Covid 19 in Gulf| ഗൾഫിൽ കോവിഡ് ബാധിച്ച് നാലു മലയാളികൾ കൂടി മരിച്ചു; വിദേശത്ത് മരിച്ച മലയാളികളുടെ എണ്ണം 57 ആയി

ഗൾഫിൽ നാലു മലയാളികൾ കൂടി കോവിഡ് 19 ബാധിച്ചു മരിച്ചു. രണ്ട് പത്തനംതിട്ട സ്വദേശികളും രണ്ട് തൃശൂർ സ്വദേശികളുമാണ് മരിച്ചത്. ഇതോടെ കോവിഡ് ബാധിച്ച് വിദേശത്ത് മരിച്ച മലയാളികളുടെ എണ്ണം 57 ആയി. ഗൾഫ് നാടുകളിൽ മാത്രം 25 മലയാളികൾക്കാണ് ജീവൻ നഷ്ടമായത്.

കോഴഞ്ചേരി പേൾ റീന വില്ലയിൽ പ്രിൻസി റോയ് മാത്യൂ അബുദാബിയിലാണ് മരിച്ചത്. 46 വയസ്സുള്ള ഇവർ അബുദാബി ഇന്ത്യൻ സ്കൂൾ അധ്യാപികയാണ്. ആറന്മുള്ള കോഴിപ്പാലം വടക്കന മൂട്ടിൽ രാജേഷ് കുട്ടപ്പൻ നായർ മരിച്ചത് കുവെറ്റിലാണ്. 51 കാരനായ രാജേഷ് ബദർ അൽ മുല്ല കമ്പനി ജീവനക്കാരനാണ്.

Best Performing Stories:മാസ്ക് ധരിച്ചില്ലെങ്കിൽ പിഴ; എന്തൊക്കെ ധരിക്കാം? എങ്ങനെ ശ്രദ്ധിക്കണം? അറിയാൻ 15 കാര്യങ്ങൾ [PHOTOS]അൽക്കേഷ് കുമാർ ശർമ എന്തു കൊണ്ട് കോട്ടയം- ഇടുക്കി ജില്ലകളുടെ സ്പെഷ്യൽ ഓഫീസർ ആയി [NEWS]കോവിഡ് വ്യാപനത്തിനിടയിൽ ബ്രിട്ടീഷ് പ്രധാനമന്ത്രിക്ക് ഒരു സന്തോഷ വാർത്ത; പ്രതിശ്രുത വധു ആൺകുഞ്ഞിന് ജന്മം നൽകി [NEWS]

അബുദാബിയിലാണ് ചാവക്കാട് തിരുവത്ര പാലപ്പെട്ടി വീട്ടിൽ കരീം ഹാജി (67) മരിച്ചത്. കോവിഡ് ബാധിച്ച് കുവൈറ്റിൽ തൃശൂർ സ്വദേശി മരിച്ചു. തൃശൂർ വലപ്പാട് സ്വദേശി അബ്ദുൽ ഗഫൂർ ആണ് മരിച്ചത്.