ആദായനികുതി ഇളവ് കണ്ണിൽ പൊടിയിടാനെന്ന് അഹ്മദ് പട്ടേൽ

ന്യൂഡൽഹി: ആദായനികുതിയിൽ ബജറ്റിൽ ഇളവ് പ്രഖ്യാപിച്ചത് കണ്ണിൽ പൊടിയിടലാണെന്ന് മുതിർന്ന കോൺഗ്രസ് നേതാവ് അഹ്മദ് പട്ടേൽ ആരോപിച്ചത്. രണ്ടര ലക്ഷത്തിനും അഞ്ചു ലക്ഷത്തിനും ഇടയിൽ വരുമാനം ഉള്ളവർക്കാണ് ഇളവ് ലഭിച്ചിരിക്കുന്നത്. എന്നാൽ, അഞ്ചു ലക്ഷത്തിനു മുകളിൽ വരുമാനം ഉള്ളവർക്ക് നേട്ടമൊന്നുമില്ലെന്നും അഹ്മദ് പട്ടേൽ ട്വിറ്ററിൽ കുറിച്ചു.

 

Loading...

No hike in exemption limit from 2.5 Lakh to 5 Lakh only 87A benefit increased. Persons having taxable income more than 5 Lakh no benefit ( it’s another jumla)

— Ahmed Patel (@ahmedpatel) February 1, 2019

ആദായനികുതിയിലെ ഇളവ് ഇങ്ങനെ

അഞ്ചുലക്ഷം വരെ വാർഷിക വരുമാനമുള്ളവർക്ക് ഇനി ആദായ നികുതിയില്ല. ഒന്നര ലക്ഷം രൂപയുടെ 80 സി ഇളവുകൂടി ചേരുമ്പോൾ ആറര ലക്ഷം വരെ വാർഷികവരുമാനമുള്ളവർക്ക് നികുതി അടയ്‌ക്കേണ്ടി വരില്ല. ഇൻഷുറൻസ്, പിഎഫ്, ദേശീയ നിക്ഷേപ പദ്ധതികൾ ഇവയിൽ നിക്ഷേപിക്കുന്നവർക്കാണ് അധിക ആനുകൂല്യം.

ഇതോടെ, മൂന്നുകോടി മാസ ശമ്പളക്കാരാണ് ഒറ്റയടിക്ക് നികുതിക്കു പുറത്താകുന്നത്. 18500 കോടിയുടെ ആദായനികുതി വരുമാനമാണ് സർക്കാർ വേണ്ടെന്നു വെക്കുന്നത്.