COVID 19| മലയാളി അബുദാബിയിൽ മരിച്ചു; വിദേശത്ത് മരിച്ച മലയാളികളുടെ എണ്ണം 51 ആയി

അബുദാബി: കോവിഡ് 19 ബാധിച്ച് എറണാകുളം സ്വദേശി അബുദാബിയിൽ മരിച്ചു. ആലുവ മാറമ്പിള്ളിയിൽ കോമ്പുപിള്ളി വീട്ടിൽ സെയ്തു മുഹമ്മദിന്റെ മകൻ ഷൗക്കത്ത് അലി (54) ആണ് മരിച്ചത്. ഇതോടെ വിദേശത്ത് മരിച്ച മലയാളികളുടെ എണ്ണം 51 ആയി ഉയർന്നു.

അബുദാബി ഖലീഫ സിറ്റി ആശുപത്രിയിലായിരുന്നു മരണം. അഞ്ചുദിവസമായി ഇവിടെ ചികിത്സയിലായിരുന്നു. അബുദാബി റുവൈസ് അട്നോക്കിലായിരുന്നു ഷൗക്കത്ത് അലി ജോലി ചെയ്തിരുന്നത്. ഖബറടക്കം അബുദാബിയിൽ നടത്തി. ഭാര്യ റഹ്മത്ത്, മക്കൾ- ശബ്ന, നിഹാൽ, ആയിഷ, മരുമകൻ- ജിതിൻ ജലീൽ.

BEST PERFORMING STORIES:COVID 19| കേരളത്തിൽ നാലു പേര്‍ക്കു കൂടി രോഗം സ്ഥിരീകരിച്ചു; ഇതുവരെ രോഗം സ്ഥിരീകരിച്ചത് 485 പേർക്ക്[NEWS]സംസ്ഥാന സർക്കാർ ജീവനക്കാരുടെ ശമ്പളം പിടിക്കാനുള്ള ഉത്തരവിന് ഹൈക്കോടതിയുടെ സ്റ്റേ [NEWS]ഈ പോലീസുകാരുടെ കാര്യം! അടിവസ്ത്രം ധരിക്കാൻ മറന്നത് എസ്ഐ 'കണ്ടുപിടിച്ചു'; യുവാവിന്റെ 'ഗ്യാസ്' പോയി [NEWS]

ഗൾഫ് നാടുകളിലാകെ ഇതുവരെ കോവിഡ് ബാധിച്ച് മരിച്ചത് 19 മലയാളികളാണ്. യുഎഇയിൽ പുതുതായി 541 പേർക്ക് കൂടി രോഗം സ്ഥിരീകരിച്ചിട്ടുണ്ട്. ഇതോടെ ആകെ രോഗബാധിതർ 11,380 ആയി. കൊറോണ വൈറസ് ബാധിച്ച് ചികിത്സയിലായിരുന്നു ഏഴുപേർ കൂടി മരിച്ചതായി ആരോഗ്യമന്ത്രാലയം ചൊവ്വാഴ്ച അറിയിച്ചു. ഇതോരെ രാജ്യത്ത് രോഗബാധയെ തുടർന്ന് മരിച്ചവരുടെ എണ്ണം 89 ആയി.