നടി ദിവ്യ ഗോപിനാഥിന് പിന്തുണയുമായി WCC

നടൻ അലെൻസിയറിനെതിരെ മീ ടൂ ആരോപണം ഉന്നയിച്ച നടി ദിവ്യാ ഗോപിനാഥിന് പിന്തുണയുമായി സിനിമയിലെ വനിതാ കൂട്ടായ്മയായ WCC. നടിക്ക് നിരുപാധിക പിന്തുണയുണ്ടെന്നും WCC അറിയിച്ചു.

'മീ ടൂ'വിൽ കുടുങ്ങി നടൻ അലെൻസിയറും; നാലാമത്തെ ചിത്രത്തിനിടെയുണ്ടായ ദുരനുഭവം വിവരിച്ച് നടി

നടൻ അലെൻസിയറിൽ നിന്നുണ്ടായ മോശം അനുഭവത്തെ കുറിച്ച് സിനിമയിലെ വനിതാ കൂട്ടായ്മയായ WCCക്ക് പരാതി നൽകിയിരുന്നുവെന്ന് മീ ടൂ ആരോപണം ഉന്നയിച്ച നടി ദിവ്യ ഗോപിനാഥ് വെളിപ്പെടുത്തിയിരുന്നു. പരാതി നൽകിയപ്പോൾ നടൻ മാപ്പ് പറഞ്ഞാൽ പ്രശ്നം തീരുമോ എന്നാണ് WCCനേതൃത്വം ചോദിച്ചതെന്നും ഫേസ്ബുക്ക് ലൈവിൽ നടി തുറന്നുപറഞ്ഞിരുന്നു. ഇതു കൂടാതെ ചലച്ചിത്രമേഖലയിൽ സ്ത്രീകൾ നേരിടുന്ന ലിംഗവിവേചനത്തെ കുറിച്ച് പഠിക്കാൻ സർക്കാർ നിയോഗിച്ച ജസ്റ്റിസ് ഹേമ കമ്മീഷൻ മുൻപാകെയും പരാതി നൽകിയിരുന്നുവെന്നും ദിവ്യ വ്യക്തമാക്കിയിരുന്നു. ഇതിന് പിന്നാലെയാണ് പിന്തുണയുമായി വനിതാ കൂട്ടായ്മ രംഗത്തെത്തിയത്.

'അതെ, അലെൻസിയറിനെതിരെ ആരോപണം ഉന്നയിച്ചത് ഞാനാണ്'; തുറന്ന് പറഞ്ഞ് നടി

സിനിമാ സെറ്റിൽ വച്ച് നടൻ അലൻസിയറിൽ നിന്ന് മോശം അനുഭവം നേരിട്ടുവെന്ന തുറന്നു പറച്ചിൽ ട്വിറ്റർ ഹാൻഡിലായ ഇന്ത്യ പ്രൊട്ടസ്റ്റ്സിൽ തിങ്കളാഴ്ചയാണ് പ്രത്യക്ഷപ്പെട്ടത്. പേര് വെളിപ്പെടുത്താതെയായിരുന്നു നടിയുടെ വെളിപ്പെടുത്തൽ. പേര് വെളിപ്പെടുത്താതെ ആരോപണം ഉന്നയിച്ചതിന്റെ പേരിലും വിമർശനം ഉയർന്ന പശ്ചാത്തലത്തിലാണ് നടി ദിവ്യ ഗോപിനാഥ് ആ നടി താനാണെന്ന വെളിപ്പെടുത്തൽ ഫേസ്ബുക്കിലൂടെ നടത്തിയത്. തന്റെ നാലാമത്തെ ചിത്രത്തിൽ വർക്ക് ചെയ്യുന്ന സമയത്താണ് അലെൻസിയറിൽ നിന്നും മോശം അനുഭവം ഉണ്ടായതെന്നും നടി വെളിപ്പെടുത്തിയിരുന്നു.