നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • film
    • »
    • Salman Khan | സൽമാൻ ഖാന്റെ മുംബൈയിലെ അപ്പാർട്ട്മെന്റ് വാടകയ്ക്ക്; വാടക എത്രയെന്നോ?

    Salman Khan | സൽമാൻ ഖാന്റെ മുംബൈയിലെ അപ്പാർട്ട്മെന്റ് വാടകയ്ക്ക്; വാടക എത്രയെന്നോ?

    Salman Khan's luxury apartment in Mumbai up for rent | റിയൽ എസ്റ്റേറ്റ് കച്ചവടത്തിലൂടെ മാത്രം വൻ തുകയാണ് സൽമാൻ ഖാൻ സമ്പാദിക്കുന്നത്

    സൽമാൻ ഖാൻ

    സൽമാൻ ഖാൻ

    • Share this:
      ബോളിവുഡ് താരമായ (Bollywood Star) സൽമാൻ ഖാൻ (Salman Khan) മൂന്ന് പതിറ്റാണ്ടായി ഹിന്ദി സിനിമാ ലോകത്ത് സജീവമാണ്. തന്റെ ഭാവി തലമുറകൾക്ക് കൂടി സുഖമായി ജീവിക്കാനുള്ളത്ര സമ്പാദ്യം അദ്ദേഹം ഇതിനകം സ്വന്തമാക്കിയിട്ടുണ്ട്. എന്നാൽ സിനിമ കൂടാതെ സൽമാന് മറ്റ് ചില ബിസിനസുകളും (Business) ഉണ്ട്. അതിൽ പ്രധാനപ്പെട്ടത് റിയൽ എസ്റ്റേറ്റ് ബിസിനസാണ് (Real Estate). അതിലൂടെ മാത്രം വൻ തുകയാണ് സൽമാൻ ഖാൻ സമ്പാദിക്കുന്നത്.

      സൽമാൻ ഖാൻ വളരെക്കാലമായി ബാന്ദ്രയിലെ (Bandra) ഗാലക്സി അപ്പാർട്ട്മെന്റിലാണ് (Galaxy Apartment) താമസിക്കുന്നത്. അത് കൂടാതെ മറ്റ് നിരവധി പ്രോപ്പർട്ടികളിലും അദ്ദേഹം നിക്ഷേപിച്ചിട്ടുണ്ട്. അതിൽ ഒന്ന് നടൻ അടുത്തിടെ വാടകയ്ക്ക് കൊടുത്തു. സൽമാൻ ഖാൻ താമസിക്കുന്നതും വാടകയ്ക്ക് എടുത്തിരിക്കുന്ന ഒരു ഫ്ലാറ്റിലാണ്. സൽമാൻ ഖാന്റെ റിയൽ എസ്റ്റേറ്റ് ബിസിനസ് സംബന്ധിച്ച് ആർക്കുമറിയാത്ത ചില കാര്യങ്ങൾ നോക്കാം.

      മുംബൈയിലുള്ള തന്റെ ഒരു പ്രോപ്പർട്ടി അദ്ദേഹം ആയുഷ് ദുവ എന്ന വ്യക്തിക്ക് പ്രതിമാസം 95,000 രൂപയ്ക്കാണ് അടുത്തിടെ വാടകയ്ക്ക് നൽകിയത്. മണി കൺട്രോൾ (Money Control) റിപ്പോർട്ട് പ്രകാരം, Zapkey.com ശേഖരിച്ച വിവരങ്ങൾ അനുസരിച്ച് ഡിസംബർ 6 നാണ് ലീസ് ആൻഡ് ലൈസൻസ് കരാർ രേഖപ്പെടുത്തിയിരിക്കുന്നത്. 33 മാസത്തേക്കുള്ള കരാറാണ് അത്. ആയുഷിന് സൽമാൻ വാടകയ്ക്ക് കൊടുത്ത ഈ അപ്പാർട്ട്മെന്റ് ശിവ് അസ്താന് ഹൈറ്റ്സിന്റെ പതിനാലാം നിലയിലുള്ളതാണ്. മുംബൈയിലെ ബാന്ദ്ര വെസ്റ്റിലാണ് ഈ പ്രദേശം സ്ഥിതി ചെയ്യുന്നത്. 758 ചതുരശ്ര അടിയുള്ള അപ്പാർട്ട്മെന്റ് ആണിത്.

      റിയൽ എസ്റ്റേറ്റിൽ സൽമാന് വളരെയധികം താല്പര്യമുണ്ട്. ജനുവരിയിലാണ് ബാന്ദ്രയിലെ ഗാലക്സി അപ്പാർട്ട്മെന്റിൽ സൽമാൻ തന്റെ ഇപ്പോഴത്തെ അപ്പാർട്ട്മെന്റ് വാടകയ്‌ക്കെടുത്തത്. അവിടെയാണ് കുറേക്കാലമായി അദ്ദേഹം താമസിക്കുന്നത്. റിപ്പോർട്ടുകൾ പ്രകാരം, 139.40 ചതുരശ്ര മീറ്റർ വിസ്തീർണ്ണമുള്ള രണ്ടാം നിലയിലെ അപ്പാർട്ട്മെന്റ് 25 ലക്ഷം രൂപ ഡെപ്പോസിറ്റ് നൽകി നാല് വർഷത്തേക്കാണ് വാടകയ്ക്ക് എടുത്തിരിക്കുന്നത്.

      ഏതാനും മാസങ്ങൾക്ക് മുമ്പ് ബാന്ദ്രയിലെ തന്റെ ആഢംബര ഡ്യൂപ്ലെക്സ് ഫ്ലാറ്റിനായി പ്രതിമാസം 8.25 ലക്ഷം രൂപയ്ക്കുള്ള വാടക കരാർ അദ്ദേഹം പുതുക്കിയിരുന്നു. റിപ്പോർട്ടുകൾ പ്രകാരം, ഫ്ലാറ്റ് ഉടമകളായ ബാബാ സിദ്ധിഖ്, സീഷൻ സിദ്ധിഖ് എന്നിവരുമായുള്ള കരാറാണ് സൽമാൻ പുതുക്കിയത്. മഖ്ബ ഹൈറ്റ്സ് എന്നറിയപ്പെടുന്ന കെട്ടിടം 11 മാസത്തേക്കാണ് വാടകയ്ക്ക് നൽകിയിരിക്കുന്നത്.

      Summary: A luxury apartment of Salman Khan in Mumbai has been rented out for a whopping sum. The Bollywood super star has made large investments in the real-estate sector. Buzz is that one of the apartments he has owned was rented out recently
      Published by:user_57
      First published: