സുൽത്താൻ ഖാബൂസ് ബിൻ സഈദിന് പിൻഗാമി; ഹൈതം ബിൻ താരിഖ് അൽ സഈദ് ഒമാന്റെ പുതിയ ഭരണാധികാരി

മുൻ സാംസ്കാരിക വകുപ്പ് മന്ത്രിയായിരുന്നു ഹൈതം ബിൻ താരിഖ് അൽ സഈദ്

News18 Malayalam | news18-malayalam
Updated: January 11, 2020, 1:13 PM IST
സുൽത്താൻ ഖാബൂസ് ബിൻ സഈദിന് പിൻഗാമി; ഹൈതം ബിൻ താരിഖ് അൽ സഈദ് ഒമാന്റെ പുതിയ ഭരണാധികാരി
ഹൈതം ബിൻ താരിഖ്
  • Share this:
മസ്കറ്റ്: ഒമാൻ ഭരണാധികാരി ഖാബൂസ് ബിൻ സഈദിന്റെ പിൻഗാമിയായി ഹൈതം ബിൻ താരിഖ് അൽ സഈദ് ചുമതലയേറ്റു. മുൻ സാംസ്കാരിക വകുപ്പ് മന്ത്രിയായിരുന്നു ഹൈതം ബിൻ താരിഖ് അൽ സഈദ്. സുൽത്താൻ കുടുംബത്തിന് മുന്നിൽ ശനിയാഴ്ച രാവിലെ ഹൈതം ബിൻ താരിഖ് ചുമതലയേറ്റതായി ഒമാൻ മാധ്യമങ്ങൾ റിപ്പോർട്ട് ചെയ്യുന്നു. എന്നാൽ ഇതു സംബന്ധിച്ച ഔദ്യോഗികമായ അറിയിപ്പ്  പുറത്തുവന്നിട്ടില്ല. ഒമാന്റെ പ്രഥമ പ്രധാനമന്ത്രി താരിഖ് അൽ സഈദിന്റെ മകനാണ് ഹൈതം ബിൻ താരിഖ്.

Also Read- ഒമാനിലെ അന്തരിച്ച ഭരണാധികാരി സുൽത്താൻ ഖാബൂസ് ബിന്‍ സഈദിന് ഇന്ത്യയുമായുള്ള ബന്ധമെന്ത്?

സുൽത്താൻ ഖാബൂസ് ബിൻ സഈദി അർബുദ ബാധയെ തുടർന്ന് വെള്ളിയാഴ്ച വൈകിട്ടിന് അന്തരിച്ചിരുന്നു. മൂന്നു ദിവസത്തെ ദേശീയ ദുഃഖാചരണവും രാജ്യത്ത് പ്രഖ്യാപിച്ചിട്ടുണ്ട്. ഭരണാധികാരി പദവി ഒഴിഞ്ഞാൽ മൂന്നു ദിവസത്തിനകം അദ്ദേഹത്തിന്റെ കുടുംബം പിൻഗാമിയെ തെരഞ്ഞെടുക്കണമെന്നാണ് ഒമാൻ ഭരണഘടന പറയുന്നത്.

Also Read- സുൽത്താൻ ഖാബൂസ് ബിന്‍ സഈദ് അന്തരിച്ചു; വിടവാങ്ങിയത് ഒമാനെ മാറ്റത്തിന്റെ പാതയിലേക്ക് നയിച്ച ഭരണാധികാരി

ഹൈതം ബിൻ താരിഖിനൊപ്പം സഹോദരങ്ങളായ ആസാദ് ബിൻ താരിഖ് അൽ സഈദ്, മുൻ നാവിക കമാൻഡറും ഉപദേശകനുമായ ഷിഹാബ് ബിൻ താരിഖ് അൽ സഈദ് എന്നിവർക്കും സുൽത്താന്റെ പിൻഗാമിയാകാൻ സാധ്യത കൽപിക്കപ്പെട്ടിരുന്നു.
Published by: Rajesh V
First published: January 11, 2020, 1:13 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading