സൂപ്പർ സ്റ്റാറാക്കിയ നിർമാതാവിന് നൽകിയ വാക്ക് പാലിച്ച് രജനികാന്ത്

"ഒരു തടവൈ സൊന്നാൽ നൂറു തടവൈ സൊന്ന മാതിരി" എന്ന് സ്‌ക്രീനിൽ പറയുക മാത്രമല്ല തലൈവർ ചെയ്യുന്നത് . നൽകിയ വാക്ക് തെറ്റാതെ പാലിക്കുകയുമാണ് സൂപ്പർ താരം രജനികാന്ത് . തനിക്ക് ആദ്യമായി സൂപ്പർഹീറോ പരിവേഷം സമ്മാനിച്ച നിർമ്മാതാവ് കലൈജ്ഞാനത്തിനാണ് രജനികാന്ത് 45 ലക്ഷം രൂപയുടെ ഫ്ലാറ്റ് നൽകിയത് .

കലൈജ്ഞാനം നിർമിച്ച 1978ൽ പുറത്തിറങ്ങിയ ഭൈരവി എന്ന ചിത്രമാണ് രജനികാന്തിന് ആദ്യമായി 'സൂപ്പർ സ്റ്റാർ’ എന്ന ടൈറ്റിൽ നൽകിയത്. അദ്ദേഹം സോളോ നായകനാകുന്ന ആദ്യ സിനിമയും ഇതായിരുന്നു.

ചെന്നൈയിൽ അടുത്തിടെ കലൈജ്ഞാനത്തെ ആദരിക്കുന്ന ചടങ്ങിൽ ന​ട​ൻ ശി​വ​കു​മാ​റാണ് കലൈജ്ഞാനം വാ​ട​ക​വീ​ട്ടി​ലാ​ണ്​ താ​മ​സി​ക്കു​ന്ന​തെ​ന്ന്​ വെ​ളി​പ്പെ​ടു​ത്തിയത്. തുടർന്ന് കലൈജ്ഞാനത്തിനു വീട് നൽകുന്ന കാര്യം പരിഗണിക്കുമെന്ന് വേദിയിലുണ്ടായിരുന്ന മന്ത്രി കടമ്പൂർ രാജു അറിയിച്ചെങ്കിലും , അത് വേണ്ടെന്നറിയിച്ച രജനികാന്ത് വീട് താൻ നൽകാമെന്നും പറഞ്ഞു.

വാക്ക് പാലിച്ച ര​ജ​നി​കാ​ന്ത് മഹാ​ന​വ​മി ദി​വ​സ​ത്തി​ൽ ​ ക​ലൈ​ജ്ഞാ​ന​ത്തി​ന്​ നൽകിയ വിരുഗംപാക്കത്തെ ഫ്ലാറ്റിലെത്തി ഭ​ദ്ര​ദീ​പം​കൊ​ളു​ത്തി താ​ക്കോ​ൽ​ദാ​നം നി​ർ​വ​ഹി​ച്ചു.