തെലുങ്ക് നടൻ അല്ലു രമേശ് അന്തരിച്ചു

തെലുങ്ക് നടൻ അല്ലു രമേശ്(52) അന്തരിച്ചു. ഹൃദയസ്തംഭനത്തെ തുടർന്നായിരുന്നു അന്ത്യം. സംവിധായകൻ ആനന്ദ് രവിയാണ് നടന്റെ മരണ വാർത്ത സ്ഥിരീകരിച്ചത്.

തെലുങ്ക് സിനിമയിൽ കോമഡി വേഷങ്ങളിൽ ശ്രദ്ധേയനായ നടനാണ് അല്ലു രമേശ്. 2001 ൽ പുറത്തിറങ്ങിയ ചിരുജല്ലു എന്ന ചിത്രത്തിലൂടെയാണ് സിനിമാ ലോകത്ത് എത്തുന്നത്.

ബൊമ്മലട്ട, മതുര വൈൻസ്, വീഥി, ബ്ലേഡ് ബാബ്ജി, നെപ്പോളിയൻ തുടങ്ങിയ ചിത്രങ്ങളിൽ വേഷമിട്ടിട്ടുണ്ട്. 2022 ൽ പുറത്തിറങ്ങിയ അനുകോനി പ്രണയം എന്ന ചിത്രത്തിലാണ് അവസാനമായി അഭിനയിച്ചത്.

ഭാര്യയും രണ്ട് ആൺമക്കളും അടങ്ങുന്നതാണ് കുടുംബം.