ട്രെയിനിൽ നിന്ന് ഭക്ഷണം കഴിച്ച 20 യാത്രക്കാർക്ക് ഭക്ഷ്യ വിഷബാധ
റെയിൽവെ നൽകിയ ഭക്ഷണം കഴിച്ചതിനെ തുടർന്ന് ബുദ്ധിമുട്ടുകൾ ഉണ്ടായ ഇരുപതോളം യാത്രക്കാർക്ക് ഗോമോഹ് സ്റ്റേഷനിൽ ചികിത്സ നൽകിയെന്ന് റെയിൽവെ വക്താവ് അറിയിച്ചു. ആരുടെയും നില ഗുരുതരമല്ലെന്നാണ് സൂചന.
news18
Updated: April 7, 2019, 1:42 PM IST
news18
- News18
- Last Updated: April 7, 2019, 1:42 PM IST
ന്യൂഡൽഹി: ഡൽഹി - ഭുവനേശ്വർ രാജധാനി ട്രെയിനിൽ ഭക്ഷ്യവിഷബാധ. ട്രെയിനിലെ ഭക്ഷണം കഴിച്ച 20 യാത്രക്കാർക്കാണ് ഭക്ഷ്യവിഷബാധയേറ്റത്. ഞായറാഴ്ചയാണ് സംഭവം.
റെയിൽവെ നൽകിയ ഭക്ഷണം കഴിച്ചതിനെ തുടർന്ന് ബുദ്ധിമുട്ടുകൾ ഉണ്ടായ ഇരുപതോളം യാത്രക്കാർക്ക് ഗോമോഹ് സ്റ്റേഷനിൽ ചികിത്സ നൽകിയെന്ന് റെയിൽവെ വക്താവ് അറിയിച്ചു. ആരുടെയും നില ഗുരുതരമല്ലെന്നാണ് സൂചന.
ബോക്കാറോയിലും ഡോക്ടർ യാത്രക്കാരെ പരിശോധിച്ചുവെന്നും മുൻകരുതലെന്നോണം അദ്ദേഹം ട്രെയിനിൽ യാത്ര ചെയ്യുന്നുണ്ടെന്നും റെയിൽവെ വ്യക്തമാക്കി.
ടാറ്റാ നഗറിലും ഡോക്ടർ യാത്രക്കാരെ പരിശോധിക്കും. യാത്രക്കാരെല്ലാം സുഖമായിരിക്കുന്നു. ആരുടെയും യാത്രയ്ക്ക് ബുദ്ധിമുട്ട് ഉണ്ടായിട്ടില്ല. പാൻട്രി കാറിൽ പരിശോധന നടത്തിയിട്ടുണ്ട്. ഫുഡ് സാംപിൾ പരിശോധിക്കും- റെയിൽവെ വക്താവ് പറഞ്ഞു.
