HOME » NEWS » India »

മഴ കൂടി; തൊഴിലാളികളും; കൊറോണക്കാലത്തും കൃഷിയിൽ കുതിച്ചു ഗ്രാമീണ ഇന്ത്യ

അരി ഉൽപാദനം 20 ലക്ഷം ഹെക്ടർ വരെ ഉയരാൻ സാധ്യതയുണ്ട്, ഇത് വരും ദിവസങ്ങളിൽ ഇന്ത്യയെ ഏറ്റവും കൂടുതൽ അരി കയറ്റുമതി ചെയ്യുന്ന രാജ്യങ്ങളിലൊന്നാക്കി മാറ്റും.

News18 Malayalam | news18-malayalam
Updated: July 17, 2020, 4:34 PM IST
മഴ കൂടി; തൊഴിലാളികളും; കൊറോണക്കാലത്തും കൃഷിയിൽ കുതിച്ചു ഗ്രാമീണ ഇന്ത്യ
നെൽ പാടം
  • Share this:
ഡി പി സതീഷ്

ബെംഗളൂരു - കൊറോണ വിതച്ച അന്ധകാരത്തിലും ഇന്ത്യൻ ഗ്രാമങ്ങളിൽ പുതിയ വെളിച്ചമായി കൃഷിയിലെ കുതിച്ചുചാട്ടം. ഇന്ത്യൻ കാർഷികമേഖലയുടെ ജീവരക്തമായ തെക്ക്-പടിഞ്ഞാറൻ മൺസൂൺ, ആദ്യ 45 ദിവസങ്ങളിൽ മികച്ചതായതും കുറഞ്ഞ ചെലവിൽ കർഷകത്തൊഴിലാളികളെ ലഭിച്ചതുമാണ് കൃഷിയിൽ മുന്നേറ്റമുണ്ടാക്കാൻ സഹായിച്ചത്. ഇന്ത്യൻ കാലാവസ്ഥാ വകുപ്പിന്റെ (ഐ‌എം‌ഡി) കണക്കുകൾ പ്രകാരം, വെറും നാല് സംസ്ഥാനങ്ങൾ ഒഴികെ, ബാക്കി ഇന്ത്യയിലെ ഒട്ടുമിക്ക സ്ഥലങ്ങളിലും ഇതുവരെ 18% അധിക മഴ ലഭിച്ചു. ഇത് കാർഷിക മേഖലയ്ക്ക് കരുത്തായി മാറി.

കേരളം, ഹിമാചൽ പ്രദേശ്, ത്രിപുര, മിസോറം എന്നിവിടങ്ങളിൽ മാത്രമാണ് കുറഞ്ഞ മഴ ലഭിച്ചത്. കർണാടകയിലെ നാല് മലയോര ജില്ലകൾ ഒഴികെ സംസ്ഥാനത്തിന്റെ മറ്റ് ഭാഗങ്ങളിലും അധിക മഴ ലഭിച്ചു.

ഏകദേശം 88% വിതയ്ക്കൽ ഇതിനകം പൂർത്തിയായിക്കഴിഞ്ഞു, ഗ്രാമീണ ഇന്ത്യയിൽ കുറഞ്ഞ ചെലവിൽ എളുപ്പത്തിൽ തൊഴിലാളികളെ ലഭിച്ചത് ഈ സീസണിൽ കൃഷി വർദ്ധിപ്പിക്കാൻ സഹായിക്കുന്നുണ്ട്.

കാർഷിക വിദഗ്ധരുടെ അഭിപ്രായത്തിൽ, കൃത്യസമയത്ത് മഴ, മിനിമം സപ്പോർട്ട് പ്രൈസ് (എംഎസ്പി) വർദ്ധനവ്, ലോക്ക്ഡൌൺ കാരണം ദശലക്ഷക്കണക്കിന് ആളുകൾ അവരുടെ ഗ്രാമങ്ങളിലേക്ക് മടങ്ങുന്നത് എന്നിവ ഇന്ത്യയിലുടനീളം കാർഷിക പുനരുജ്ജീവനത്തിന് കാരണമാകുന്നു.

അരി ഉൽപാദനം 20 ലക്ഷം ഹെക്ടർ വരെ ഉയരാൻ സാധ്യതയുണ്ട്, ഇത് വരും ദിവസങ്ങളിൽ ഇന്ത്യയെ ഏറ്റവും കൂടുതൽ അരി കയറ്റുമതി ചെയ്യുന്ന രാജ്യങ്ങളിലൊന്നാക്കി മാറ്റും.

ഇന്ത്യയിലുടനീളം രാസവളങ്ങൾക്ക് ആവശ്യക്കാർ ഏറെയാണ്. ലഭ്യമായ കണക്കുകൾ പ്രകാരം, 2019-20 സീസണിൽ വിറ്റ 82.81 ലക്ഷം ടണ്ണിൽ നിന്ന് 111.61 ടൺ രാസവളങ്ങൾ ഈ സീസണിൽ വിറ്റു.

ഉയർന്ന നെല്ല് വിതയ്ക്കുന്നതിനു പുറമേ, നല്ല മൺസൂൺ പയറുവർഗ്ഗങ്ങളുടെ വിത വർദ്ധിപ്പിച്ചിട്ടുണ്ട് (കഴിഞ്ഞ വർഷം 9.46 ലക്ഷം ഹെക്ടറിൽ നിന്ന് ഇത്തവണ 36.82 ലക്ഷം ഹെക്ടർ ആയി കൂടി). എണ്ണക്കുരു (33.63 ലക്ഷം ഹെക്ടറിൽ നിന്ന് 109.20 ലക്ഷം ഹെക്ടർ), പരുത്തി (45.85 ലക്ഷം ഹെക്ടറിൽ നിന്ന് 91.67 ലക്ഷം ഹെക്ടർ), കരിമ്പ് (50.62 ലക്ഷം ഹെക്ടർ, 49.86 ലക്ഷം ഹെക്ടർ), സോയാബീൻസ് (81.81 ലക്ഷം ഹെക്ടർ, 16.43 ലക്ഷം ഹെക്ടർ) എന്നിവയുടെയെല്ലാം വിത വർദ്ധിച്ചിട്ടുണ്ട്.

കഴിഞ്ഞ വർഷം 202. ലക്ഷം ഹെക്ടറിൽ നിന്ന് ഇത്തവണ 432.97 ലക്ഷം ഹെക്ടർ കാർഷിക ഭൂമിയിൽ മൊത്തത്തിൽ വിതയ്ക്കൽ നടന്നിട്ടുണ്ട്.

ജമ്മു കശ്മീർ (ലഡാക്ക് ഉൾപ്പെടെ), ഗുജറാത്ത്, തെലങ്കാന, ബീഹാർ, അസം, മേഘാലയ, തമിഴ്നാട് എന്നിവയാണ് കഴിഞ്ഞ വർഷത്തെ അപേക്ഷിച്ച് ഒരു ശതമാനത്തിനും 60 ശതമാനത്തിനും ഇടയിൽ കൂടുതൽ മഴ ലഭിച്ചത്. പഞ്ചാബ്, ഹരിയാന, ഉത്തരാഖണ്ഡ്, യുപി, ജാർഖണ്ഡ്, പശ്ചിമ ബംഗാൾ, ഒഡീഷ, ത്രിപുര, അരുണാചൽ പ്രദേശ്, നാഗാലാൻഡ്, മധ്യപ്രദേശ്, ഛത്തീസ്ഗഢ്, രാജസ്ഥാൻ, മഹാരാഷ്ട്ര, കർണാടക എന്നിവിടങ്ങളിൽ 19% കൂടുതൽ വരെ മഴ ലഭിക്കുന്നു.

ആന്ധ്രയിൽ 60 ശതമാനം അധിക മഴ ലഭിച്ചു, ഇത് അവിടുത്തെ മഴയുടെ കാര്യത്തിൽ പുതിയ റെക്കോർഡ് സൃഷ്ടിച്ചു.
TRENDING:Gold Smuggling Case | കാണാതായ ഗൺമാൻ കൈത്തണ്ടയിലെ ഞരമ്പ് മുറിച്ച നിലയിൽ; കണ്ടെത്തിയത് വീട‌ിനടുത്തു നിന്നും
[NEWS]
സുരക്ഷാ അവലോകനം; രാജ്നാഥ് സിങ് ലഡാക്കിൽ; ചിത്രങ്ങളിലൂടെ
[PHOTO]
നിത്യ മേനോന്റെ ലിപ്-ലോക്ക് ചിത്രങ്ങൾ സോഷ്യൽ മീഡിയയിൽ വൈറൽ
[PHOTO]

നഗരങ്ങളിലെ ലോക്ക്ഡൌൺ മൂലം ഗ്രാമങ്ങളിലേക്ക് മടങ്ങിയ നിരവധി ദശലക്ഷം ആളുകൾ കാർഷിക മേഖലയെ വലിയ തോതിൽ ഗ്രാമീണ ഇന്ത്യയിലെ തൊഴിൽ വേതനം കുറയ്ക്കാൻ ഇടയാക്കി. കൃഷിപ്പണി ചെയ്യാൻ തയ്യാറായി കൂടുതൽ പേർ രംഗത്തെത്തിയതോടെ കൂലിയും കുറഞ്ഞു.

കർഷകർക്ക് അവരുടെ വിളകളെ രോഗങ്ങളിൽ നിന്ന് രക്ഷിക്കാൻ കഴിയുകയും അടുത്ത രണ്ട് മാസത്തേക്ക് മൺസൂൺ ഇതുപോലെ തുടരുകയും ചെയ്താൽ, 2020 അവസാനത്തോടെയും 2021 ന്റെ തുടക്കത്തിലും ഇന്ത്യ റെക്കോർഡ് വിളവെടുപ്പിന് സാക്ഷ്യം വഹിക്കും.

(ഡാറ്റ - ഐ‌എം‌ഡിയും പ്രജാവനിയും)
Published by: Anuraj GR
First published: July 17, 2020, 4:34 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories