• HOME
  • »
  • NEWS
  • »
  • film
  • »
  • Puzhu Movie | ഇക്കാ ത്രൂഔട്ട് നെഗറ്റീവായ ഒരു റോള്‍ ചെയ്യുമോ..? മമ്മൂട്ടിയുടെ മറുപടി കേട്ട് അത്ഭുതപ്പെട്ടെന്ന് തിരക്കഥാകൃത്ത്

Puzhu Movie | ഇക്കാ ത്രൂഔട്ട് നെഗറ്റീവായ ഒരു റോള്‍ ചെയ്യുമോ..? മമ്മൂട്ടിയുടെ മറുപടി കേട്ട് അത്ഭുതപ്പെട്ടെന്ന് തിരക്കഥാകൃത്ത്

‘പുഴു’വിൽ നെഗറ്റീവ് ഷെയ്ഡ് ഉള്ള കഥാപാത്രമായി മമ്മൂട്ടി എത്തിയ കഥ പറയുകയാണ് സംവിധായകനും പുഴുവിന്റെ സഹ തിരക്കഥാകൃത്തുമായ ഹർഷദ്.

  • Last Updated :
  • Share this:
    നവാഗതയായ രതീന സംവിധാനം ചെയ്യുന്ന മമ്മൂട്ടി (Mammootty) ചിത്രം 'പുഴു'വിന്‍റെ (Puzhu Movie) ട്രെയിലര്‍ കഴിഞ്ഞ ദിവസം അണിയറ പ്രവര്‍ത്തകര്‍ പുറത്തുവിട്ടിരുന്നു. മമ്മൂട്ടിക്കൊപ്പം പാര്‍വതി തിരുവോത്ത് (Parvathy Thiruvothu) പ്രധാന വേഷത്തിലെത്തുന്ന ചിത്രം ഒടിടി പ്ലാറ്റ്ഫോമായ സോണി ലിവിലൂടെ മെയ് 13ന് റിലീസ് ചെയ്യും. ട്രെയിലറിന്‍റെ ആദ്യാവസാനം വരെ നെഗറ്റീവ് ഷെയിഡിലുള്ള പ്രകടനമാണ് മമ്മൂട്ടി കാഴ്ചവെക്കുന്നത്.  മമ്മൂട്ടിയിലെ നടനെ വേണ്ടുവോളം ഉപയോഗിക്കുന്ന സിനിമ തന്നെയാകും പുഴുവെന്ന് ആരാധകരും പ്രതീക്ഷിക്കുന്നു.

    ‘പുഴു’വിൽ നെഗറ്റീവ് ഷെയ്ഡ് ഉള്ള കഥാപാത്രമായി മമ്മൂട്ടി എത്തിയ കഥ പറയുകയാണ് സംവിധായകനും പുഴുവിന്റെ സഹ തിരക്കഥാകൃത്തുമായ ഹർഷദ്. ‘ഒരു പുഴു വന്ന കഥ’ എന്ന് പറഞ്ഞ് ആരംഭിക്കുന്ന കുറിപ്പിൽ, ‘ഉണ്ട’ എന്ന സിനിമയുടെ സെറ്റിലെ സംസാരത്തിലൂടെ തുടങ്ങിയ ചിത്രത്തിന്റെ വിശേഷങ്ങളും ഹർഷദ് പറയുന്നു.

     Also Read-'ഏഴാം നാള്‍ കഥ പറയാന്‍ ഒരു വിശിഷ്ടാതിഥിയെത്തി'; മമ്മൂട്ടി ചിത്രം 'പുഴു' 'ട്രെയിലര്‍ പുറത്ത്

    ഹര്‍ഷദിന്‍റെ കുറിപ്പ്

    (പുഴു വന്ന വഴി)

    ഉണ്ടയുടെ ഷൂട്ടിംഗ് തീരാറാവുന്ന ഒരു ദിവസം. മമ്മൂക്കയുമായി കുറച്ച് അടുപ്പമൊക്കെയായ ഒരു ഉച്ചനേരം, അദ്ദേഹത്തോടൊപ്പം ഭക്ഷണം കഴിച്ച് കഴിഞ്ഞ നേരത്ത് ഞാനൊരു യമണ്ടന് ചോദ്യം ചോദിച്ചു.



    ഇക്കാ ത്രൂഔട്ട് നെഗറ്റീവായ ഒരു റോള് ചെയ്യുമോ..?

    കുറച്ചുനേരം എന്റെ മുഖത്തേക്കു തന്നെ നോക്കി നിന്നശേഷം മമ്മൂക്ക ചോദിച്ചു.

    നെഗറ്റീവ് എന്നു പറയുമ്പോള് അയാള്ക്കൊരു ന്യായമുണ്ടാവില്ലേ..?

    അതിനുള്ള ഉത്തരം തിരക്കഥയിലൂടെ വിശദമാക്കാൻ പറ്റുമിക്കാ..



    ഉം... മമ്മൂക്ക പിന്നെയും ആലോചിച്ചു.

    മുഴുവന് സിനിമയും ഈ നെഗറ്റീവ് കഥാപാത്രത്തിന്റെ പെസ്‌പെക്റ്റീവിലായിരിക്കും. ഞാൻ കൂട്ടിച്ചേർത്തു.

    ഓഹോ... ! അപ്പോ അത്യാവശ്യം പെര്ഫോമന്സിന് സ്‌കോപ്പുള്ളതായിരിക്കും അല്ലേ.. ?



    നാല് പതിറ്റാണ്ടിലേറെ വിവിധങ്ങളായ കഥാപാത്രങ്ങളെ ലോകത്തിന് മുന്നിൽ അവിസ്മരണീയമാക്കിയ ആ മഹാനടന്റെ ചോദ്യം കേട്ട് ഞാന് ശരിക്കും അത്ഭുതപ്പെട്ടുപോയി.



    യെസ്, തീര്ച്ചയായും ആ കഥാപാത്രത്തിന്റെ നിറഞ്ഞാട്ടമായിരിക്കും സിനിമ!!

    ഞാൻ തുടർന്ന് പറഞ്ഞു.



    "എന്നാൽ ചെയ്യാം, എഴുതിക്കോളൂ.. "



    ഇതായിരുന്നു തുടക്കം. കഴിഞ്ഞ കുറേ നാളായി എന്റെ മനസ്സിലുണ്ടായിരുന്ന കഥ, പല തരത്തില് പല ഫോമില് മാറ്റി മാറ്റി എഴുതിക്കൊണ്ടേയിരുന്ന തിരക്കഥ, അങ്ങിനെ വീണ്ടും മാറ്റി എഴുതാന് തീരുമാനിച്ചു. ഇത്തവണ സുഹൃത്തുക്കളായ ഷറഫുവിനെയും സുഹാസിനെയും കൂടെ കൂട്ടി. എഴുത്തങ്ങനെ ജോറായികൊണ്ടിരിക്കെ അണ്ഡകടാഹം മൊത്തം കൊറോണയിലായി, മാലോകരുടെ സകലമാന പ്ലാനുകളും അവതാളത്തിലായി!





    കൊറോണയൊക്കെ കഴിഞ്ഞ് സിനിമാ ഷൂട്ടിംഗുകൾ പുനരാരംഭിച്ചെങ്കിലും രത്തീനക്ക് വേണ്ടി മമ്മൂക്കയുടെ നിർദ്ദേശപ്രകാരം മുമ്പ് ഞാനെഴുതിക്കൊടുത്ത മറ്റൊരു തിരക്കഥ ( അതൊരു വലിയ ക്യാൻവാസിലുള്ള റോഡ് മൂവിയായിരുന്നു) ഇപ്പോഴൊന്നും നടപടിയാവില്ലാന്ന് കണ്ടപ്പോൾ മമ്മൂക്കയുമായുള്ള ആലോചനക്ക് ശേഷം, ഞങ്ങൾ അപ്പൊഴും പേരിട്ടിട്ടില്ലാതിരുന്ന 'പുഴു'വിലെത്തി. പാർവ്വതി തിരുവോത്ത് കൂടെ ചേരുന്നു. ജോർജേട്ടനും രാജേഷും ശ്യാമും റെനീഷും നിർമാതാക്കളായി വരുന്നു. മമ്മൂക്കയുടെ വീട്ടിൽ രണ്ട് ദിവസം അടുപ്പിച്ചിരുന്ന് തിരക്കഥാ വായനയും ചർച്ചയും നടത്തിയതോടെ പുഴുവിന് ജീവൻ വെച്ചു. പുഴു ചലിക്കാൻ തുടങ്ങി.



    പുഴുവിന് ഒരുപാട് അർത്ഥങ്ങളും നാനാർത്ഥങ്ങളും ഉണ്ടാവാം. പക്ഷേ അതിലേറ്റവും മികച്ച അർത്ഥം പുഴു എന്നു തന്നെയാണ്! പുഴു ഒരു ചെറിയ ജീവിയാണ്, പുഴു ഒരു ചെറിയ സിനിമയുമാണ്. കാലങ്ങളും ദേശങ്ങളും താണ്ടി അതങ്ങനെ ഇഴഞ്ഞിഴഞ്ഞ് ഈ മാസം 13 മുതൽ നിങ്ങളുടെ വിരൽതുമ്പിലെത്തുകയാണ്; SonyLIV ലൂടെ.

    അനുഗ്രഹിക്കുക ആശിര്വദിക്കുക..

    Published by:Arun krishna
    First published: