• HOME
  • »
  • NEWS
  • »
  • film
  • »
  • Prithviraj-Prabhas| പൃഥ്വിരാജും പ്രഭാസും ഒന്നിക്കുന്നു; കെജിഎഫ് സംവിധായകന്റെ വമ്പൻ ചിത്രത്തിൽ

Prithviraj-Prabhas| പൃഥ്വിരാജും പ്രഭാസും ഒന്നിക്കുന്നു; കെജിഎഫ് സംവിധായകന്റെ വമ്പൻ ചിത്രത്തിൽ

തെലുങ്കിലും കന്നഡയിലും ഒരേ സമയം ചിത്രീകരിക്കുന്ന ചിത്രം മലയാളം, ഹിന്ദി ഉൾപ്പെടെ വിവിധ ഭാഷകളിലേക്ക് മൊഴിമാറ്റം ചെയ്യും.

  • Share this:
    പൃഥ്വിരാജും (Prithviraj) തെന്നിന്ത്യൻ താരം പ്രഭാസും (Prabhas) ഒന്നിക്കുന്നു. കെജിഎഫ് സംവിധായകൻ (KGF Director Prashanth Neel) പ്രശാന്ത് നീലിന്റെ പുതിയ ചിത്രം സലാറിലാണ് (Salaar) ഇരുവരും ഒന്നിക്കുന്നത്. പ്രഭാസിനെ നായകനാക്കി പ്രശാന്ത് നീൽ ഒരുക്കുന്ന ചിത്രത്തിൽ പൃഥ്വിരാജും പ്രധാനവേഷത്തിലുണ്ടാവും എന്നതാണ് ആ വിവരം.

    Also Read- Akashathinu Thazhe | സിജി പ്രദീപ് നായികയാവുന്ന 'ആകാശത്തിനു താഴെ' ഫസ്റ്റ് ലുക്ക് പോസ്റ്റർ

    ഉടൻ പുറത്തിറങ്ങാനിരിക്കുന്ന രാധേ ശ്യാം എന്ന ചിത്രത്തിന്റെ പ്രചാരണാർത്ഥം കൊച്ചിയിലെത്തിയ പ്രഭാസ് തന്നെയാണ് സലാറിൽ പൃഥ്വിരാജ് അഭിനയിക്കുന്ന കാര്യം അറിയിച്ചത്. ചിത്രത്തിന്റെ ഭാ​ഗമാവാൻ പൃഥ്വിരാജ് സന്നദ്ധനായതിൽ സന്തോഷമുണ്ടെന്നും അദ്ദേഹം പ്രചാരണപരിപാടിയിൽ ഒരു ചോദ്യത്തിന് ഉത്തരമായി പറഞ്ഞു.

    Also Read- Innale Vare movie | ജിസ് ജോയിയുടെ ത്രില്ലർ ചിത്രം 'ഇന്നലെ വരെ' ചിത്രീകരണം പൂർത്തിയായി

    പ്രഭാസിന്റെ ഇതു സംബന്ധിച്ച പ്രഖ്യാപനം പൃഥ്വിരാജിന്റെ ആരാധകരുടെ കൂട്ടായ്മയായ പൊഫാക്റ്റിയോ തങ്ങളുടെ ഔദ്യോ​ഗിക ഫെയ്സ്ബുക്ക് പേജിൽ പങ്കുവെച്ചിട്ടുണ്ട്. കുരുതി എന്ന ചിത്രത്തിന്റെ പ്രചാരണത്തിന്റെ ഭാ​ഗമായി നടൻ റോഷൻ മാത്യുവുമായി നടത്തിയ സംഭാഷണത്തിൽ താൻ ഒരു വലിയ ചിത്രത്തിന്റെ ഭാ​ഗമാവുന്നുണ്ടെന്നും അതിന്റെ പ്രഖ്യാപനം ഉടനുണ്ടാവുമെന്നും പൃഥ്വിരാജ് പറഞ്ഞിരുന്നു.

    Also Read- Shine Tom Chacko| സിനിമാ ലൊക്കേഷനിൽ സംഘർഷം: നടൻ ഷൈൻ ടോം ചാക്കോ നാട്ടുകാരെ തല്ലിയതായി ആരോപണം

    ശ്രുതി ഹാസനാണ് സലാറിലെ നായിക. ജ​ഗപതി ബാബു, ഈശ്വരി റാവു, മധു ​ഗുരുസ്വാമി എന്നിവരാണ് മറ്റുപ്രധാനവേഷങ്ങളിൽ. ഭുവൻ ​ഗൗഡ ഛായാ​ഗ്രഹണവും രവി ബസ്രുർ സം​ഗീത സംവിധാനവും നിർവഹിക്കും. കെ ജി എഫ് ഒന്നും രണ്ടും ഭാ​ഗങ്ങൾ നിർമിച്ച ഹോംബാലെ ഫിലിംസിന്റെ ബാനറിൽ വിജയ് കിര​ഗണ്ടൂർ ആണ് സലാറും നിർമിക്കുന്നത്.

    തെലുങ്കിലും കന്നഡയിലും ഒരേ സമയം ചിത്രീകരിക്കുന്ന ചിത്രം മലയാളം, ഹിന്ദി ഉൾപ്പെടെ വിവിധ ഭാഷകളിലേക്ക് മൊഴിമാറ്റം ചെയ്യും.
    Published by:Rajesh V
    First published: