സച്ചിനും ഭാജിയും തലൈവരും; വിലമതിക്കാനാകാത്ത ചിത്രം ഇതാ

മുംബൈ: ആകാശ് അംബാനി- ശ്ലോക മെഹ്ത്ത രാജകീയ വിവാഹം മാർച്ച് ഒൻപതിന് മുംബൈയിലാണ് നടന്നത്. ഷാരുഖ് ഖാനും ഭാര്യ ഗൗരിയും മുതൽ മുൻ ബ്രിട്ടീഷ് പ്രധാനമന്ത്രി ടോണി ബ്ലെയറും ഭാര്യ ചെറിയും വരെയുള്ള പ്രമുഖർ വിവാഹത്തിന് സാക്ഷ്യം വഹിക്കാൻ മുംബൈയിലെത്തിയിരുന്നു. ദക്ഷിണേന്ത്യയിൽ നിന്ന് സൂപ്പർ സ്റ്റാർ രജനികാന്തും മകൾ സൗന്ദര്യയും മരുമകൻ വിശാഗനും ചടങ്ങിനെത്തി. വിവാഹവേദിയിൽ ക്രിക്കറ്റ് ഇതിഹാസം സച്ചിൻ ടെൻഡുൽക്കറിനും ഹർഭജൻ സിംഗിനും ഒപ്പം രജനികാന്ത് നിൽക്കുന്ന ഫോട്ടോ ഇപ്പോൾ വൈറലായിരിക്കുകയാണ്.

• കടലാസിലെ കണക്കുകള്‍ പറയുന്നു അഞ്ചാം ഏകദിനം ഇന്ത്യക്ക് തന്നെ; ആശ്വാസമേകുന്ന അഞ്ചു ഘടകങ്ങള്‍

ഹർഭജൻ സിംഗാണ് ഫോട്ടോ ഇൻസ്റ്റാഗ്രാമിൽ പോസ്റ്റ് ചെയ്തത്. വിവാഹവേദിയിൽ മൂന്നുപേരും ചേർന്ന് നിൽക്കുന്നതാണ് ചിത്രത്തിൽ. 'ഇതാ 100 ദശലക്ഷം ഡോളർ വിലമതിക്കുന്ന ചിത്രം. ലക്ഷ്യം നേടാൻ പ്രചോദനമാകുന്ന ഇതിഹാസങ്ങൾക്കൊപ്പമുള്ള ചിത്രം. പാജി ദി ഗ്രേറ്റ് സച്ചിൻ ടെൻഡുൽക്കറും, തലൈവർ രജനികാന്തും'- അടിക്കുറിപ്പായി ഹർഭജൻ കുറിച്ചു.

 

View this post on Instagram

 

Thank you to each and everyone of you for my 3M insta family..love you all..here is a 100 million dollars pic for you all with our legends who inspire us everyday to achieve our goals.. paji the great @sachintendulkar @rajinikanth Thalaiva 🙏

A post shared by Harbhajan Turbanator Singh (@harbhajan3) on Mar 11, 2019 at 7:27am PDT

കഴിഞ്ഞ ദിവസം രാത്രി മുംബൈയിലായിരുന്നു ആകാശിന്റെയും ശ്ലോകയുടെയും വിവാഹ സൽക്കാരം. ഇതിന് മുൻപ് ജിയോ വേൾഡ് സെന്ററിൽ വിവാഹ പാർട്ടിയും നടന്നിരുന്നു. അതിഥികളുടെ നീണ്ട നിര തന്നെ വിവാഹത്തിന് എത്തി. ഐക്യരാഷ്ട്ര സഭ മുൻ സെക്രട്ടറി ജനറൽ ബാൻ കി മൂണ്‍, പ്രമുഖ രാഷ്ട്രീയ നേതാക്കൾ, വ്യവസായികൾ, ബോളിവു‍ഡ് താരങ്ങൾ, ക്രിക്കറ്റ് താരങ്ങൾ എന്നിവർ ദമ്പതികൾക്ക് ആശംസകൾ നേരാൻ എത്തിയിരുന്നു.