Adipurush | അഗ്നിജ്വലിക്കുന്ന അമ്പും വില്ലുമേന്തി പ്രഭാസ്; ആദിപുരുഷ് 'ജയ് ശ്രീറാം' മോഷന് പോസ്റ്റര്
തെലുങ്കിനൊപ്പം ഹിന്ദി, തമിഴ്, മലയാളം എന്നീ ഭാഷകളിലും പോസ്റ്റർ പുറത്തുവിട്ടിട്ടുണ്ട്.
- News18 Malayalam
- Last Updated :
രാമായണം പശ്ചാത്തലമാക്കി ബാഹുബലി താരം പ്രഭാസ് നായകനാകുന്ന പാന്‍ ഇന്ത്യന്‍ ബ്രഹ്മാണ്ഡ ചിത്രം ആദിപുരുഷിന്‍റെ ലിറിക്കല്‍ മോഷന് പോസ്റ്റര് പുറത്തുവിട്ട് അണിയറ പ്രവര്‍ത്തകര്‍. അഗ്നിജ്വലിക്കുന്ന അമ്പും വില്ലുമേന്തി ശ്രീരാമനായി നില്‍ക്കുന്ന പ്രഭാസിനെയാണ് മോഷന് പോസ്റ്ററില്‍ കാണാന്‍ കഴിയുക.
ജയ് ശ്രീറാം എന്ന തീം സോങ്ങിന്‍റെ പശ്ചാത്തലത്തിലാണ് മോഷന് പോസ്റ്റര് ഒരുക്കിയിരിക്കുന്നത്. അജയ്, അതുൽ എന്നിവർ ചേർന്ന് സംഗീതം നൽകിയിരിക്കുന്ന ഗാനത്തിന് രാമജോഗയ്യ ശാസ്ത്രി വരികൾ എഴുതിയിരിക്കുന്നു. മങ്കൊമ്പ് ഗോപാലകൃഷ്ണൻ ആണ് ഗാനത്തിന്‍റെ മലയാളം വരികൾ എഴുതിയിരിക്കുന്നത്. തെലുങ്കിനൊപ്പം ഹിന്ദി, തമിഴ്, മലയാളം എന്നീ ഭാഷകളിലും പോസ്റ്റർ പുറത്തുവിട്ടിട്ടുണ്ട്.
ഓം റാവത്ത് സംവിധാനം ചെയ്യുന്ന ചിത്രത്തില്‍ ബോളിവുഡ് താരസുന്ദരി കൃതി സനോന്‍ സീതാദേവിയായും സെയ്ഫ് അലിഖാന്‍ രാവണനായും എത്തും. സിനിമയുടെ ആദ്യം ഇറങ്ങിയ ടീസറിനെതിരെ സോഷ്യല്‍ മീഡിയയിലടക്കം വലിയ പ്രതിഷേധം ഉയര്‍ന്നിരുന്നു. നിലവാരമില്ലാത്ത വിഎഫ്കസും കഥാപാത്രങ്ങളുടെ ഗെറ്റപ്പും വ്യാപകമായി വിമര്‍ശിക്കപ്പെട്ടു.
ജനുവരി 12ന് ആദിപുരുഷ് തിയറ്ററുകളിൽ എത്തുമെന്നാണ് നേരത്തെ അറിയിച്ചിരുന്നതെങ്കിലും പിന്നീട് റിലീസ് മാറ്റുകയായിരുന്നു .ജൂൺ 16നാകും ആദിപുരുഷ് തിയറ്ററിൽ എത്തുക. ടി സിരീസ്, റെട്രോഫൈല്‍സ് എന്നീ ബാനറുകളില്‍ ഭൂഷണ്‍ കുമാര്‍, കൃഷന്‍ കുമാര്‍, ഓം റാവത്ത്, പ്രസാദ് സുതാര്‍, രാജേഷ് നായര്‍ എന്നിവര്‍ ചേര്‍ന്നാണ് നിര്‍മ്മാണം.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
