• HOME
  • »
  • NEWS
  • »
  • gulf
  • »
  • KUWAIT TO RESUME COMMERCIAL FLIGHTS WITH INDIA

ഇന്ത്യയടക്കമുള്ള രാജ്യങ്ങളിലുള്ളവർക്ക് പ്രവേശനാനുമതിയുമായി കുവൈറ്റ്; അനുമതി ഈ വാക്സിനുകൾ സ്വീകരിച്ചവർക്ക് മാത്രം

സിനോഫാം, സ്പുട്നിക് ഉൾപ്പെടെയുള്ള വാക്സിൻ സ്വീകരിച്ചവർ മൂന്നാമത്തെ ഡോസായി കുവൈത്ത് അംഗീകൃത വാക്സീൻ സ്വീകരിച്ചിരിക്കണം.

പ്രതീകാത്മക ചിത്രം

പ്രതീകാത്മക ചിത്രം

  • Share this:
    ഇന്ത്യയിൽ നിന്നുൾപ്പെടെയുള്ളവർക്ക് കുവൈറ്റിൽ പ്രവേശിക്കാൻ അനുമതി. ഞായറാഴ്ച മുതലാണ് ഇന്ത്യക്കാർക്ക് കുവൈറ്റിൽ പ്രവേശിക്കാൻ അനുമതി നൽകിയത്.‌ ഫൈസർ, കോവിഷീൽഡ് (ഓക്സ്ഫോർഡ് ആസ്ട്രാസെനക്ക ), മൊഡേണ, ജോൺസൻ ആൻഡ് ജോൺസൻ എന്നിവയിലൊരു വാക്സിൻ സ്വീകരിച്ചവർക്കാണ് പ്രവേശനാനുമതി.

    സിനോഫാം, സ്പുട്നിക് ഉൾപ്പെടെയുള്ള വാക്സിൻ സ്വീകരിച്ചവർ മൂന്നാമത്തെ ഡോസായി കുവൈത്ത് അംഗീകൃത വാക്സീൻ സ്വീകരിച്ചിരിക്കണം. കുവൈത്തിന് പുറത്തുനിന്ന് വാക്സീൻ സ്വീകരിച്ചവർ പാസ്പോർട്, വാക്സീൻ സർട്ടിഫിക്കറ്റ് തുടങ്ങിയ വിവരങ്ങൾ നൽകി കുവൈത്ത് ആരോഗ്യമന്ത്രാലയം വഴി അനുമതി നേടണം. 72 മണിക്കൂറിനുള്ളിൽ ലഭിച്ച പിസിആർ നെഗറ്റീവ് സർട്ടിഫിക്കറ്റും നിർബന്ധമാണ്.

    ഈ മാസം 22 മുതൽ പ്രവേശനാനുമതി നൽകാനാണ് തീരുമാനം. ഞായറാഴ്ച മുതൽ വിമാന സർവീസ് ആരംഭിക്കുമെന്ന് പ്രാദേശികമാധ്യമങ്ങൾ റിപ്പോർട്ട് ചെയ്യുന്നു. കഴിഞ്ഞവർഷം മാർച്ച് മുതലാണ് കോവിഡ് വ്യാപനത്തെ തുടർന്ന് കുവൈത്തിലേക്ക് നേരിട്ട് പ്രവേശിക്കുന്നതിന് ഇന്ത്യക്കാർക്ക് വിലക്കേർപ്പെടുത്തിയത്.
    Also Read-Petrol Diesel Price| ഡീസൽ വില വീണ്ടും 20 പൈസ കുറഞ്ഞു; പെട്രോൾ വിലയിൽ മാറ്റമില്ല

    കുവൈറ്റിലെത്തുന്നവർക്ക് ഒരാഴ്ച ക്വാറന്റീൻ നിർബന്ധമാണ്. കൊറോണ എമര്‍ജന്‍സി കമ്മിറ്റിയുടെ മാനദണ്ഡങ്ങള്‍ പ്രകാരമായിരിക്കും പ്രവേശനം. ഒരു ലക്ഷത്തിലധികം ആളുകള്‍ കുവൈത്തിലേക്ക് മടങ്ങാന്‍ കഴിയാതെ ബുദ്ധിമുട്ടുന്നുണ്ട് എന്നാണ് അനൗദ്യോഗിക വിവരം.

    ഇന്ത്യയ്ക്ക് പുറമേ, ഈജിപ്ത്, ബംഗ്ലാദേശ്, പാകിസ്ഥാൻ, ശ്രീലങ്ക, നേപ്പാൾ തുടങ്ങിയ രാജ്യങ്ങൾക്കും പ്രവേശനാനുമതിയുണ്ട്.

    ഇന്ത്യയിൽ നിന്നുള്ള യാത്രികർക്ക് നിബന്ധനകളോടെ യാത്രാനുമതി നൽകി യു എ ഇ; ദുബായ് യാത്രക്കാർക്കുള്ള വ്യവസ്ഥകൾ അറിയാം

    ഇന്ത്യയിൽ നിന്നുള്ള യാത്രക്കാർക്ക് ഏർപ്പെടുത്തിയിരുന്ന വിലക്ക് യു എ ഇ പിൻവലിച്ചിരിക്കുകയാണ്. ഇതോടെ ഇരു രാജ്യങ്ങൾക്കുമിടയിൽ കൂടുതൽ വിമാന സർവീസുകൾ പ്രവർത്തനം നടത്തും.കോവിഡിന്റെ രണ്ടാം തരംഗം ഉണ്ടായതിന് ശേഷം ഇന്ത്യയിൽ നിന്ന് യു എ ഇയിലേക്കുള്ള ആദ്യത്തെ വിമാനം വെള്ളിയാഴ്ച രാവിലെ ഗോവ വിമാനത്താവളത്തിൽ നിന്ന് പറന്നുയർന്നു. ഇൻഡിഗോ എയർലൈൻസ് ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ നിന്നും ദുബായിയിലേക്കുള്ള വിമാന സർവീസുകളുടെ വിശദാംശങ്ങൾ പുറത്തുവിട്ടിട്ടുണ്ട്. യാത്രാവിലക്ക് പിൻവലിച്ചെങ്കിലും ഇന്ത്യയിൽ നിന്നുള്ള എല്ലാ യാത്രികർക്കും നിരുപാധികം യു എ ഇയിലേക്ക് യാത്ര ചെയ്യാൻ കഴിയില്ല. ട്രാൻസിറ്റ് യാത്രക്കാർക്കും യു എ ഇയിലെ സ്ഥിരതാമസക്കാർക്കും മാത്രമേ നിലവിൽ ദുബായിയിലേക്ക് യാത്ര ചെയ്യാൻ അനുമതിയുള്ളൂ എന്നാണ് ഇൻഡിഗോ തങ്ങളുടെ യാത്രക്കാരെ അറിയിച്ചിരിക്കുന്നത്.

    യു എ ഇയിലേക്ക് മൂന്ന് വിമാന സർവീസുകൾ ഇൻഡിഗോ പ്രഖ്യാപിച്ചു. ഈ മാസം ഒൻപതാം തീയതിയും പത്താം തീയതിയുമായി രണ്ടു വിമാനങ്ങൾ ഡൽഹിയിൽ നിന്ന് ദുബായിയിലേക്ക് പറക്കും. ഓഗസ്റ്റ് 10-ന് ദുബായിയിൽ നിന്ന് തിരികെയും ഒരു വിമാനം ഷെഡ്യൂൾ ചെയ്തിട്ടുണ്ട്. യാത്രികർക്കായി യു എ ഇ നിഷ്കർഷിക്കുന്ന മാർഗനിർദ്ദേശങ്ങളുടെ വിശദാംശങ്ങൾ നാഷണൽ എമർജൻസി ആൻഡ് ക്രൈസിസ് മാനേജ്‌മെന്റ് അതോറിറ്റി (എൻ സി ഇ എം എ) പുറത്തുവിട്ടു. യു എ ഇയിൽ താമസത്തിന് അനുമതിയുള്ളവർക്കും കോവിഡ് വാക്സിന്റെ രണ്ടു ഡോസുകളും സ്വീകരിച്ചവർക്കും അവരിൽ തന്നെ രണ്ടാം ഡോസ് സ്വീകരിച്ച് 14 ദിവസം പിന്നിട്ടവർക്കുമാണ് യാത്രാനുമതി എന്ന് യു എ ഇ നിഷ്കർഷിക്കുന്നു.
    Published by:Naseeba TC
    First published:
    )}