ഓൺലൈൻ പഠനത്തിനായുള്ള ടാബ്‌ലറ്റ് ചലഞ്ചിൽ ജയസൂര്യയുടെ 'വെള്ളം' സിനിമാ സംഘവും

ക്യാപ്റ്റന് ശേഷം ജയസൂര്യയും സംവിധായകൻ പ്രജേഷ് സെന്നും ഒന്നിക്കുന്ന ചിത്രമാണ് 'വെള്ളം'. 2019 നവംബറിൽ ചിത്രീകരണം ആരംഭിച്ച സിനിമയുടെ അണിയറക്കാർ ഓൺലൈൻ പഠനത്തിനുള്ള സ്കൂൾ കുട്ടികൾക്കായുള്ള സഹായവുമായി മുന്നോട്ട് വന്നിരിക്കുന്നു.

Also read: അസ്വസ്ഥതകളുണ്ട്, ഞാൻ ദേഷ്യപ്പെട്ടാൽ പോലും ഒന്നും തോന്നരുത്, ക്ഷമിച്ചേക്കണം; ആടുജീവിതത്തിനായി പൃഥ്വിരാജ് താണ്ടിയ കടമ്പകളെ പറ്റി ബ്ലെസി

ഹൈബി ഈഡൻ എം.പി. വിദ്യാർത്ഥികൾക്കു നൽകുന്ന ഓൺലൈൻ പഠന സഹായത്തിനുള്ള ടാബ്‌ലറ്റ് ചലഞ്ചിൽ 'വെള്ളം' സിനിമാ നിർമ്മാതാക്കളും ഭാഗമായി. ജോസ് കുട്ടി മഠത്തിൽ, യദു കൃഷ്ണ, രഞ്ജിത് മണബ്രാ കാട്ടിൽ എന്നിവരാണ് ഫ്രണ്ട്‌ലി പ്രൊഡക്ഷൻസിന്റെ ബാനറിൽ 'വെള്ളം' നിർമിക്കുന്നത്.

ഫ്രണ്ട്‌ലി പ്രൊഡക്ഷന് വേണ്ടി നിർമാതാക്കളിൽ ഒരാളായ രഞ്ജിത്തും പ്രൊജക്റ്റ് ഡിസൈനർ ബാദുഷയും ചേർന്ന് ചെക്ക് കൈമാറി.