നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • gulf
    • »
    • Dubai Expo 2020| ദുബായ് എക്സ്‌പോ; മഹാമാരിക്കുശേഷമുളള മഹാമേള ആറുമാസം; പ്രതീക്ഷിക്കുന്നത് രണ്ടരക്കോടി സന്ദർശകരെ

    Dubai Expo 2020| ദുബായ് എക്സ്‌പോ; മഹാമാരിക്കുശേഷമുളള മഹാമേള ആറുമാസം; പ്രതീക്ഷിക്കുന്നത് രണ്ടരക്കോടി സന്ദർശകരെ

    ഒക്ടോബർ ഒന്നു മുതൽ 2022 മാർച്ച് 31 വരെയാണ് എക്സ്‌പോ 2020. ലോകത്തെ വിസ്മയിപ്പിക്കുന്ന ഉദ്ഘാടനച്ചടങ്ങുകളാണ് ദുബായിലെ എക്സ്‌പോ നഗരിയിൽ നടക്കുക.

    dubai expo 2020

    dubai expo 2020

    • Share this:
      ദുബായ്: മഹാമാരിക്ക് ശേഷം ലോകം ഏറെ പ്രതീക്ഷയോടെ കാത്തിരിക്കുന്ന ദുബായ് വേൾഡ് എക്സ്‌പോ 2020ന് വെള്ളിയാഴ്ച തുടക്കമാകും. ഒക്ടോബർ ഒന്നു മുതൽ 2022 മാർച്ച് 31 വരെയാണ് എക്സ്‌പോ 2020. ഉദ്ഘാടനം വ്യാഴാഴ്ച രാത്രി 7.30 മുതൽ നടക്കും. ലോകത്തെ വിസ്മയിപ്പിക്കുന്ന ഉദ്ഘാടനച്ചടങ്ങുകളാണ് ദുബായിലെ എക്സ്‌പോ നഗരിയിൽ നടക്കുക. യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷേയ്ഖ് മുഹമ്മദ് ബിൻ റാഷിദ് അൽ മക്തൂം, ദുബായ് കിരീടാവകാശിയും എക്സിക്യുട്ടീവ് കൗൺസിൽ ചെയർമാനുമായ ഷേയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം എന്നിവരുൾപ്പെടെ ഭരണാധികാരികളും ഉദ്യോഗസ്ഥരും ചടങ്ങിനെത്തും. കൂടാതെ ക്ഷണിക്കപ്പെട്ട അതിഥികളുമുണ്ടാകും.
      ആയിരത്തോളം കലാകാരന്മാരെ അണിനിരത്തി അൽവാസൽ പ്ലാസയിലാണ് പരിപാടി. ലോകത്തിന്റെ വിവിധ ഭാഗങ്ങളിലുള്ള ടെലിവിഷൻ ചാനലുകളിലൂടെയും എക്സ്‌പോ ടി വിയിലൂടെയും ചടങ്ങ് വീക്ഷിക്കാം. ആറുമാസം നീണ്ടുനിൽക്കുന്ന മഹാമേളയിൽ രണ്ടരക്കോടി സന്ദർശകർ എത്തുമെന്നാണ് പ്രതീക്ഷ. കോവിഡ് പശ്ചാത്തലത്തിൽ 2020 ൽ നടക്കേണ്ടിയിരുന്ന എക്സ്‌പോയാണ് ഈ വർഷം നടക്കുന്നത്. വെള്ളിയാഴ്​ച മുതലാണ്​ വേദിയിലേക്ക്​ സന്ദർശകർക്ക്​ പ്രവേശനം അനുവദിക്കുക.

      എട്ട്​ മണിയോടെ വിശിഷ്​ടാതിഥികൾ വേദിയിലെത്തും. രാത്രി പത്ത്​ മണിയേ​ാടെ ചടങ്ങുകൾ അവസാനിക്കും. നേരത്തെ ടിക്കറ്റെടുത്തവരിൽനിന്ന്​ തിരഞ്ഞെടുത്തവർക്കും പ​ങ്കെടുക്കാൻ അവസരമുണ്ടാകും.ലോകകപ്പ്​ പോലുള്ള മഹാമേളകളുടെ ഉദ്​ഘാടന ചടങ്ങുകൾക്ക്​ സമാനമായ ഒരുക്കമാണ്​ നടക്കുന്നത്​. അറബ്​ ലോകത്തിന്റെ സാംസ്​കാരിക പൈതൃകം വിളിച്ചോതുന്ന പരിപാടി ലോകത്തി​ന്റെ കണ്ണ്​ മുഴുവൻ ദുബൈയിലേക്കെത്തിക്കുന്ന രീതിയിലാണ്​ ആ​സൂത്രണം ചെയ്യുന്നത്​. നർത്തകരും അഭിനേതാക്കളും സംഗീതജ്​ഞരും കാണികളിൽ ആവേശം വിതക്കും. അതിനൂതന സാ​ങ്കേതികവിദ്യകളാണ്​ ഇതിനുപയോഗിച്ചിരിക്കുന്നത്​. ലോകത്തി​ന്റെ വിവിധ ഭാഗങ്ങളിലെ കലാകാരൻമാരാണ്​ അണിനിരക്കുന്നത്​.

      430ലേറെ സ്ഥലങ്ങളിൽ തത്സമയ സംപ്രേഷണം

      ദുബായ് എക്സ്പോ 2020ന്റെ ഉദ്ഘാടന ചടങ്ങ് യു എ ഇയിലുടനീളമുള്ള 430 ലേറെ സ്ഥലങ്ങളിൽ തത്സമയം സംപ്രേഷണം ചെയ്യും. കോവിഡ്19 ആരംഭിച്ചതിനുശേഷം നടക്കുന്ന ഏറ്റവും വലിയ ആഗോള പരിപാടിയായ എക്‌സ്‌പോയുടെ ഉദ്ഘാടന ദിവസമായ ഒക്ടോബർ ഒന്നിന് മൂന്ന് കരിമരുന്ന് പ്രയോഗങ്ങൾ തത്സമയം പ്രദർശിപ്പിക്കും.

      യുഎഇയിലെ എമാർസ് റോവ്, അർമാനി, വിലാസ ഹോട്ടലുകൾ & റിസോർട്ടുകൾ, വിദ ഹോട്ടലുകൾ & റിസോർട്ടുകൾ, അക്കോർ, മാരിയറ്റ്, ഹിൽട്ടൺ, ഐഎച്ച്ജി, റോട്ടാന, ജുമൈറ, ഹയാത്ത് ഇന്റർനാഷനൽ, ദ പാമിലെ അറ്റ്ലാന്റിസ് എന്നിവയടക്കം 240 ഹോട്ടലുകളിൽ തത്സമയ പ്രദർശനം നടക്കും. കൂടാതെ, 17 മാജിദ് അൽ ഫുത്തൈം മാളുകൾ, സിറ്റി വോക്ക്, നഖീൽ മാൾ, ഇബ്നു ബത്തൂത്ത മാൾ, ദുബായ്, അബുദാബി എന്നിവിടങ്ങളിലെ 50 ജഷൻമാൽ ലൊക്കേഷനുകൾ, 97 മെഡിക്ലിനിക്സ്, ദുബായ്, അബുദാബി രാജ്യാന്തര വിമാനത്താവളങ്ങൾ, സബീൽ ലേഡീസ് ക്ലബ്, ഷറഫ് ഡിജി എന്നിവിടങ്ങളിലും തത്സമയ പ്രദർശനമുണ്ടായിരിക്കും.

      വിമാനത്താവളങ്ങൾ, ഷോപ്പിങ് മാളുകൾ, ഹോട്ടലുകൾ, മറ്റ് പ്രധാനകേന്ദ്രങ്ങളിലും സ്‌ക്രീനുകൾ സ്ഥാപിക്കും. സംഗീതവും സാംസ്കാരിക പ്രകടനങ്ങളും ഇവിടെ ആസ്വദിക്കാവുന്നതുമാണ്. ലോകത്തെവിടെയും നിന്നുള്ള കാഴ്ചക്കാർക്ക് virtualexpo.world, Expo TV എന്നിവ വഴിയും തത്സമയ പരിപാടികളിൽ സംബന്ധിക്കാം.

      ഉമ്മുൽ ഖുവൈനിലെ വിവിധ സ്ഥലങ്ങളിലും അബുദാബിയിലെ യാസ് പ്ലാസയിലും കോർണിഷ്, അൽ മർജാൻ ദ്വീപ്, മനാർ മാൾ എന്നിവയുൾപ്പെടെ റാസൽ ഖൈമയിലും കാഴ്ചകൾ തത്സമയം കാണാം. അജ്മാൻ ഹെറിറ്റേജ് ഡിസ്ട്രിക്റ്റും ഫുജൈറ കോട്ടയും തത്സമയ സംപ്രേഷണവും മിനി ഗ്രാമമൊരുക്കി നാടോടിക്കഥകൾ, പരമ്പരാഗത കരകൗശല, പൈതൃക പ്രദർശനങ്ങൾ, പരമ്പരാഗത ഭക്ഷണം എന്നിവ ഉൾപ്പെടുന്ന മറ്റ് ആഘോഷങ്ങളും ഒരുക്കുന്നു.

      കലാവിരുന്ന്

      ലോകപ്രശസ്തനായ ഓപറ കലാകാരൻ ആൻഡ്രിയ ബോസെല്ലി, ഗ്രാമി നാമനിർദ്ദേശം ചെയ്യപ്പെട്ട ഗോൾഡൻ-ഗ്ലോബ് ജേതാവുമായ നടിയും ഗായികയും ഗാനരചയിതാവുമായ ആന്ദ്ര ഡേ, ബ്രിട്ടീഷ് ഗായകനും ഗാനരചയിതാവുമായ എല്ലി ഗോൾഡിങ്, രാജ്യാന്തര പ്രശസ്ത പിയാനിസ്റ്റ് ലാങ് ലാംഗ്, നാല് തവണ ഗ്രാമി ജേതാവായ ആഞ്ചലിക് കിഡ്ജോ എന്നിവർ ഉദ്ഘാടന ചടങ്ങിനെ സംഗീതസാന്ദ്രമാക്കും.

      ഇമാറാത്തി യുവതീയുവാക്കളും കുട്ടികളും പ​ങ്കെടുക്കുന്നുണ്ട്​. ആദ്യമായാണ്​ ഇമാറാത്തി കലാകാരൻമാർക്ക്​ ഇത്ര വലിയ അവസരം ലഭിക്കുന്നതെന്ന്​ അധികൃതർ വ്യക്തമാക്കി. ലോകത്തിലെ ഏറ്റവും വലിയ താഴികക്കുടവും ഏറ്റവും വലിയ 360 ഡിഗ്രി ​പ്രൊജക്​ഷൻ സ്​ക്രീനുമായ അൽ വാസൽ ഡോമിൽ കട്ടിങ്​ എഡ്​ജ്​ ടെക്​നോളജിയുടെ സഹായത്തോടെ വർണങ്ങളും ചിത്രങ്ങളും മാറിമറിയും.

      കരിമരുന്ന് പ്രദർശനം വെള്ളിയാഴ്ച

      ഒക്ടോബർ ഒന്ന് (വെള്ളി) പ്രാദേശികസമയം രാത്രി 8.30 ന് ദുബായ് ഫെസ്റ്റിവൽ സിറ്റി, ദ് ഫ്രെയിം, ദ് പോയിന്റ്, പാം ജുമൈറ എന്നിവിടങ്ങളിൽ കരിമരുന്ന് പ്രയോഗം നടക്കും. കൂടാതെ മറ്റു ആഘോഷങ്ങളുമുണ്ടായിരിക്കും. ദ് പോയിന്‍റിലും ദുബായ് ഫെസ്റ്റിവൽ സിറ്റിയിലും ലൈറ്റ് ആൻഡ് സൗണ്ട് ഷോ അരങ്ങേറും. ദ് ഫ്രെയിം എക്സ്പോ വർണങ്ങളാൽ കുളിക്കും.

      190ലധികം രാജ്യങ്ങളുടെ പവലിയനുകൾ

      190 ലധികം രാജ്യങ്ങളുടെ ചാതുര്യം പ്രദർശിപ്പിക്കുന്നപവലിയനുകളിൽ വാസ്തുവിദ്യാ വിസ്മയങ്ങളും സാങ്കേതിക കണ്ടുപിടിത്തങ്ങളുടെ ഒരു നീണ്ടനിരയും പ്രദർശനത്തിനുണ്ടാകും. ദീർഘദൂര യാത്രയുടെയും ഗതാഗതത്തിന്റെയും ഭാവി എന്ന് വിശേഷിപ്പിക്കപ്പെടുന്ന ഒരു ഹൈപ്പർലൂപ്പ് പ്രദർശനങ്ങളിൽ ഉൾപ്പെടുന്നു, അതേസമയം ഈജിപ്ത് ഫറോണിക് കാലഘട്ടത്തിൽ നിന്ന് ഒരു പുരാതന ശവപ്പെട്ടിയാണ് എത്തിക്കുന്നത്. ഏറ്റവും വലിയ പവലിയനുകളിലൊന്ന് ചൈനയുടേതാണ്. ഒരു എൽഇഡി-ലൈറ്റ്, ലാമ്പ് ആകൃതിയാണ് ഇതിന്. മൊറോക്കോ പരമ്പരാഗത മൺ-നിർമാണ രീതികളാണ് പ്രദർശിപ്പിക്കുക. അവസരം, ചലനാത്മകത, സുസ്ഥിരത എന്നിവയാണ് എക്‌സ്‌പോയുടെ പ്രധാന തീമുകൾ

      കോവിഡ് കാലത്തെ മേള

      പകർച്ചവ്യാധി സമയത്ത് നടന്ന ലോകത്തിലെ അടുത്ത ഏറ്റവും വലിയ പരിപാടി ടോക്കിയോ ഒളിമ്പിക്സ് ആയിരുന്നു, അവിടെ കർശനമായ കോവിഡ് നിയന്ത്രണങ്ങളെ തുടർന്ന് കാണികളെ ഏതാണ്ട് എല്ലാ വേദികളിലും വിലക്കിയിരുന്നു. കർശനമായ കോവിഡ് നിയന്ത്രണങ്ങളോടെയാണ് ദുബായ് എക്സ്പോ സംഘടിപ്പിക്കുന്നത്. സന്ദർശകർ വാക്സിൻ സ്വീകരിച്ചവരോ അല്ലെങ്കിൽ നെഗറ്റീവ് പിസിആർ പരിശോധനാ സർട്ടിഫിക്കറ്റ് കൈവശം ഉള്ളവരോ ആകണം.

      യുഎഇയിൽ കോവിഡ് നിരക്ക് കുറഞ്ഞുവരികയാണ്. ഞായറാഴ്ച പുതിയ കോവിഡ് കേസുകൾ 300 ൽ താഴെയായി. രണ്ടാഴ്ച മുമ്പുള്ളതിന്റെ പകുതിയിൽ താഴെയാണിത്.
      Published by:Rajesh V
      First published:
      )}