Rajinikanth | കാത്തിരിപ്പിന് വിരാമം; രജനികാന്തിന്റെ അണ്ണാത്തെയുടെ ഫസ്റ്റ് ലുക്ക് നാളെ

ആരാധകരുടെ കാത്തിരിപ്പിന് വിരാമം കുറിച്ചുകൊണ്ട് രജനികാന്ത് ചിത്രം അണ്ണാത്തെയുടെ ഫസ്റ്റ് ലുക്ക് നാളെ എത്തും. സിരുത്തൈ ശിവയാണ് അണ്ണാത്തൈയെന്ന് ചിത്രം സംവിധാനം ചെയ്തിരിക്കുന്നത്. സിനിമയുമായി ബന്ധപ്പെട്ട ഫോട്ടോകള്‍ സോഷ്യല്‍ മീഡിയയില്‍ തരംഗമായിരുന്നു.

ഇതിന് പിന്നാലെയാണ് ചിത്രത്തിന്റെ ഫസ്റ്റ്‌ലുക്ക് പുറത്തുവിടുവനെന്ന് അണിയറ പ്രവര്‍ത്തകര്‍ അറിയിച്ചിരിക്കുന്നത്. നാളെ വൈകുന്നേരം ആറ് മണിക്ക് ചിത്രത്തിന്റെ മോഷന്‍ പോസ്റ്റര്‍ പുറത്തിറക്കും. രജനികാന്ത് നായകനാകുന്ന ചിത്രം ദീപാവലിക്ക് റിലീസ് ചെയ്യുമെന്നാണ് അറിയിച്ചിരിക്കുന്നത്.

കൊവിഡ് പ്രതിസന്ധി കാരണമാണ് ചിത്രത്തിന്റെ റിലീസ് നീണ്ടത്. നയന്‍താര, മീന, ഖുശ്ബു, കീര്‍ത്തി സുരേഷ്, സൂരി, പ്രകാശ് രാജ് തുടങ്ങി ഒട്ടേറെ താരങ്ങള്‍ ചിത്രത്തിലുണ്ട്.