കുവൈറ്റിലും ഇറാഖിലും ഭൂചലനം; പ്രഭവകേന്ദ്രം ഇറാനിൽ

ദുബായ്: ഇറാനിലും ഇറാഖിലും രാവിലെ നേരിയ ഭൂചലനം അനുഭവപ്പെട്ടു. വെസ്റ്റേണ്‍ ഇറാനില്‍ റിക്ടര്‍ സ്കെയിലില്‍ 5.9 രേഖപ്പെടുത്തിയ ഭൂചലനത്തിന്റെ പ്രകമ്പനങ്ങളാണ് കുവൈത്തിൽ അനുഭവപ്പെട്ടതെന്ന് കുവൈറ്റി നാഷണൽ സീസ്മിക് നെറ്റ് വർക്ക് അറിയിച്ചു. പ്രകമ്പനങ്ങൾ സെക്കന്റുകളോളം നീണ്ടുനിന്നുവെന്ന് അധികൃതർ അറിയിച്ചു.

• #MISSIONPAANI; ജലത്തെ കുറിച്ചുള്ള ഈ ഭീകര യാഥാർഥ്യങ്ങള്‍ നിങ്ങൾക്കറിയുമോ?

ഇറാൻ തലസ്ഥാനമായ ടെഹ്റാനിൽ തെക്ക് പടിഞ്ഞാറൻ ഭാഗത്ത് 450 കി. മീറ്റർ അകലെയുള്ള ഖുസെസ്ഥാൻ പ്രവിശ്യയിലെ ടൗൺ മസ്ജിദിന് സമീപമാണ് ഭൂചലനത്തിന്റെ പ്രഭവകേന്ദ്രമെന്ന് വാർത്താ ഏജൻസിയായ ഐആർഎൻഎ റിപ്പോർട്ട് ചെയ്തു. ഇറാനിൽ നാലുപേർക്ക് പരിക്കേറ്റു. കെട്ടിടങ്ങൾക്ക് കേടുപാടുണ്ടായതായി ദൃക്സാക്ഷിയെ ഉദ്ധരിച്ച് വാർത്താ ഏജൻസി റിപ്പോർട്ട് ചെയ്യുന്നു. മധ്യപൂര്‍വേഷ്യയിലെയും ഇറാനിലെയും ആദ്യ എണ്ണക്കിണർ സ്ഥിതി ചെയ്യുന്ന പട്ടണമാണ് ഖുസെസ്ഥാൻ.