• HOME
  • »
  • NEWS
  • »
  • gulf
  • »
  • Saudi Arabia | റോഡും കാറുമില്ലാത്ത നഗരം സൃഷ്ടിക്കാനൊരുങ്ങി സൗദി അറേബ്യ

Saudi Arabia | റോഡും കാറുമില്ലാത്ത നഗരം സൃഷ്ടിക്കാനൊരുങ്ങി സൗദി അറേബ്യ

“ദി ലൈൻ” എന്ന് പേരിട്ടിരിക്കുന്ന ഈ പദ്ധതി 10 ലക്ഷം ആളുകൾക്ക് താമസിക്കാൻ സൌകര്യമുണ്ടാകും. എന്നാൽ കാറുകളോ തെരുവുകളോ ഇല്ലാത്തതായിരിക്കും

Bin Salman

Bin Salman

  • Last Updated :
  • Share this:
    റിയാദ്; റോഡും കാറുമില്ലാത്ത കാർബൻ രഹിത നഗരം നിർമ്മിക്കുമെന്ന പ്രഖ്യാപനവുമായി സൗദി അറേബ്യ. കിരീടാവകാശി മുഹമ്മദ് ബിൻ സൽമാൻ ആണ് പുതിയ പ്രഖ്യാപനം നടത്തിയിരിക്കുന്നത്. “ദി ലൈൻ” എന്ന് പേരിട്ടിരിക്കുന്ന ഈ പദ്ധതി 10 ലക്ഷം ആളുകൾക്ക് താമസിക്കാൻ സൌകര്യമുണ്ടാകും. എന്നാൽ കാറുകളോ തെരുവുകളോ ഇല്ലാത്തതായിരിക്കുമെന്നും കിരീടാവകാശി മുഹമ്മദ് ബിൻ സൽമാൻ പറഞ്ഞു. “ഭാവി കമ്മ്യൂണിറ്റികളുടെ ഹൈപ്പർ-കണക്റ്റഡ് ” 170 കിലോമീറ്റർ ദൈർഘ്യമുള്ള നഗരമായിരിക്കും ഇത്. തീർത്തും പ്രകൃതിദത്ത ചുറ്റുപാടിൽ ഇത് നിർമ്മിക്കപ്പെടും, ”അദ്ദേഹം പറഞ്ഞു.

    ഒരു പരമ്പരാഗത നഗരമെന്ന സങ്കല്പത്തെ ഭാവിയിലേയ്ക്ക് മാറ്റേണ്ട ആവശ്യമുണ്ടെന്ന് അദ്ദേഹം പറഞ്ഞു. വർദ്ധിച്ചുവരുന്ന കാർബൻഡൈഓക്സൈഡ് ഉദ്‌വമനം, സമുദ്രനിരപ്പ് എന്നിവ കാരണം 2050 ഓടെ ഒരു ബില്യൺ ആളുകൾക്ക് വാസസ്ഥലം മാറ്റേണ്ടിവരും. 90 ശതമാനം ആളുകളും മലിനമായ വായു ശ്വസിക്കുന്നു, ”അദ്ദേഹം കൂട്ടിച്ചേർത്തു.

    Also Read- മക്കയിലേക്ക് പോകുന്നതിനു മുമ്പ് ഹജ്ജ് തീർത്ഥാടകർക്ക് കോവിഡ് വാക്സിൻ നൽകണം: സർക്കാർ

    വികസനത്തിനായി നാം എന്തിനാണ് പ്രകൃതിയെ നശിപ്പിക്കുന്നത്? മലിനീകരണം കാരണം പ്രതിവർഷം 70 ലക്ഷം ആളുകൾ മരിക്കുന്നത് എന്തുകൊണ്ട്? ട്രാഫിക് അപകടങ്ങൾ കാരണം പ്രതിവർഷം 10 ലക്ഷം ആളുകളെ നമുക്ക് നഷ്ടപ്പെടുന്നത് എന്തുകൊണ്ട്? നമ്മുടെ ജീവിതത്തിലെ വർഷങ്ങൾ പാഴാക്കുന്നത് നാം എന്തിന് സ്വീകരിക്കണം? ” അദ്ദേഹം ചോദിച്ചു.

    രാജ്യത്തിന്റെ സമ്പദ്‌വ്യവസ്ഥയെ വൈവിധ്യവത്കരിക്കുകയെന്ന ലക്ഷ്യത്തോടെ 500 ബില്യൺ ഡോളറിന്റെ പ്രധാന ബിസിനസ്സ് മേഖലയുടെ ആദ്യത്തെ പ്രധാന നിർമാണ മേഖലയായ ന്യൂമിൽ ഒരു സീറോ കാർബൺ നഗരം നിർമ്മിക്കാനുള്ള രാജകുമാരന്റെ പദ്ധതിയുടെ ഭാഗമായാണ് പുതിയ നഗരം പണികഴിപ്പിക്കുന്നത്.

    “ദി ലൈനിൽ” നിക്ഷേപത്തിന്റെ നട്ടെല്ല് സൗദി സർക്കാരും പിഐഎഫും പ്രാദേശിക, ആഗോള നിക്ഷേപകരും 10 വർഷത്തിനിടെ നിയോമിന് നൽകിയ 500 ബില്യൺ ഡോളറിന്റെ പിന്തുണയിൽ നിന്നായിരിക്കും. രാജ്യത്തിന്റെ പരമാധികാര സ്വത്ത് ഫണ്ട്, പബ്ലിക് ഇൻവെസ്റ്റ്മെൻറ് ഫണ്ട് (പിഐഎഫ്), നിയോമിലെ സുപ്രധാന നിക്ഷേപകകാണ്, ചെങ്കടലിൽ 26,500 ചതുരശ്ര കിലോമീറ്റർ (10,230 ചതുരശ്ര മൈൽ) ഹൈടെക് വികസനം, ഒരു വ്യാവസായിക, ലോജിസ്റ്റിക് ഏരിയകൾ, എന്നിവ ഉൾപ്പെടുന്ന പദ്ധതി 2025 ൽ പൂർത്തീകരിക്കാൻ ലക്ഷ്യമിടുന്നതാണ്.
    Published by:Anuraj GR
    First published: