Kuwait Liquor Sale | കുവൈറ്റിൽ സർക്കാർ ബസിൽ മദ്യവിൽപന; ഇന്ത്യക്കാരൻ അറസ്റ്റിൽ

കുവൈറ്റ് സിറ്റി: ആരോഗ്യ മന്ത്രാലയത്തിന്റെ ബസ് ഉപയോഗിച്ച്‌ മദ്യ വിൽപന നടത്തിയ ഇന്ത്യക്കാരന്‍ കുവൈറ്റില്‍ അറസ്റ്റിലായി. സെക്യൂരിറ്റി പോയിന്റില്‍ ജോലിയിലുണ്ടായിരുന്ന ഫര്‍വാനിയ സുരക്ഷാ ഉദ്യോഗസ്ഥരാണ് ആരോഗ്യ മന്ത്രാലയത്തിന്റെ ബസ് ഓടിച്ചിരുന്ന പ്രതിയെ പിടികൂടിയത്. ഇയാളെക്കുറിച്ചുള്ള കൂടുതൽ വിവരങ്ങൾ പുറത്തുവിട്ടിട്ടില്ല. കുവൈറ്റിലെ ഖൈത്താനിലായിരുന്നു സംഭവം.

പരിശോധനയിൽ ബസില്‍ നിന്ന് മദ്യക്കുപ്പികള്‍ സുരക്ഷാ ഉദ്യോഗസ്ഥര്‍ പിടിച്ചെടുത്തു. അപ്രതീക്ഷിതമായുള്ള ബസിന്‍റെ വരവ് കണ്ട് സംശയം തോന്നിയ ഉദ്യോഗസ്ഥര്‍ നടത്തിയ പരിശോധനയിലാണ് പ്രതി പിടിയിലായത്. തുടർന്ന് ലൈസന്‍സും മറ്റ് രേഖകളും കാണിക്കാന്‍ ഡ്രൈവറോട് ആവശ്യപ്പെടുകയായിരുന്നു. എന്നാൽ ഡ്രൈവർ പരസ്പരവിരുദ്ധമായി സംസാരിച്ചത് ഉദ്യോഗസ്ഥരിൽ സംശയം ജനിപ്പിച്ചു. ഡ്രൈവർ മദ്യപിച്ചതായി വ്യക്തമാകുകയും ചെയ്തു.

തുടർന്ന് ബസിനുള്ളിൽ നടത്തിയ പരിശോധനയിലാണ് മദ്യകുപ്പികൾ കണ്ടെടുത്തത്. ജോലി സമയത്ത് താന്‍ മദ്യം വിറ്റിരുന്നതായി ഇയാള്‍ ചോദ്യം ചെയ്യലില്‍ സമ്മതിച്ചു. ഇയാളെ കൂടുതൽ ചോദ്യം ചെയ്യലിനായി അന്വേഷണ ഉദ്യോഗസ്ഥർ കസ്റ്റഡിയിൽ വാങ്ങി.
TRENDING:'ഇറക്കുമതി പ്രശ്നമല്ല; പക്ഷേ ഗണപതി വിഗ്രഹം എന്തിന് ചൈനയിൽനിന്ന്? നിർമല സീതാരാമൻ [NEWS]Viral video | പട്ടിക്കറിയില്ലല്ലോ ഷൂട്ടിങ്ങാണെന്ന്? വീഡിയോ ചെയ്യുന്നതിനിടയിൽ ടിക്ടോക്ക് താരത്തെ പട്ടി കടിച്ചു [NEWS]Ration for Elephants|ആന റേഷൻ വാങ്ങിയിട്ടെന്ത് കാട്ടാനാ? എന്തായാലും നാട്ടാനകളുടെ റേഷൻ വിതരണം തുടങ്ങി [NEWS]
പ്രതി മദ്യവിൽപന നടത്തിയതിനെക്കുറിച്ച് വിശദമായി അന്വേഷിക്കുമെന്ന് അധികൃതർ പറഞ്ഞു.