• HOME
  • »
  • NEWS
  • »
  • film
  • »
  • Kanakarajyam | കുടുംബചിത്രവുമായി മുരളി ഗോപി; 'കനകരാജ്യം' സെക്കന്റ് ലുക്ക്

Kanakarajyam | കുടുംബചിത്രവുമായി മുരളി ഗോപി; 'കനകരാജ്യം' സെക്കന്റ് ലുക്ക്

Second look from Kanakarajyam movie is out | മുരളി ഗോപി, ലിയോണ ലിഷോയ്, ഇനാര ബിന്ത് ഷിഫാസ് എന്നിവർ അണിനിരക്കുന്ന കുടുംബ ഫോട്ടോയുടെ മാതൃകയിലാണ് ചിത്രത്തിന്റെ സെക്കൻ്റ് ലുക്ക് പോസ്റ്റർ

കനകരാജ്യം

കനകരാജ്യം

  • Last Updated :
  • Share this:
    ഇന്ദ്രൻസും (Indrans) മുരളി ഗോപിയും (Murali Gopy) കേന്ദ്ര കഥാപാത്രങ്ങളാകുന്ന ചിത്രം 'കനകരാജ്യ'ത്തിന്റെ (Kanakarajyam) സെക്കൻ്റ് ലുക്ക് പോസ്റ്റർ പുറത്തിറങ്ങി. പൃഥ്വിരാജ് സുകുമാരൻ ആണ് ചിത്രത്തിന്റെ പുതിയ പോസ്റ്റർ സോഷ്യൽ മീഡിയയിലൂടെ പുറത്തിറക്കിയത്. മുരളി ഗോപി, ലിയോണ ലിഷോയ്, ഇനാര ബിന്ത് ഷിഫാസ് എന്നിവർ അണിനിരക്കുന്ന കുടുംബ ഫോട്ടോയുടെ മാതൃകയിലാണ് ചിത്രത്തിന്റെ സെക്കൻ്റ് ലുക്ക് പോസ്റ്റർ ഡിസൈൻ ചെയ്തിരിക്കുന്നത്. ചിത്രത്തിൻ്റെതായി പുറത്തിറങ്ങിയ ഇന്ദ്രൻസിൻ്റെ കുടുംബ ഫോട്ടോയുടെ മാതൃകയിലുള്ള ഫസ്റ്റ് ലുക്ക് പോസ്റ്ററും ഏറെ ജനശ്രദ്ധയാകർഷിച്ചിരുന്നു.

    ഏതാനും വർഷങ്ങൾക്ക് മുൻപ് ആലപ്പുഴയിൽ നടന്ന രണ്ട് യഥാർത്ഥ സംഭവങ്ങളെ ആസ്‍പദമാക്കിയാണ് ഈ കുടുംബചിത്രം ഒരുക്കിയിരിക്കുന്നത്. 'സത്യം മാത്രമേ ബോധിപ്പിക്കൂ' എന്ന ചിത്രത്തിലൂടെ ശ്രദ്ധേയനായ സാഗര്‍ ആണ് സംവിധായകൻ. അജിത് വിനായക ഫിലിംസിന്റെ ബാനറിൽ വിനായക അജിത്താണ്‌ ഈ ചിത്രം നിർമ്മിക്കുന്നത്.

    "പ്രാരാബ്ധം എന്ന അവസ്ഥയിൽ നിന്ന് ജീവിതോപാധി എന്ന ആവശ്യത്തിലേക്കും നിലനിൽപ്പ് എന്ന അത്യാവശ്യത്തിലേക്കും നയിക്കപ്പെടുമ്പോൾ, മനുഷ്യൻ പേറുന്ന തീവ്ര സമ്മർദം ഒരു രാക്കിനാവും കൂടി അവന് സമ്മാനിക്കുന്നു: കയ്യെത്തും ദൂരത്തായ് ഒരു... കനക രാജ്യം!" പോസ്റ്റർ പങ്കിട്ടുകൊണ്ട് മുരളി ഗോപി കുറിച്ചു.



    ശ്രീജിത്ത് രവി, ദിനേശ് പ്രഭാകർ, കോട്ടയം രമേഷ്, രാജേഷ് ശർമ്മ, ഉണ്ണി രാജ്, അച്ചുതാനന്ദൻ, ജയിംസ് ഏല്യാ, ഹരീഷ് പെങ്ങൻ, രമ്യ സുരേഷ്, സൈനാ കൃഷ്‍ണ, ശ്രീവിദ്യാ മുല്ലശ്ശേരി തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഹരിനാരായണൻ, മനു മൻജിത്ത്, ധന്യ സുരേഷ് മേനോൻ എന്നിവരുടെ വരികൾക്ക് അരുൺ മുരളീധരൻ ഈണം പകർന്നിരിക്കുന്നു.

    അഭിലാഷ് ശങ്കർ ഛായാഗ്രഹണവും, അജീഷ് ആനന്ദ് എഡിറ്റിംഗും നിർവ്വഹിക്കുന്നു. കലാസംവിധാനം - പ്രദീപ് എം.വി., മേക്കപ്പ് - പ്രദീപ് ഗോപാലകൃഷ്‍ണൻ, കോസ്റ്റ്യൂം ഡിസൈൻ - പ്രദീപ് മട്ടന്നൂർ, പ്രൊഡക്ഷൻ കൺട്രോളർ- ജിത്ത് പിരപ്പൻകോട്, ചീഫ് അസ്സോസ്സിയേറ്റ് ഡയറക്ടർ - സനു സജീവൻ, പ്രൊഡക്ഷൻ എക്സിക്യൂട്ടീവ് - ശ്രീജേഷ് ചിറ്റാഴ, പ്രൊഡക്ഷൻ മാനേജർ - അനിൽ കല്ലാർ, അസോസിയേറ്റ് ഡയറക്ടർ- ജിതിൻ രാജഗോപാൽ, അഖിൽ കഴക്കൂട്ടം, ജോ ജോർജ്, സൗണ്ട് ഡിസൈൻ- സച്ചിൻ സി, ശബ്‍ദ മിശ്രണം- എം.ആർ. രാജാകൃഷ്‍ണൻ, പി.ആർ.ഒ.- ആതിര ദിൽജിത്ത്, പി. ശിവപ്രസാദ്, സ്റ്റിൽസ് - അജി മസ്ക്കറ്റ്.

    Summary: Yet another gripping family entertainer is coming from Indrans and Murali Gopy. Second look poster of the film Kanakarajyam is now out on social media. The movie incorporates two real life incidents occurred in Alappuzha not too long ago in the past 
    Published by:user_57
    First published: