നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • film
    • »
    • കലാഭവന്‍ മണിയുടെ ജീവിതകഥ; 'ജീവിതത്തിലെ വലിയ വഴിത്തിരിവ്'; 'ചാലക്കുടിക്കാരന്‍ ചങ്ങാതി'യുടെ ഓര്‍മയുമായി സെന്തില്‍

    കലാഭവന്‍ മണിയുടെ ജീവിതകഥ; 'ജീവിതത്തിലെ വലിയ വഴിത്തിരിവ്'; 'ചാലക്കുടിക്കാരന്‍ ചങ്ങാതി'യുടെ ഓര്‍മയുമായി സെന്തില്‍

    ചാലക്കുടിക്കാരന്‍ ചങ്ങാതി എന്ന സിനിമയിലൂടെ മലയാള സിനിമാ ലോകത്തേക്ക് കൈപിടിച്ചുയര്‍ത്തിയ സംവിധായകന്‍ വിനയന് നന്ദി പറയുന്നതായും സെന്തില്‍ കുറിച്ചു.

    news18

    news18

    • Share this:
      'ചാലക്കുടിക്കാരന്‍ ചങ്ങാതി' എന്ന ചിത്രത്തിലൂടെ മലയാളികളുടെ മനസ്സില്‍ ഇടം നേടിയ നടനാണ് സെന്തില്‍ കൃഷ്ണ രാജാമണി. സിനിമ പുറത്തിറങ്ങി മൂന്നു വര്‍ഷം തികയുന്നതിന്റെ ഓര്‍മകള്‍ പങ്കുവെച്ചിരിക്കുകയാണ് സെന്തില്‍. കലാഭവന്‍ മണിയുടെ ജീവിതകഥ പറഞ്ഞ ചിത്രത്തില്‍ മണിയുടെ കഥാപാത്രം അവതരിപ്പിച്ചത് സെന്തിലായിരുന്നു.

      തന്റെ ജീവിതത്തിലെ ഒരു വലിയ വഴിത്തിരിവായിരുന്നു ചിത്രമെന്ന് സെന്തില്‍ കുറിക്കുന്നു. ചാലക്കുടിക്കാരന്‍ ചങ്ങാതി എന്ന സിനിമയിലൂടെ മലയാള സിനിമാ ലോകത്തേക്ക് കൈപിടിച്ചുയര്‍ത്തിയ സംവിധായകന്‍ വിനയന് നന്ദി പറയുന്നതായും സെന്തില്‍ കുറിച്ചു. 2018 സെപ്റ്റംബര്‍ 28നായിരുന്നു ചാലക്കുടിക്കാരന്‍ ചങ്ങാതി റിലീസ് ചെയ്തത്.

      സെന്തിലിന്റെ കുറിപ്പിന്റെ പൂര്‍ണരൂപം

      സെപ്റ്റംബര്‍ 28 എന്റെ ജീവിതത്തില്‍ ഒരു വലിയ വഴിതിരിവ് ഉണ്ടാക്കിയ ദിവസം.. സിനിമ എന്ന എന്റെ സ്വപ്നങ്ങള്‍ക്ക് ചാലക്കുടിക്കാരന്‍ ചങ്ങാതി എന്ന മണിച്ചേട്ടന്റെ കഥപറയുന്ന സിനിമയിലൂടെ എന്നെ മലയാള സിനിമ ലോകത്തേയ്ക്ക് കൈപിടിച്ചുയത്തിയ എന്റെ സ്വന്തം വിനയന്‍ സാറിനെ ഈ നിമിഷത്തില്‍ ഞാന്‍ നന്ദിയോടെ സ്മരിക്കുന്നു... ഒപ്പം എന്നിലെ കലാകാരനെ പ്രോത്സാഹിപ്പിച്ചുകൊണ്ടിരിക്കുന്ന എന്റെ ഗുരുനാഥന്‍മാര്‍ക്കും.ഏതോ ഒരു ലോകത്തിരുന്നു എന്നെ അനുഗ്രഹിക്കുന്ന എന്റെ അച്ഛന്‍.എന്റെ ഉയര്‍ച്ചയിലും വീഴ്ചയിലും എന്നെ എന്നും ചേര്‍ത്ത് നിര്‍ത്തിയിട്ടുള്ളഎന്റെ അമ്മ,ഭാര്യ,ചേട്ടന്മാര്‍. ബന്ധുക്കള്‍, ചങ്ക് സുഹൃത്തുക്കള്‍. എന്റെ നാട്ടുകാര്‍.ചാലക്കുടിക്കാരന്‍ ചങ്ങാതി സിനിമയുടെ പോസ്റ്റര്‍ ഒട്ടിച്ചും എന്റെ ഒപ്പം നിന്ന എനിക്കറിയാവുന്നതും ഞാന്‍ അറിയാത്തതുമായ് സുഹൃത്തുക്കള്‍. റീലിസിങ് ദിവസം ഫ്‌ലെക്‌സ് വെച്ചും സിനിമക കണ്ടും അഭിപ്രായങ്ങള്‍ അറിയിച്ചും എനിക്ക് വേണ്ട പ്രോത്സാഹനം തന്ന ഒരുപാട് സുഹൃത്തുക്കള്‍, മിമിക്രി, സീരിയല്‍ സിനിമ രംഗത്തെ കലാകാരന്മാരായ സുഹൃത്തുക്കള്‍, ലൊക്കേഷനില്‍ രാവിലെ ചെല്ലുമ്പോള്‍ ചിരിച്ച മുഖവുമായി ചൂട് ചായതരുന്ന പ്രോഡക്ഷനിലെ എന്റെ അനുജനമാര്, പ്രൊഡക്ഷന്‍ കണ്‍ട്രോളര്‍മാര്‍,പ്രൊഡ്യൂസര്‍,മേക്കപ്പ്, കോസ്റ്റും, ആര്‍ട്ട്, യൂണിറ്റ്,ക്യാമറ ഡിപ്പാര്‍ട്‌മെന്റ് ,സ്‌ക്രിപ്റ്റ് റൈറ്റ്ര്‍, കോറിയിഗ്രാഫര്‍, എഡിറ്റര്‍ സാഹസംവിധായകര്‍, ഡ്രൈവേഴ്‌സ്,PRO വര്‍ക്കേഴ്‌സ്,എന്റെ സഹപ്രവര്‍ത്തകരായ ആര്‍ട്ടിസ്റ്റുകള്‍,എന്റെ തെറ്റുകുറ്റങ്ങള്‍ കണ്ട് എന്നെ എന്നും സ്‌നേഹികുകയും പ്രോത്സാഹിപ്പിക്കുകയും ചെയ്യുന്നഎന്റെ പ്രിയപ്പെട്ട പ്രേക്ഷ്‌കര്‍.എല്ലാവരെയും ചാലക്കുടിക്കാരന്‍ ചങ്ങാതി റിലീസായിട്ടു 3വര്‍ഷങ്ങള്‍ തികയുന്ന ഈ അവസരത്തില്‍ ഞാന്‍ നന്ദിയോടെ ഓര്‍മിക്കുന്നു...


      ഇനിയുള്ള എന്റെ കലാ ജീവിതത്തിലും നിങ്ങളുടെ സ്‌നേഹവും സപ്പോര്‍ട്ടും പ്രതീക്ഷിച്ചുകൊണ്ട്
      Published by:Jayesh Krishnan
      First published:
      )}