ആസാമിൽ മദ്രസയുടെ മറവിൽ തീവ്രവാദ പ്രവർത്തനങ്ങൾ നടത്തിയ 11 പേർ കസ്റ്റഡിയിൽ

ഗുവാഹത്തി: ആസാമില്‍ തീവ്രവാദ പ്രവർത്തനങ്ങള്‍ നടത്തിവന്ന 11 പേർ കസ്റ്റഡിയിൽ‌. തീവ്രവാദ സംഘടനയായ അന്‍സാറുല്ല ബംഗ്ലാ ടീമുംമായും അല്‍-ഖ്വയ്ജയുമായും പിടിയിലായവർക്ക് ബന്ധമുണ്ടെന്ന് പൊലീസ് അറിയിച്ചു. അൻസറുല്ല ബംഗ്ല ടീമുമായി ഇവർ സാമ്പത്തിക ഇടപാട് നടത്തിയിരുന്നതായി കണ്ടെത്തിയതായി മോറിഗാവ് എസ്പി പറ‍ഞ്ഞു.

സഹരിയാഗോണിലെ ജാമിഉൽ ഹുദാ മദ്രസ എന്ന കെട്ടിടം പൊലീസ് സീൽ ചെയ്തു. ദേശവിരുദ്ധ പ്രവർത്തനങ്ങളുമായി ബന്ധപ്പെട്ട് മൊറിയാബാരിയിൽ മദ്രസ നടത്തുന്ന മുസ്തഫ എന്ന വ്യക്തിയെക്കുറിച്ച് വിവരം ലഭിച്ചതായും പൊലീസ് വ്യക്തമാക്കി. തുടർന്ന് നടത്തിയ അന്വേഷണത്തിലാണ് ഇവരെ പിടികൂടിയത്.

Also Read-മംഗളൂരു ഫാസിൽ കൊലക്കേസ്; പ്രതികളെ തിരിച്ചറിഞ്ഞെന്ന് പൊലീസ്; നിരോധനാജ്ഞ പ്രഖ്യാപിച്ചു

സംഭവത്തിൽ മൂന്നുപേരെ അറസ്റ്റ് ചെയ്തിട്ടുണ്ട്. മുസ്തഫ, അഫ്സറുദ്ദീൻ ഭുയ്യ, അബ്ബാസ് അലി എന്നിവരാണ് അറസ്റ്റിലായത്.മുസ്തഫ മോറിഗാവിൽ ജാമിഉൽ ഹുദാ മദ്രസ നടത്തുന്നയാളാണ്. പ്രതികൾക്കെതിരെ യുഎപിഎ വകുപ്പുകൾ പ്രകാരം കേസെടുത്തിട്ടുണ്ട്.

Also Read-യുവമോർച്ച പ്രവർത്തകന്‍റെ കൊലപാതകം: രണ്ടുപേരുടെ അറസ്റ്റ് രേഖപ്പെടുത്തി; SDPI-പോപ്പുലർ ഫ്രണ്ട് പ്രവർത്തകരായ ഇരുപതോളം പേർ കസ്റ്റഡിയിൽ

കസ്റ്റഡിയിലെടുത്തവരിൽ നിന്ന് നിരവധി ഇലക്ട്രോണിക് ഉപകരണങ്ങളും കുറ്റകരമായ രേഖകളും പിടിച്ചെടുത്തിട്ടുണ്ട്. ഇത് സംബന്ധിച്ച വിശദമായി അന്വേഷണം നടക്കുകയാണെന്ന് എസ്പി അപർണ പറഞ്ഞു.