• HOME
  • »
  • NEWS
  • »
  • film
  • »
  • 'കർണ്ണൻ, നെപ്പോളിയൻ, ഭഗത്‌സിംഗ്' ട്രെയ്‌ലർ ടൊവിനോ തോമസ് പുറത്തിറക്കി

'കർണ്ണൻ, നെപ്പോളിയൻ, ഭഗത്‌സിംഗ്' ട്രെയ്‌ലർ ടൊവിനോ തോമസ് പുറത്തിറക്കി

മലയാള സിനിമയിൽ വീണ്ടുമൊരു ക്രൈം ത്രില്ലർ

കർണ്ണൻ നെപ്പോളിയൻ ഭഗത് സിംഗ്

കർണ്ണൻ നെപ്പോളിയൻ ഭഗത് സിംഗ്

  • Share this:
    മലയാള ചിത്രം 'കർണ്ണൻ, നെപ്പോളിയൻ, ഭഗത്‌സിംഗിന്റെ' (Karnan Napoleon Bhagat Singh trailer) ട്രെയ്‌ലർ പുറത്തിറങ്ങി. മ്യൂസിക് 247 ന്റെ യൂട്യൂബ് ചാനലിലൂടെയാണ് ട്രെയ്‌ലർ എത്തിയിരിക്കുന്നത്. നടൻ ടൊവിനോ തോമസ് തന്റെ സോഷ്യൽ മീഡിയ പേജുകളിൽ പങ്കുവെച്ച ട്രെയ്‌ലർ, ഈ സിനിമ ഒരു കുറ്റാന്വേഷണ കഥയാകും എന്ന സൂചനയാണ് നൽകുന്നത്. ഡോൺ മാക്‌സ് എഡിറ്റ് നിർവഹിച്ച ട്രെയ്‌ലറിന് തിയേറ്ററുകളിലും വൻ സ്വീകാര്യതയാണ് ലഭിച്ചു കൊണ്ടിരിക്കുന്നത്.

    ഒരു ഗ്രാമത്തിന്റെ പശ്ചാത്തലത്തിലൊരുങ്ങുന്ന 'കർണ്ണൻ, നെപ്പോളിയൻ, ഭഗത്സിംഗ്' സൗഹൃദത്തിനും പ്രണയത്തിനും ഹാസ്യത്തിനുമൊക്കെ ഇടം നൽകുമ്പൊഴും ചിത്രം പ്രേക്ഷകരെ ഞെട്ടിക്കുന്ന ത്രില്ലർ തന്നെയായിരിക്കുമെന്ന് ട്രെയ്‌ലർ വ്യക്തമാക്കുന്നുണ്ട്.

    ഫസ്റ്റ് പേജ് എന്റർടെയ്ൻമെന്റിന്റെ ബാനറിൽ മോനു പഴേടത്ത് നിർമ്മിച്ച്‌ ശരത് ജി. മോഹൻ രചനയും സംവിധാനവും ചെയ്തിരിക്കുന്ന ഫാമിലി-ക്രൈം ത്രില്ലർ ചിത്രമായ 'കർണ്ണൻ നെപ്പോളിയൻ ഭഗത്സിംഗ്' ജനുവരി 28ന് തിയേറ്ററുകളിലേക്ക് എത്തുകയാണ്.

    യുവനടൻ ധീരജ് ഡെന്നിയും ആദ്യാ പ്രസാദും മുഖ്യവേഷത്തിലെത്തുന്ന കർണൻ നെപ്പോളിയൻ ഭഗത്സിംഗിൽ ഇന്ദ്രൻസ്, നന്ദു, ജോയി മാത്യു, ജാഫർ ഇടുക്കി, സുധീർ കരമന, വിജയ കുമാർ, റോണി ഡേവിഡ്, എൽദോ മാത്യു, അൽത്താഫ് സലീം, അനീഷ് ഗോപാൽ, വിഷ്ണു പുരുഷൻ, അബു സലിം, അപ്പാ ഹാജാ, കൊച്ചു പ്രേമൻ, സുനിൽ സുഖദ, നാരായണൻ കുട്ടി, ബിജുക്കുട്ടൻ, ബാലാജി, ദിനേശ് പണിക്കർ, ബോബൻ സാമുവേൽ, ബിനു അടിമാലി, ഉല്ലാസ് പന്തളം, ഷൈജു അടിമാലി, കണ്ണൻ സാഗർ, പ്രസാദ് മുഹമ്മ, ഷിൻസ്, സന്തോഷ്, കോട്ടയം പദ്മൻ, ശ്രീലക്ഷ്മി, കുളപ്പുള്ളി ലീല, സേതുലക്ഷ്മി അമ്മ, മോളി കണ്ണമാലി, ദേവകിയമ്മ, രശ്മി ബോബൻ, ഷൈനി സാറാ, ആര്യാ മണികണ്ഠൻ, അമ്പിളി നിലമ്പൂർ തുടങ്ങി നീണ്ടൊരു താരനിര തന്നെ അണി നിരക്കുന്നുണ്ട്.



    രഞ്ജിൻ രാജാണ് ചിത്രത്തിന്റെ സംഗീതവും പശ്ചാത്തല സംഗീതവും ഒരുക്കിയിരിക്കുന്നത്. ആകെ അഞ്ചു പാട്ടുകളാണ് 'കർണ്ണൻ, നെപ്പോളിയൻ, ഭഗത്സിംഗിലുള്ളത്. റഫീഖ് അഹമ്മദ്, ബി.കെ. ഹരിനാരായണൻ, അജീഷ് ദാസൻ, ശരത് ജി മോഹൻ തുടങ്ങിയവർ ചിത്രത്തിനായി വരികളെഴുതിയിട്ടുണ്ട്.

    ഉണ്ണി മേനോൻ, കെ.എസ്. ഹരിശങ്കർ, കണ്ണൂർ ഷരീഫ്, സിയ ഉൾ ഹഖ്, രഞ്ജിൻ രാജ് എന്നിവരാണ് ഗാനങ്ങൾ ആലപിച്ചിരിക്കുന്നത്.

    ചിത്രത്തിന്റേതായി പുറത്തിറങ്ങിയ ടീസറും മൂന്നുപാട്ടുകളും ഇതിനോടകം തന്നെ ശ്രദ്ധേയമായിക്കഴിഞ്ഞിരുന്നു. സായാഹ്‌ന തീരങ്ങളിൽ എന്നു തുടങ്ങുന്ന കെ.എസ്. ഹരിശങ്കർ ആലപിച്ച ഗാനം ഇപ്പോഴും ട്രെൻഡിങ്ങിലാണ്. ക്യാമറമാൻ : പ്രശാന്ത് കൃഷ്ണ, എഡിറ്റർ : റെക്‌സൺ ജോസഫ്.

    Summary: Trailer of the movie Karnan, Napoleon, Bhagat Singh released by actor Tovino Thomas. The movie is headlined by actor Dheeraj Denny
    Published by:user_57
    First published: