Sushant Singh Rajput found dead | സുശാന്ത് സിംഗ് മരണം മുൻ മാനേജരുടെ മരണത്തിന് നാലു നാളിനു ശേഷം

ഇരുവരും തമ്മിൽ സാമ്പത്തികമോ അല്ലാതെയോ ഏതെങ്കിലും തരത്തുലുള്ള ഇടപാടുകൾ ഉണ്ടായിരുന്നോ എന്നും പൊലീസ് പരിശോധിയ്ക്കും. ഇതുമായി ബന്ധപ്പെട്ട് സുഷാന്തിന്റെ ബന്ധുക്കളെയും സുഹൃത്തുക്കളെയും പൊലീസ് ഉടൻ തന്നെ ചോദ്യം ചെയ്യും എന്നാണ് വിവരം.

മുൻ മാനേജറുടെ മരണത്തെ തുടർന്ന് സുഷാന്ത് കടുത്ത മനസിക സമ്മർദ്ദത്തിലായിരുന്നു എന്ന് റിപ്പോർട്ടുകളുണ്ട്. കടുത്ത വിഷാദത്തിന് അടിപ്പെട്ടിരുന്നയാളാണ് സുഷാന്തെന്ന് അദ്ദേഹവുമായി അടുപ്പമുള്ളവർ പറയുന്നു.

സുഷാന്ത് സിംഗ് രാജ്പുതിനെ (34) മുംബൈ ബാന്ദ്രയിലെ ഫ്ലാറ്റിൽ തൂങ്ങിമരിച്ച നിലയിലാണ് കണ്ടെത്തിയത്. ഇന്ന് പുലര്‍ച്ചയോടെ ഫ്ലാറ്റിൽ ഒപ്പമുണ്ടായിരുന്ന ചില സുഹൃത്തുക്കളാണ് മൃതദേഹം ആദ്യമായി കണ്ടതെന്നാണ് സൂചന. വാതിൽ തുറക്കാത്തതിനെ തുടർന്ന് തകർത്ത് അകത്തു കയറിയപ്പോൾ തൂങ്ങി നിൽക്കുന്ന നിലയിൽ സുഷാന്തിനെ കണ്ടെത്തുകയായിരുന്നു. താരം കഴിഞ്ഞ കുറച്ചു മാസങ്ങളായി കടുത്ത വിഷാദത്തിലായിരുന്നുവെന്നും ഇതാകാം ആത്മഹത്യയിലേക്ക് നയിച്ചതെന്നുമാണ് സുഹൃത്തുക്കൾ പറയുന്നത്.
TRENDING:Sushant Singh Rajput Found Dead | സുശാന്ത് സിംഗ് രാജ്പുതിന്റെ മരണം ആത്മഹത്യ; ഞെട്ടലിൽ ബോളിവുഡ് [NEWS]കാമുകന്റെയും മുൻകാമുകന്റെയും മർദ്ദനം; ഗുരുതരമായി പരിക്കേറ്റ എന്‍ജിനീയറിംഗ് വിദ്യാര്‍ഥിനി മരിച്ചു [NEWS]രണ്ട് കുഞ്ഞുങ്ങളെ കൊലപ്പെടുത്തി; മൂന്നാമത്തെ കൊലപാതകത്തിനിടെ 'സൈക്കോ കില്ലർ' പിടിയിൽ [NEWS]
ഏക്ത കപൂറിന്‍റെ 'പവിത്ര റിഷ്ത' എന്ന സീരിയലിലൂടെ അഭിനയരംഗത്തേക്ക് എത്തിയ സുഷാന്ത് 'കയ്പോചെ' എന്ന ചിത്രത്തിലൂടെയാണ് ബോളിവുഡിൽ അരങ്ങേറ്റം നടത്തിയത്.

ആദ്യചിത്രത്തിലൂടെ തന്നെ ശ്രദ്ധേയനായ താരം ഇന്ത്യൻ ക്രിക്കറ്റ് താരം എംഎസ് ധോണിയുടെ ജീവിതം ആസ്പദമാക്കിയ 'എം.എസ്.ധോണി ദി അൺടോൾഡ് സ്റ്റോറി'യിലൂടെ ബോളിവുഡിലെ മുൻനിര താരങ്ങളിലൊരാളായി. ശ്രദ്ധ കപൂറിന്‍റെ നായകനായെത്തിയ ചിഛോറെയാണ് സുഷാന്തിന്‍റെതായി അവസാനം പുറത്തിറങ്ങിയ ബോളിവുഡ് ചിത്രം.