Hajj 2020 | ഹജ്ജ് കർമങ്ങൾ നടത്തും; സൗദിയിൽ താമസിക്കുന്ന വിവിധ രാജ്യക്കാരായ ചുരുക്കംപേർക്ക് മാത്രം അവസരം

Saudi Arabia decided to allow a limited number of pilgrims to do this years Hajj | ആരോഗ്യ കാര്യങ്ങൾ പരമാവധി ശ്രദ്ധിച്ചും മുൻകരുതലുകൾ പാലിച്ചുമായിരിക്കും ചടങ്ങുകൾ​. സുരക്ഷയും സംരക്ഷണവും സമൂഹ അകലവും ഉറപ്പുവരുത്തുമെന്ന്​ സൗദി ഹജ്ജ് മന്ത്രാലയം വ്യക്തമാക്കി​.

News18 Malayalam | news18-malayalam
Updated: June 23, 2020, 6:31 AM IST
Hajj 2020 | ഹജ്ജ് കർമങ്ങൾ നടത്തും; സൗദിയിൽ താമസിക്കുന്ന വിവിധ രാജ്യക്കാരായ ചുരുക്കംപേർക്ക് മാത്രം അവസരം
News18 Malayalam
  • Share this:
ജിദ്ദ: പരിമിതമായ ആഭ്യന്തര തീർത്ഥാടകരെ മാത്രം പങ്കെടുപ്പിച്ച്​ ഇത്തവണ ഹജ്ജ്​ കർമം നടത്താൻ സൗദി ഹജ്ജ്​ മന്ത്രാലയം തീരുമാനിച്ചു. സൗദിയിൽ താമസിക്കുന്ന വിവിധ രാജ്യക്കാരായ ചുരുക്കം ​പേ​ർക്ക്​ മാത്രമാകും പ​ങ്കെടുക്കാൻ അവസരം ലഭിക്കുക. ആരോഗ്യ കാര്യങ്ങൾ പരമാവധി ശ്രദ്ധിച്ചും മുൻകരുതലുകൾ പാലിച്ചുമായിരിക്കും ചടങ്ങുകൾ​. സുരക്ഷയും സംരക്ഷണവും സമൂഹ അകലവും ഉറപ്പുവരുത്തുമെന്ന്​ മന്ത്രാലയം വ്യക്തമാക്കി​.

ലോകം കോവിഡ്​ മഹാമാരിയുടെ പിടിയിലമർന്ന സാഹചര്യത്തിൽ അന്താരാഷ്​ട്ര തലത്തിൽ മുഴുവൻ തീർഥാടകരെയും പങ്കെടുപ്പിച്ച്​ ഹജ്ജ്​ നടത്തൽ പ്രയാസകരമാണ്​. ഇതേതുടർന്നാണ് ​രാജ്യത്തിനകത്തുള്ള തീർത്ഥാടകരെ മാത്രം പങ്കെടുപ്പിക്കാൻ തീരുമാനിച്ചത്​​. രോഗവ്യാപന സാധ്യതയും സമൂഹ അകലം പാലിക്കാനുള്ള പ്രായാസവും വലിയ ഭീഷണിയായി നിലനിൽക്കുന്നുണ്ട്​. സമൂഹ സുരക്ഷ കണക്കിലെടുത്ത്​​ കോവിഡ്​ കാലത്ത്​ ഉംറയും സിയാറത്തും നിർത്തിവെച്ചിരുന്നു.

ലോകമാകമാനമുള്ള ജനങ്ങളുടെ ആരോഗ്യ- സുരക്ഷാ അവകാശങ്ങളിലാണ് സൗദി അറേബ്യ വിശ്വസിക്കുന്നതെന്ന് തീരുമാനത്തെ സ്വാഗതം ചെയ്തുകൊണ്ട് സൗദി മനുഷ്യാവകാശ കമ്മീഷൻ അഭിപ്രായപ്പെട്ടു. തീർത്ഥാടകരുടെ എണ്ണം പരിമിതപ്പെടുത്തുന്നത് രാജ്യത്തിന്റെ മാത്രമല്ല, ലോകമെമ്പാടുമുള്ള തീർത്ഥാടകരുടെയും വിശ്വാസികളുടെയും സംരക്ഷണമാണ് ഉറപ്പുവരുത്തുന്നതെന്നും കമ്മീഷൻ ചൂണ്ടിക്കാട്ടി.

TRENDING:COVID 19 | മന്ത്രി വി.എസ് സുനിൽ കുമാറിന്റെ കോവിഡ് പരിശോധനാഫലം നെഗറ്റീവ് [NEWS]രാജ്യസഭാ തെരഞ്ഞെടുപ്പിൽ കെ.സി വേണുഗോപാലിന് വോട്ട്; എം.എൽ.എയെ സി.പി.എം സസ്പെൻഡ് ചെയ്തു [NEWS]കെപിസിസി ജനറൽ സെക്രട്ടറി കെ സുരേന്ദ്രനെ പാർട്ടിയിലെ ഒരു വിഭാഗം വേട്ടയാടി; കോൺഗ്രസ് നേതാവിന്റെ ഫേസ്ബുക്ക് പോസ്റ്റ് [NEWS]

ആജീവനാന്തകാലത്തെ സമ്പാദ്യം സ്വരുക്കൂട്ടി ഹജ്ജ് യാത്രക്കായി കാത്തിരിക്കുന്ന ലോകത്താകെയുളള ദശലക്ഷക്കണക്കിന് വരുന്ന മുസ്ലിം ജനതയെ നിരാശപ്പെടുത്തുന്നതാണ് തീരുമാനമെങ്കിലും സൗദിയിൽ ആഭ്യന്തര തീർത്ഥാടകർ തീരുമാനത്തെ സ്വാഗതം ചെയ്യുകയാണ്. ഇത്തവണ ഹജ്ജ് കർമങ്ങൾ മുടങ്ങുമോ എന്ന ആശങ്കയിലായിരുന്നു അവർ.

ഈ മാസമാദ്യം ലോകത്തിലെ ഏറ്റവും കൂടുതൽ ജനസംഖ്യയുള്ള മുസ്ലിം രാജ്യമായ ഇന്തോനേഷ്യ ഹജ്ജ് തീർത്ഥാടനത്തിൽ നിന്ന് പിന്മാറിയിരുന്നു. കഠിനവും പ്രയാസകരവുമായ തീരുമാനമായിരുന്നു ഇതെന്നായിരുന്നു ഇന്തോനേഷ്യൻ മന്ത്രി ഇതിനെ വിശേഷിപ്പിച്ചത്.
First published: June 23, 2020, 6:31 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading