യു, സർജാനോ ഖാലിദ്, മിയ ജോർജ്, കനിഹ, പദ്മപ്രിയ, മാമുക്കോയ, ബാബു ആൻറ്റണി എന്നിവരാണ് മറ്റു പ്രധാന താരങ്ങൾ.

    ആശുപത്രിയിലായ സാഹചര്യത്തിൽ തന്നെക്കുറിച്ച് വന്ന വാർത്തകളെ കുറിച്ച് വേദിയിൽ വളരെ രസകരമായാണ് വിക്രം പ്രതികരിച്ചത്. " നിരവധി വാർത്തകൾ സോഷ്യൽ മീഡിയയിലും മറ്റു മാധ്യമങ്ങളിലും ആയി ചുറ്റിത്തിരിയുന്നുണ്ടായിരുന്നു. ചിലർ വയ്യാതെ കിടക്കുന്ന ഏതോ രോഗിയുടെ ശരീരം തന്റെ തല വെച്ച് ഫോട്ടോഷോപ്പ് ചെയ്തു വരെ ന്യൂസ് കൊടുത്തിരുന്നു. അതൊക്കെ വളരെ ക്രിയേറ്റിവ് ആയിരുന്നു. എനിക്ക് ഇഷ്ടമായി. എന്തെല്ലാം നമ്മൾ കാണുന്നു, ഇതൊന്നും ഒന്നുമില്ല ".
    തമാശ രൂപേണ വിക്രം പറഞ്ഞു.







    ആരാധകർ ആവേശപൂർവ്വം കാത്തിരിക്കുന്ന ആക്ഷൻ ത്രില്ലർ 'കോബ്ര' ആഗസ്റ്റ് 11ന് തിയെറ്ററുകളിലെത്തും. പി.ആർ.ഒ.- ശബരി.

    Summary: Chiyaan Vikram makes his first public appearance after 'cardiac arrest' rumours. He had a witty take on the false campaign at the music launch function of Cobra movie
    Published by:user_57
    First published: