UAE Visa | യുഎഇയിൽ വിസ, തിരിച്ചറിയൽ കാർഡുകൾ പുതുക്കുന്നത് ഇന്നുമുതൽ പുനഃരാരംഭിക്കുന്നു

അബുദാബി: കോവിഡ് വ്യാപനത്തെ തുടർന്ന് നിർത്തിവെച്ചിരുന്ന താമസ വിസ, തിരിച്ചറിയൽ രേഖ തുടങ്ങിയവ പുതുക്കുന്ന നടപടിക്രമം യുഎഇയിൽ ഇന്നുമുതൽ പുനഃരാരംഭിക്കുന്നു. യുഎഇ ഫെഡറൽ അതോറിറ്രി ഫോർ ഐഡന്‍റിറ്റി ആൻഡ് സിറ്റിസൺഷിപ്പ് അറിയിച്ചതാണ് ഇക്കാര്യം.

മാർച്ച്, ഏപ്രിൽ മാസങ്ങളിൽ വിസാ കാലാവധി കഴിഞ്ഞവർക്കായിരിക്കും തുടക്കത്തിൽ അവസരം. ഇപ്പോൾ യുഎഇയിൽ തന്നെ കഴിയുന്നവർക്ക് അവരുടെ താമസ വിസ പുതുക്കാം.

മെയിൽ കാലാവധി കഴിഞ്ഞവർക്ക് ഓഗസ്റ്റ് എട്ടു മുതലും ജൂൺ ഒന്ന് മുതൽ ജൂലൈ 11 വരെയുള്ള സമയത്ത് കാലാവധി കഴിഞ്ഞവർക്കുള്ള അവസരം സെപ്റ്റംബർ 10 മുതലും പുതുക്കാം. ജുലൈ 12 മുതൽ കാലാവധി കഴിഞ്ഞവർക്ക് അത് പതുക്കാൻ പ്രത്യേക സമയം തീരുമാനിച്ചിട്ടില്ല.

രേഖകൾ പുതുക്കുന്നതിന് അതോറിറ്റിയുടെ വെബ്സൈറ്റ്(ica.gov.ae). സന്ദർശിക്കണം. നിശ്ചിത കാലാവധിക്കുള്ളിൽ തന്നെ രേഖകൾ ശരിയാക്കിയെടുത്ത് പിഴയിൽനിന്ന് ഒഴിവാകണമെന്ന് അതോറിറ്റി നിർദേശിച്ചു.
TRENDING:കുടുക്കിയത് ഫോൺ വിളി; NIA എഫ്.ഐ.ആർ രജിസ്റ്റർ ചെയ്ത് 24 മണിക്കൂറിനുള്ളിൽ സ്വപ്നയും സന്ദീപും പിടിയിലായി [NEWS]അഭിഷേക് ബച്ചനും കോവിഡ് സ്ഥിരീകരിച്ചു [NEWS]അന്യസംസ്ഥാന യുവതിയെ കടന്നുപിടിച്ചു; മലപ്പുറം സ്വദേശി പോലീസ് പിടിയിൽ [NEWS]
എല്ലാത്തരം വിസകളുടെയും തിരിച്ചറിയൽ രേഖകളുടെയും കാലാവധി ഈ വർഷം അവസാനം വരെ നീട്ടിയ ഉത്തരവ് വെള്ളിയാഴ്ച ചേർന്ന മന്ത്രിസഭായോഗം റദ്ദാക്കിയിരുന്നു. രേഖകൾ പുതുക്കുന്നതിന് മൂന്നു മാസത്തെ സമയമാണ് എല്ലാവർക്കും അനുവദിച്ചിരിക്കുന്നത്.