അഞ്ചോളം ആശുപത്രികൾ ചികിത്സ നിഷേധിച്ചു; തെരുവുനായ ആക്രമിച്ച ആറു വയസ്സുകാരിക്ക് ദാരുണാന്ത്യം

തെലങ്കാന: തെരുവുനായ്ക്കളുടെ ആക്രമണത്തിന് ഇരയായ ആറു വയസ്സുകാരിക്ക് ദാരുണാന്ത്യം. തെലങ്കാനയിലെ മൽകാജ്ഗിരി ജില്ലയിലാണ് സംഭവം. അഞ്ചോളം നായ്ക്കളാണ് കുട്ടിയെ ആക്രമിച്ചത്.

ആക്രമണത്തിനിരയായ പെൺകുട്ടിയെ അഞ്ചോളം ആശുപത്രിയിൽ എത്തിച്ചെങ്കിലും ചികിത്സ നിഷേധിച്ചതായി ആരോപണമുണ്ട്.

TRENDING:ഉമയും ഭാമയും; ഒന്നര വയസുകാരിയുടെ കൂട്ടായി ഇമ്മിണി ബല്യൊരു ആന [NEWS]ഓന്തിനെ പോലെ നിറം മാറും; നട്ടെല്ലിൽ ശക്തിയേറിയ വിഷം; ഗവേഷകർ കണ്ടെത്തിയ അപൂർവ മത്സ്യം [NEWS]'നിശബ്ദതയും കുറ്റകൃത്യമാണ്'; ജോർജ് ഫ്ളോയിഡിന്റെ കൊലപാതകത്തിൽ നെറ്റ്ഫ്ലിക്സ് [NEWS]
ആക്രമണം നടന്ന് ഉടനെ തന്നെ കുട്ടിയെ അടുത്തുള്ള ആദിത്യ ആശുപത്രിയിൽ എത്തിച്ചിരുന്നു. എന്നാൽ രണ്ട് മണിക്കൂറിന് ശേഷം കുട്ടിയെ അങ്കൂര ആശുപത്രിയിലേക്ക് കൊണ്ടുപോകാൻ രക്ഷിതാക്കളോട് ആശുപത്രി അധികൃതർ ആവശ്യപ്പെട്ടതായാണ് റിപ്പോർട്ട്.

അങ്കൂര ആശുപത്രിയിൽ എത്തിച്ച് മൂന്ന് മണിക്കൂറിന് ശേഷം യശോദ ആശുപത്രിയിലേക്ക് റഫർ ചെയ്തു. എന്നാൽ അവിടേയും അഡ്മിറ്റ് ചെയ്യാൻ അനുവദിച്ചില്ല. ചികിത്സ തേടി അഞ്ചോളം ആശുപത്രികളിൽ രക്ഷിതാക്കൾ ഓടിയെങ്കിലും വൈകുന്നേരത്തോടെ കുട്ടി മരിക്കുകയായിരുന്നു.