HOME » NEWS » Film »

Vakeel Saab trailer | തിയേറ്ററിനു മുന്നിൽ തേങ്ങയുടച്ചു, പിന്നെ പൊരിഞ്ഞയടി അടിച്ചു; പവൻ കല്യാൺ ചിത്രത്തിന്റെ ട്രെയ്‌ലർ റിലീസിന് നാടകീയ രംഗങ്ങൾ

Ruckus at the launch of Pawan Kalyan starring Vakeel Saab trailer in Vizag | രണ്ടു വർഷത്തിന് ശേഷം പ്രിയനായകന്റെ ചിത്രത്തിന്റെ ട്രെയ്‌ലർ കാണാനുള്ള ആകാംക്ഷയിൽ തിയേറ്ററിൽ ഉന്തും തള്ളും. ദൃശ്യങ്ങൾ വൈറൽ

News18 Malayalam | news18-malayalam
Updated: March 30, 2021, 6:07 PM IST
Vakeel Saab trailer | തിയേറ്ററിനു മുന്നിൽ തേങ്ങയുടച്ചു, പിന്നെ പൊരിഞ്ഞയടി അടിച്ചു; പവൻ കല്യാൺ ചിത്രത്തിന്റെ ട്രെയ്‌ലർ റിലീസിന് നാടകീയ രംഗങ്ങൾ
കയ്യാങ്കളിയുടെ ദൃശ്യം
  • Share this:
രണ്ടു വർഷത്തിന് ശേഷം പ്രിയനായകന്റെ ചിത്രത്തിന്റെ ട്രെയ്‌ലർ കാണാനുള്ള ആകാംക്ഷയിൽ തിയേറ്ററിനു മുന്നിൽ ഒത്തുകൂടിയതാണ് ആരാധകർ. തേങ്ങയുടച്ചും, ആവേശഭരിതരായും തുടങ്ങിയ പരിപാടി പക്ഷെ അധികം കഴിയും മുൻപ് തന്നെ മറ്റൊരു നിലയിലേക്കെത്തി. പിന്നെ ചില്ലുടയ്‌ക്കലും പൊരിഞ്ഞയടിയുമായി രംഗം മാറി.

ആന്ധ്രാ പ്രദേശിലെ വിശാഖപ്പട്ടണത്തുള്ള സംഗം ശരത് തിയേറ്ററിലാണ് ഈ രംഗങ്ങൾ അരങ്ങേറിയത്. രണ്ടു വർഷങ്ങൾക്ക് ശേഷമാണ് പവൻ കല്യാൺ നായകനായ ഒരു സിനിമയിറങ്ങുന്നത്. 'വക്കീൽ സാബ്' എന്നാണ് ചിത്രത്തിന്റെ പേര്.

മാർച്ച് 29 വൈകുന്നേരം നാലുമണിക്കായിരുന്നു റിലീസ്. ചുരുക്കം ചില തിയേറ്ററുകളിൽ മാത്രമേ ട്രെയ്‌ലർ റിലീസ് ഉണ്ടായിരുന്നുള്ളൂ. ഏതാണ്ട് രണ്ടു മണിക്ക് തന്നെ ആരാധകർ എത്തി, പൂജയും മറ്റും നിർവഹിച്ചു.

എന്നാൽ ട്രെയ്‌ലർ കാണാൻ തള്ളിക്കയറുന്നതിന്റെ ഇടയിലെ ഉന്തും തള്ളും മൂലം തിയേറ്ററിലെ കണ്ണാടിച്ചില്ലുകൾ തകർന്നു വീണു. ഹോളി ആഘോഷ ദിവസം തന്നെ ട്രെയ്‌ലർ റിലീസ് തീരുമാനിക്കുകയായിരുന്നു. മലയാള താരം നിവേദ തോമസും ചിത്രത്തിൽ അഭിനയിക്കുന്നു. (സംഭവത്തിന്റെ ദൃശ്യങ്ങൾ ചുവടെ)



അമിതാഭ് ബച്ചൻ വേഷമിട്ട 'പിങ്ക്' എന്ന സിനിമയുടെ തെലുങ്ക് റീമേക് ആണ് 'വക്കീൽ സാബ്'.

ട്രെയ്‌ലർ പുറത്തുവന്നതോടു കൂടി സിനിമയിലെ മൂന്ന് പ്രധാന സ്ത്രീ കഥാപാത്രങ്ങളെ കൂടി പരിചയപ്പെടാൻ അവസരം വന്നിരിക്കുന്നു. ഈ ചിത്രത്തിന്റെ മുഴുവൻ പ്രചാരണവും ഇത്രയും നാളുവരെ പ്രധാനമായും കേന്ദ്രീകരിച്ചത് പുരുഷ നായകനായ പവൻ കല്യാണിലാണ്. സിനിമാ നിർമ്മാതാക്കൾ നായകന് വേണ്ടി സിനിമയുടെ ഘടന തന്നെ മാറ്റിയിരിക്കാമെന്ന അനുമാനങ്ങൾക്ക് ഇത് കാരണമായി. സ്ത്രീ കേന്ദ്രീകൃതമായ, 'അനുവാദത്തെക്കുറിച്ച്' പറയുന്ന സിനിമയായാണ് ട്രെയ്‌ലർ പുറത്തിറങ്ങിയിരിക്കുന്നത്. സംവിധായകൻ അനിരുദ്ധ റോയ് ചൗധരിയാണ് 'പിങ്ക്' സംവിധാനം ചെയ്തത്.

പവൻ കല്യാണിന്റെ ആരാധകരുടെ അംഗീകാരത്തിനായി കുറച്ച് വീരഗാഥകൾ ചേർക്കുന്നതിനുപുറമെ, സംവിധായകൻ വേണു ശ്രീരാമിന്റെ റീമേക്ക് യഥാർത്ഥ ചിത്രത്തിന്റെ വിഷയത്തോട് വിശ്വസ്തത പുലർത്തി എന്ന് ട്രെയ്ലറിൽ നിന്നും അനുമണയ്ക്കാം.

മധ്യവർഗ്ഗ സമൂഹത്തിലെ മൂന്ന് സ്ത്രീകളെ ഇവിടെ പരിചയപ്പെടുത്തുന്നു. അവർ ധരിക്കുന്ന വസ്ത്രം, അവർ കഴിക്കുന്ന ഭക്ഷണം, പുഞ്ചിരിക്കുന്ന രീതി, വീട്ടിലേക്ക് മടങ്ങിവരുന്ന സമയം എന്നിവയെക്കുറിച്ച് സമൂഹം കുറ്റബോധം ജനിപ്പിക്കുന്നതിനാൽ, അവർ ഒരു വിഷമ വൃത്തത്തിൽ കുടുങ്ങുന്നു. ഒരു പെൺകുട്ടിയുടെ യഥാർത്ഥ സ്വഭാവം അവളുടെ പവിത്രതയുമായി ബന്ധപ്പെട്ടിരിക്കുന്നു എന്ന ധാരണയെയും ഈ സിനിമ ചോദ്യം ചെയ്യുന്നു.



മൂന്ന് പെൺകുട്ടികളെ ശാരീരികമായി പീഡിപ്പിച്ച ആൺകുട്ടികളെ പ്രതിരോധിക്കാൻ വരുന്ന ഒരു മോശം അഭിഭാഷകന്റെ വേഷമാണ് പ്രകാശ് രാജ് ചെയ്യുന്നത്.

ആസൂത്രിതമായി ഇരകളായ മൂന്ന് സ്ത്രീകളുടെ അവകാശങ്ങൾക്കായി പോരാടുന്ന നല്ല അഭിഭാഷകനായി പവൻ കല്യാൺ വേഷമിടുന്നു. “നിങ്ങൾ ഒരു കന്യകയാണോ?”, എന്ന് അയാൾ പുരുഷന്മാരിൽ ഒരാളോട് ചോദിക്കുന്നു. പ്രതിപക്ഷ അഭിഭാഷകൻ അതിനെ എതിർക്കുമ്പോൾ, അത് ഈ ചോദ്യത്തിന്റെ പിന്നിൽ ഒളിഞ്ഞിരിക്കുന്ന ലിംഗവിവേചനത്തെ എടുത്തുകാണിക്കുന്നു.

മലയാള ചിത്രം 'അയ്യപ്പനും കോശിയും' തെലുങ്ക് റീമേക്കിലും പവൻ കല്യാൺ നായകനാണ്.
Published by: user_57
First published: March 30, 2021, 6:07 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories