HOME » NEWS » India » AKHILESH YADAV SAYS GOVT WASTING HUNDREDS OF CRORES ON DONALD TRUMPS VISIT AMID ECONOMIC SLOWDOWN

സാമ്പത്തിക മാന്ദ്യത്തിനിടയിൽ സർക്കാർ ട്രംപിന്‍റെ സന്ദർശനത്തിനായി കോടികണക്കിന് രൂപ പാഴാക്കുന്നു: അഖിലേഷ് യാദവ്

ലാളിത്യത്തിന്‍റെ പ്രതീകമായിരുന്ന ഗാന്ധിജിയുടെ ജന്മസ്ഥലമായ ഗുജറാത്ത് ആ‍ർഭാടങ്ങളിൽ അതിരു കടന്നത് വിരോധാഭാസമാണെന്നും അഖിലേഷ് യാദവ് ആരോപിച്ചു.

News18 Malayalam | news18
Updated: February 24, 2020, 8:01 AM IST
സാമ്പത്തിക മാന്ദ്യത്തിനിടയിൽ സർക്കാർ ട്രംപിന്‍റെ സന്ദർശനത്തിനായി കോടികണക്കിന് രൂപ പാഴാക്കുന്നു: അഖിലേഷ് യാദവ്
അഖിലേഷ് യാദവ്
  • News18
  • Last Updated: February 24, 2020, 8:01 AM IST
  • Share this:
ലഖ്നൗ: യു എസ് പ്രസിഡന്‍റ് ഡൊണാൾഡ് ട്രംപ് ഇന്ത്യയിൽ എത്തുന്നതിനു മുമ്പേ ട്രംപിനൊരുക്കുന്ന സ്വീകരണത്തിനായി കോടികൾ ചിലവഴിക്കുന്നതിനെ ചോദ്യം ചെയ്ത് സമാജ് വാദി പാർട്ടി രംഗത്ത്.

രാജ്യം സാമ്പത്തികമാന്ദ്യം നേരിടുന്ന പശ്ചാത്തലത്തിൽ കോടി കണക്കിന് രൂപയാണ് ട്രംപിന് സ്വീകരണമൊരുക്കുന്നതിനായി പാഴാക്കുന്നതെന്ന് ആരോപിച്ച് സമാജ് വാദി പാർട്ടി നേതാവ് അഖിലേഷ് യാദവ് ഞായറാഴ്ച രംഗത്തെത്തി.

'മോദി എന്റെ സുഹൃത്ത്': രണ്ട് ദിവസത്തെ സന്ദർശനത്തിനായി ഡൊണാൾഡ് ട്രംപ് ഇന്ത്യയിലേക്ക് തിരിച്ചു

ലാളിത്യത്തിന്‍റെ പ്രതീകമായിരുന്ന ഗാന്ധിജിയുടെ ജന്മസ്ഥലമായ ഗുജറാത്ത് ആ‍ർഭാടങ്ങളിൽ അതിരു കടന്നത് വിരോധാഭാസമാണെന്നും അഖിലേഷ് യാദവ് ആരോപിച്ചു. ഡോണാൾഡ് ട്രംപിന്‍റെ ഇന്ത്യാ സന്ദർശനവുമായി ബന്ധപ്പെട്ട് ഇന്ത്യ സർക്കാർ പൊതുജനങ്ങളുടെ നൂറു കോടി രൂപയാണ് പാഴാക്കി കളയുന്നതെന്ന് സമാജ് വാദി പാർട്ടി പ്രസ്താവനയിൽ ആരോപിച്ചു.

'നമസ്തേ ട്രംപ് ജി' പറയാൻ ലക്ഷക്കണക്കിന് ആളുകളെ തയ്യാറാക്കി കഴിഞ്ഞു. എന്നാൽ എല്ലാ ശ്രമങ്ങളും നടത്തിയിട്ടും സത്യം മറച്ചുവെയ്ക്കാൻ കഴിയുന്നില്ല. മാന്ദ്യം ഇന്ത്യൻ സമ്പദ് വ്യവസ്ഥയെ പിടിച്ചുലച്ചെന്ന് ലോകം മുഴുവൻ അറിയാം. ഇന്ത്യയിലെ കർഷകരെ ഇരുട്ടിലേക്ക് തള്ളയിട്ടിരിക്കുകയാണ്' - പ്രസ്താവനയിൽ പറയുന്നു.
Youtube Video
Published by: Joys Joy
First published: February 24, 2020, 8:00 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories